رغم الخفايا

الحلقة العاشرة

#رغم_الخفايا
.
.
الحلقة العاشره
.
.

خديجه >> مسيبيين العروس تحل فالباب😡

فتحت الباب وانصدمت
خديجه >> ناصر ؟؟؟؟؟؟
ناصر >> من عندكم عروس ؟

خش ناصر وصكرت خديجه الباب
خديجه>> الحمدلله عالسلامه
ناصر >> الله يسلمك
اناطلعت من المطبخ >> ناصرررررر

جريت عليه اضبطته

ناصر >> مازلتي دراما وتبكي
انا >> الحمدلله عسلامه
خالتي تسلم عليه>> الحمدلله عسلامه
ناصر >> الله يسلمكم
انا >> مش علي اساس طلعتك الاسبوع الجاي
ناصر >> دارولنا افراج اليوم والله انا ومجموعة شباب روحت للحوش لقيت مهيمن وعلي قالولي انك قاعده عند خالتي قلت نجي
اناا >> شنجوك رايح ناقص ؟؟
ناصر >> وكال بالهون والله

كنا نحكو وخديجه واقفه  تبحت فينا او بالاصح في ناصر ، ماكانتش متوقعه انه يطلع في يوم زي هضا ! وبطلعته يلخبطلها الموازين اللي كانت تحساب انهن ثابتات

ناصر >> كنكم لابسين
خالتي >> جايين عرب الخديجه اليوم
ناصر بحت فخديجه >> اهاا معناها نعدي انا
خالتي >> تعال بعدين تعشا
ناصر >> لا لنقني تالف بكل نبي نطيح نرقد
خالتي >> معناها بكرا كلكم معزومين عندي عالغدا
ناصر>> تمام "بحت في خديجه" مبروك يا بنت خالتي
خديجه >> الله يبارك فيك ☺️
طلع ناصر وخشت خديجه للدار تلبس خشيت وراها لقيتها مقعمزه عالسرير

انا>> صبي البسي الساعه خمسه ونص
خديجة >> وصال
انا >> ولا حرف عارفه تفكيرك تلخبط مشي اليوم هضا علي خير بس وبعدها ساهل
خديجه >> باهي تمام تمام

شوية وجو العرب ، كانو عيله خفيفه ظريفه وماطولوش قعمزت خديجه حذاهم شويه و عجبتهم و حكولها علي الي متقدملها و خديجه كل ما نبحت فيها نلقاها سرحانه ، عالساعة سبعه ونص روحو العرب
انا >> قوليلي في شن تفكري ؟
خديجه >> مش عارفه والله خايفه نوافق ونجوز وماننسش ناصر ونقعد كل ما نشوفه قلبي يدق
ونخاف نرفض تطلع قصتي مع ناصر مجرد شعور ويمر عادي ، انا عمري ما سمعت حد يحب حد هو ما يندريش عليه مش عارفه كني انا
انا >>بس حسيت ناصر اليوم متلخبط لما سمع
خديجه>> مانبيش نوهم روحي وماتوهمينيش
انا >> باهي شن تبي تردي اكيد باتك حيقول الخالتي شن صار بيش يردو عالعرب اليومين هذينا
خديجه>> مش عارفه حايره حايره بكل
انا >> شعور ماتنحسديش عليه ومش قادره ننصحك عشان ما لقيتها الروحي النصيحه😂
خديجه>> 😂😂

بتت الليله هذي عند عيت خالتي قلت بكرا خوتي جايين متغديين مافيا ما روحت
.
.
عند عيت عزام

مريم >> خالتها معش ردت عليا
حنان >> عزام شن قالك
مريم>> اللي قلته لكي قاللها قصة زينه كلها
حنان >> باهي وليش طلبت الطلاق قصة قديمه ومرت
مريم >> نقولك احساسي ؟
حنان >> قولي
مريم >> نحس فيها بدت تحب عزام ! ولما لقت انه عزام مازال عايش علي ذكرى زينه وحاس بذنب علي قتلتها ف عرفت انه مش حايحبها
حنان>> حرام ،المشكله انه المشاعر ماحدش يقدر يتحكم فيهن لاعزام يقدر ولا هيه تقدر
خلاص اهو هي اللي طالبه الطلاق عشان باتي ما يديرش قصة
مريم >> يلا نصيب الله غالب