رغم الخفايا

الحلقة الرابعة

#رغم_الخفايا
.
.

الحلقه الرابعه
.
.
لايك قبل ما تقرو ❤️ وكومنت بعد ما تكملو
.
ثاني يوم نضت درت غدا السميه و خذيت معايا حمودي و شالنا مهيمن زياره السميه
خشيت لقيت امها و سميره عندها و يلبسو في سميه تبي تطلع ، سلمت عليها وحطيتلها غدا قعمزت تغدت و روح بينا عادل انا وسميره عالحوش و امها روحت لحوشهم

انا >> خشي جوا فرشتلك مافيك ما ركب الشقتك
سميه>> غير نديرلك سريب والله
انا >> النبي تخشي نشف ريقي وانا نحلف الامك بيش تخليك تطلعي عندي

خشت سميره هي وسميه فرشتلها في داري جوا و خذيت منها البنيه قعدت نلعب عليها انا وسميره

انا>> قررتو تسموها ؟
سميه >> مشعارفه
انا >> يقولك البيبي يجي اسمه معاه
سميه>> مش عارفه علي شن ترسي

خش محمد مسك البنت و حمودي بدا فالغيره كملها يبكي

انا >> عليك قصة هضا بيكملها ينتش فيها
سميه>> بكل حا يقلقوني ، سميره النبي جيبيلي من فوق صاكو موتيته فيه حاجات ليا
سميره >> باهي

طلعت سميره لقت خوتي مقابلينها فالمربوعه سلمت عليهم وركبت جابت الصاكو وهيه نازله شافت عادل مصبي فالممر وواضح انه يحكي مع زهره

خطمت سميره وما حكتش شي ناداها عادل

سميره >>نعم
عادل >> النبي كلميلي وصال من جوا
سميره >> تبي حاجه ؟ خش عادي سميه فدار جوا مش شورك
عادل >> لالا خيتي سميه عارف ، غير نبي نقوللها اطلعلي البنت نشوفها
سميره >> باهي

خشت سميره جوا

سميره>> خوك بيشوف البنيه
سميه >> ههههه ياخيه طلعيها لهم
انا >> شيليها النبي راسي صداع امس حمودي ما خالانيش نرقد
سميره >> صبي عاد بلا سماطه
انا >> النبي علي اساس اتحشمي من خوتي
سميره>> انقنك بارده

خذت سميره البنت وشالتها العادل

عادل >> لالا خليها في يدك
سميره>> هههههههه قصدك ما تعرفش تمسكها
عادل >> حجمها صغير بكل
سميره >> غير جرب بس
عادل >> تو اطيح خليني نشوفها هكي وهي في يدك
سميره>> براحتك

قعد عادل يلعب فالبنت وحط عليها فلوس

سميره >> ليش متعب روحك
عادل >> بنتنا هذي مش بنت اختك بروحك
سميره >> 🙂

خذت سميره البنت وخشت بيها جوا

سميره>> عادل حط عليها فلوس راه
سميه>> ديما متعب روحه
انا >>راجيني انا نلم منهم ونحط عليها😂😂
سميه>> مش لايمه عليك ساد ما شاقيه بيا لولاك را ما جت
انا >> ياخيه مش بينا خيتي انتي
سميه>> سلمك
.
.
.
عند عيت عزّام
مريم كانت عند هلها >> ما حكيتيش مع عزام علي تحديدة الفرح ؟ كلمتني حواء مرات خالك قالت فاطمة خالة وصال قالتلها انه سمية جابت