#رغم_الخفايا
.
.
الحلقة السادسة عشر
.
بعد ربع ساعه جا انور
انور >> شن فيه ؟؟
انا >> ولا حاجه بس عزام حصل في شغل قالي نروح علي ما جا
انور استغرب >> بس المفروض هوا يجي ياخذك راه !
انا >> انور انت الوحيد الي نحكيله عشان ما ياكلش في كبدي
انور رفع يزن وطلع بدون ما يحكي حرف وكان عارف اني نكذب
//
//
وصلت للحوش
انور>> تبي حاجه ؟
انا >> لالا سلامتك
نزل معايا انور دبشي وعدا وفتحتلي حنان الباب
انا >> في حد معاك ؟
حنان >> لالا بروحي
انا >> وين مفتاح الحوش خليني نركب
حنان >> خشي تعالي
خشت حنان وخشيت وراها
حنان>> عزام ما رنش ؟
انا>> مازال مقفل ؟ شفتي يا حنان شفتي الموقف اللي حطني فيه ؟ قتله من اول ما قالي نردو انه نحن مش علاقة يا عزام ، قتله نحن مطلقين ومش لعب عيال اللي بيناتنا
حنان >> مش عارفه شن نقولك والله بس اكيد في سبب
انا >> مش عارفه مانبيش نفكر
خذيت من حنان المفتاح و ركبت فوق وسيبت يزن مع حنان مسكاته مني ، لقيت الحوش مضموم ومرتب اول حاجه جت عيني عليها الدار اللي كانت مصكره وخشيتلها هيه اول شي صورة زينه الي لقيتها فدولاب ما كانتش قاعده مافيش شي متغير كل شي علي وضعه حطيت دبشي فالدار و خشيت للمطبخ فتحت الدولاب بناخذ كباية لقيت الدولاب مليان شيش نسكافيه ❤️ ضحكت وفنفس الوقت اضايقت ليش يخرب فالحاجه الحلوه بحاجه شينه
سمعت صوت تلفوني يرن وكان رقم غريب ، رفعت التلفون ورديت
انا>> الو
عزام >>الو وصال انا عزام
انا >> عزام انت وينك ؟؟ ورقم من هضا وشن صار ؟
عزام >>مافيش شي حصلت في شغل وتلفوني طفا شحنه توا كيف حصلت تلفون صاحبي
انا >> تمام تمام
عزام >> وتي روحك جاي بناخذك
انا >> انا جيت مبدري جابني انور
عزام >> عارفك جيتي رنيت علي حنان قبل ما نرن علييك | وانور اللي جابك نتفاهمو عليه بعدين ، المهم وتي روحك
انا >> وين حانمشو ؟
عزام >> خمس دقايق وجاي
صكرت منه و نزلت لوطا الحنان علي اساس بناخذ يزن منها و نلبسه بس قالتلي خليه معايا
انا >> تو يقلقك
حنان >> لالا جيبيلي بس رضاعته وحاجته كلها وساهل
انا >> خلاص تمام
نزلت الحاجات الحنان و ركبت فوق ما عرفتش شن نلبس 🤦🏻♀️ قعدت نبرم لبست حاجه بسيطه من عندي علي خشت عزام
عزام >> واتيه ؟
انا >> قبل ما تحكي اي حاجه 🙂 معقوله الموقف اللي تحطني فيه هضا
عزام >> تآخرت ساعة ونص مشيتي كلمتي انور ؟ ماتحكيش عشان مانتعاركوش توا
انا >> ياسلام ؟
عزام >> وصال 🙄
انا >> تخيل روحو خوتي ولقوني قاعده 🙂 منظري بايخ بكل
عزام >> والله العظيم حصلت في شغل الله + اني ما درتلكش موضوع علي جيتك مع انور 🙄 ف خلاص وحده ب وحده
انا >> وين ماشيين 😒
عزّام >> بنقعدو بروحنا 🙂
أنت تقرأ
رغم الخفايا
Action"كيف يمكن للمرء أن يتأمَّل أشيائه الجميلة بحب , بدلاً من الخوف المستمر بفقدانها ؟"
