رغم الخفايا

الحلقة الثانية عشر

#رغم_الخفايا
.
.
الحلقة الثانيه عشر
.
حنان >> عزام سافر ..
انا >> كيف ؟؟ 🥺
حنان >> من حاجه اسبوع قال جاه شغل برا و سافر وما قالش حتي امتي حا يرد
انا >> باهي ربي يوفقه وين سافر
حنان مش فاهمه برضو >> ان شاءالله لمصر ، تبي حاجه ؟؟
انا >> لالا ماكانتش حاجه ضروريه
حنان >> تمام براحتك

هدرزت مع حنان شويه و صكرت 😞 و خذيت الموضوع قلت ممكن ربي ما يبينيش نحكيله وممكن يكون هكي  احسن لي
.
.
ثاني يوم
انا >> وتيت لك دبشك كله قلت شهر صح ؟
ناصر >> اه
انا >> تمام / ردبالك بس
ناصر >> ان شاء الله

طلع ناصر وصله عادل للمطار رنيت علي خديجه

انا >> الو
خديجه >> سافر ناصر ؟
انا >> تعرفي ؟؟
خديجه >> انور يحكي فيها الماما مبدري سمعته
انا >> اه طلع من شويه للمطار
خديجه >> تمام
انا>> ليش ما تكلميه ؟
خديجه>> عليش نقهر في روحي بزياده ؟ هو انا هكي ومش قادره مبالك نكلمه
انا >> قلت بلكي لو كلمتيه اتريحي
خديجه >> خليه يشوف حياته ربي يهنيه
انا >> شن الجو عندكم فالحوش؟
خديجه >> امي مازالت مصكره راسها بس اخرتها تقتنع
انا >> ان شاء الله سميره وانور يستاهلو
خديجه >> انور اللي عينه زايغه يابتي شفتيه 😂
انا>> تربي 🤭

صكرت من خديجه و تمددت رقدت كنت قريب نصكر الشهر الثامن و كل ما يقرب موعد ولادتي كل ما نخاف من المسؤوليه اللي جايتني وخصوصا اني حانتحملها بروحي 😔
.
.
عند سمية ومحمد

سمية طلعت من الحمام كانت ادوش

سمية >> حمودي رد بالك علي ميرو نغير دبشي و نجي
محمد كان مقعمز حذاهم >> تو حمودي بيرد باله علي ميرا 🙂

خشت سمية للدار غيرت دبشها و طلعت خذت ميرا من جنب محمد وخشت بيها للدار بترضعها

خش حمودي>> قالك بابا وين الغدا
سمية >> قوله ميرا ترقد
طلع حمودي وجا >> قالك انا جيعان
سمية >> الصبر
طلع حمودي ورد اخرى >> قالك بلاش مكر
سمية >> قوله
حمودي >> مش قايل شي تعبت صبو بروحكم 😡

طلع حمودي من حذايا وهو متعقد من دزدزتنا له 😂 رقدت ميرا وصبيت حطيتلهم الغدا قعمزت نوكل في حمودي ومحمد مقابلني

سمية >> بنطلع للسوق بعدين بنشري حاجات عشان جيبة وصال
محمد >> الساعة كم
سمية >> حايشيلني مهيمن
محمد >> اووه متفقه حتي مع مهيمن ؟؟
سمية >> بنبدو ؟
محمد وهوا راقيله >> لا براحتك يشيلك مهيمن ولا حتي جارنه مرعي عادي مش شوري انا

سيب الغدا و صبا

حمودي >> مش مبدري تقول جيعان وادز فيا
سميه>> خليه تو ياكل بعدين كول انت بس 🤦🏻‍♀️