Sweet Affliction (Phoenix series #1)

Chapter 31

Paying a visit

"Wow! number 24, huh? Suportadong-suportado" 

Patuloy ang paglalakad namin ni Scarlette papuntang gym, ngayon kasi ang championship game ng basketball. Phoenix vs Falcons, dito gaganapin ang laro dahil mas malaki ang court ng Stanford University. 

Kaya hindi na rin ako nagugulat kung bakit napakadaming tao ngayon, wala kasing klase ngayong araw dahil sa event na ito, sumabay pa ang science month kaya busy ang mga medicine students. 

Bumaba ang tingin ko sa damit ko. Suot ko ang jersey shirt na may number 24, representing Grey, of course. Ayoko sanang suotin pero pinilit sa akin ni Grey suotin ang damit niya para daw suportahan ko siya. I silently face-palmed. Kahit kailan talaga siya. 

"Asan si Luis?" pansin ko. 

Scarlette pouted. "ewan ko doon, palagi nalang wala, nag shift kasi diba siya ng course kaya siguro busy."

Napatango ako. Although not satisfied, napapansin kong madalang nalang namin makita si Luis, ang huling usap namin ay sa cafe yung nag walk out siya, simula noon ay hindi na siya nagpakita. Nasa iisang school pa rin naman kami diba?

"Don't think about him, Frances. Nag-e-emote lang iyon" Scarlette grimaced. 

"Nakapag-usap na kayo?" 

Tumango siya. "Oo, ewan ko ba dun sa baklang iyon, kung makaasta parang kuya ko. Dinaig pa nga ang tatay ko e kung makapag-alala" reklamo niya na ikinatawa ko. 

Magsasalita pa sana ako pero sumalubong na agad samin ang nakakarinding mga sigawan ng mga tao sa loob ng gym. Punong-puno ng mga tao, may kanya-kanyang mga banner at may mga balloons pa para suportahan ang mga players nila. 

Andito rin ang mga estudyante mula sa Eastern State University at hindi nagpapakabog. Mga civilians at iba pang students from other schools. 

Tahimik kaming naglakad ni Scarlette papunta sa upuan namin sa harap, yeah, walang choice, dito muna sa VIP.

"Ang daming tao grabeh..." Scarlette whispered to me. 

"Oo nga! Ang dami mong kaagaw sa Bebe Terrence mo oh" sabay turo ko doon sa grupo ng mga kababaihan na may malaking banner na nakasulat ang pangalan ni Terrence.