رغم الخفايا

الحلقة الخامسة عشر

#رغم_الخفايا
.
.
الحلقة الخامسة عشر
.

رن تلفوني و كان اللي يرن انور ... مسكت التلفون نبي نرد مافطنتش الا وعزام واخذه من يدي

عزام >> خلينا نطفو الشمعه وبعدها ح تردي 🙂

مابيتش اناقشه ، طفينا شمعة يزن و كنت نتمني انه ربي يخليه ليا و نشوفه يكبر قدام عيوني الحاجه الوحيده اللي عوضني بيها ربي فالدنيا

بعدة شويه منهم و حنان مسكت يزن توكل فيه و رنيت ع انور

انور>> نجيك؟
انا >> اه تعال
انور >> تمام

برمت لقيت عزام ورايا | كنا في زاوية الجنان

عزام>> انور؟؟
انا ضحكت>> اها | ليش حاط راسك براسه
عزام>> مادخلنيش بيه😒
انا >> اهااا
عزام قرب مني | انا بعدت خطوه
انا >> عزام انا مش مراتك ركز!
عزام >> وانا ما نديرش فشي غلط
انا >> ما تحطنيش في متاهه | ولدك وامتي ما تبي تشوف فيه صح دسيته عليك سنتين بس اسبابي واضحه
عزام >> نبيك انتِ

"انا من قوة الجمله درت براسي بمعني نعم ؟؟؟"

عزام >> ايوه اللي سمعتيه
انا >> هي مش علاقة ولا حتي خطبه بيش نسيبو ونردو ... هضا طلاق وفيه حلال وحرام وفيه بيبي | مانبيكش تردني عشان بس فيه يزن فالنص مانبش نرد نعيش في متاهه من جديد
عزام >> تعرفي اني ما نفكرش هكي بكل

رن تلفوني عرفته انور قاعد برا ... مشيت من حذا عزام و قالي اخر شي

عزام >> خوذي وقتك وفكري

خديت يزن و طلعت الانور

//
//

انور >> وين سرحانه ؟
انا >> مشعارف حايره
انور >> تبي نبرمو ؟
انا >> ياريت مانبيش نروح للحوش دغري

رد انور من الطريق و قعدنا نلفو فالشوارع

انور >> كل ما عزام يجيكم او انتي تمشيلهم تقعدي هكي ؟

انا >> مش عارفه القصة معش انتهت
انور>> طول ما قلبك يدق له مش حا تنتهي
انا >>واضح عليا هكي ؟
انور >> حتي لو مش واضح ف انا نعرفك
انا >> شن ندير يا انور ساعدني مش فاهمه شي
من جهه نفكر في يزن شن ذنبه يعيش باته بعيد عليه وغير هكي نفكر في حياتي بعدين مش حانقدر نربيه بروح وترباية الشاب مش كيف البنت نفكر في حاجات واجد
انور >> حطي يزن علي جنب انتي تعرفي اني نربيه انا بعيوني الاثنين وما ينقصه شي | بحتي فيا
تحبي عزام ؟
انا بحتت فيه وبرمت وجي عالقزاز
انور>> جاوبيني بس ريحي قلبك واعترفي
انا بدون ما نبرمله >> رغم انه الفتره اللي قعدتها معاه كلها اقل من سنه كنت نحساب روحي بس متعوده عليه بس بعد مرو سنتين وهو بعيد عليا ولا لحظة راح من بالي ولما رد دق قلبي و تلخبطت وقتها عرفت اني نحبه | بس شن ينفع الحب لما يقعد الطرف الثاني عقلة وقلبك مش معاك و مش مشاركك ولا حاجه علي حياته؟
انور >> انتِ ما تعرفيش السنتين هذينا كيف مرن عليه ... قبل ما اديري اي خطوه تآكدي اني انا معاك
انا >> اهو انت اللي مصبرني علي كل اللي انا فيه "بحتت اليزن لقيته راقد في يدي"
انور >> نروحو؟
انا >> اه خلاص