#رغم_الخفايا
.
.
الحلقة الاولي
هو >> انا ما جبرتكش علي شي انتي اللي وافقتي
انا >> ماكنتش نحساب اني بموافقتي هذي حانخش في حياه هكي
هو >> مش عاجبتك الحياه ؟
انا >> لا مش عاجبتني مش عاجبتني
هو >> يبقى لازم اتعودي عليها عشان هضا الموجود
انا >> نكرهكككك نكرهك انا مستحيل تكون انسان عادي
هو >> حابه تزيدي حاجه اخرى ولا خلاص نعدي ؟
.
.
" لقدّ كانت تؤمن بأنَ هناك سعادةً كبيرة تنتظرها في مكانٍ ما، ولهذا السبب ظلّت هادئة بينما تمر الأيام. "
..
..
..
وصال ،حدديلي بلوزتي
تي وصال ،وين الشحن متاع تلفوني ؟؟
وصال ! ديري قهوة ازف بنطلع
وصال شن صار فالهدية البنت عيدميلادها بعد بكرا
وصال بنشيل الوليه للمستشفي نجيبلك لعيل تمسكيه
وصال وصال وصال !
اليوم كله يكمل هكي ، اسمي من كثر ما يقولو فيه فاليوم كان يعدو كم مره ينقال نخش موسوعة قينيس للارقام القياسية !
هذي انا وصال🤷🏻♀️ واللي يندبو هضوما خوتي الخمسه
انا بنت وحيدة علي ست شباب ، طبعا المفروض نكون انا البنت المدلعه اللي خوتها ينفذو في طلباتها واللي باتها مدلعها و ما يرفضلهش طلب 🤦🏻♀️ بس لالا هذينا البنات لخرات مش انا وصال !
محمد>> وانتي ديما مستوهه وسرحانه ، النبي امسكي حمودي
انا >> باهي نزله ليا ، كنها مراتك ؟؟
محمد >> شكلها نزلت اللي في بطنها
انا >> يناعلي نمشي معاك ؟؟
محمد >> لالا غير ردبالك علي حمودي ساعة ونردو
انا >> باهي
نزلي محمد ولده وطلع هو ومراته ، قعمز حمودي عالرسوم وانا خشيت للمطبخ نفكر شن ندير غدا للقوم
محمد خويا الكبير عمره ٣٣ سنة متجوز ومراته سمية وعنده حمودي بس
بعد محمد عندنا عادل حاصل في روحه يبي الحوش كله عالمسطرة وكل شي في مكانه كان يلقى يسكن في كوكب بروحه خاطب بنت عمي زهره
بعد عادل خويا ناصر عطّال بطّال كيف ما يقولو جايته مراهقه متآخره 😂
بعد ناصر اختكم فالله انا ، وصال طبعا امي بعد ناصر حرجت من باتي و صارن مشاكل ف قررت توقف جياب بعدها ردو وحملت بيا انا
وصال 24 سنة 🙆🏻♀️
~~~~~~~~ #Aya🔮
علي >> وصاااااال وصال
انا >> مش قتلك لما تخش معش تعيط
علي >> باهي شن الغدا
انا >> الصبر مازال بدري
علي>> قصة
انا >> انت يا فرخ ماتعليش صوتك عليا را كف
علي >> مطول لسانك
انا >> عطوك درجة الرياضيات ؟؟
علي >> اه لالا
انا >> اه ولا لا ؟؟؟؟
علي>> عارفتيني مانحبش الرياضيات خلاص عاد
أنت تقرأ
رغم الخفايا
Action"كيف يمكن للمرء أن يتأمَّل أشيائه الجميلة بحب , بدلاً من الخوف المستمر بفقدانها ؟"
