رغم الخفايا

الحلقة الخامسة

#رغم_الخفايا
.
.
الحلقه الخامسه
.
.
ضرب مرتين بعدها رد

انا >> الو
عزّام >> ايوا
انا >> وصال معاك
عزّام >> عارفك وصال🙄
انا >> وينك ؟ 😒
عزّام >> فشغل
انا >> شغل كيف ؟
عزّام >> شغل يشتغلو فيه 🙂
انا >> باه

رقالي من اسلوبه صكرت فوجه و حطيت علي رقم سميه رنيت عليها

انا >> الو
سمية>> ياحيووووووانه وينك ؟؟
انا >> ههههههههه عارفتكن بيقتلكن الفضول انتي والكلبه خديجه
سمية>> قولي شنصار ؟
انا >> نفس اللي يصير مع المتجوزين يعني شن بيسير
سمية>> باهي لولووللي مبروك 😂
انا >> بطلي سماطه كيف حال حمودي و ميرا ؟
سمية>> كويسين ميرا عياط وبس ماتبيش الا ترضع
انا >> باهي تمام جوكم كويس ؟؟ العيال شنجوهم
سمية>> تمام كويسين عادل كل يوم نحق فيه قارن حواجبه نعرفه متعارك مع زهره و ناصر مش غابيه فيه فالمزرعه مهيمن فالورشه وعلي يكسد فشارع ومرات مع مهيمن
انا >> باهي الله يطمنك
سمية>> خطرها راه علي و مهيمن ماشيين الخميس المصر
انا >> صحححح تو نقول لعزّام يجيبلي لكم معناها بعد بكرا نسلم عليهم
سمية>> اووو قعدنا من جماعة حتي راجلي😂

انا>> يابارده 😂كلمي سميره خليها تجي وتو نكلم خالتي ودوجه
سمية>> حاضر

صكرت من سمية ومعش عرفت شن ندير من الكساد فكرت ننزل لوطا بس تحشمت ، خشيت للدار قعدت نفتش فيها فتحت الدواليب لقيت دبش عزام بس الادراج فاضيات مافيهنش شي مافيش اي ورقه ولا اي حاجه شور عزام
خاطي جواز سفرة و وثيقة زواجنا مالقيتش ولا اي ورقة تانيه تبين شغله ولا تبين اي شي له ، قلت ممكن يحط فالاوراق المهمه في الشغل
اذكرت الدار المسكره قعدت ندور قلت بلكي نلقى مفتاح بس ما لقيتش شييي بكل ....

كملت جولة التفتيش سمعت صوت المفاتيح عالباب عرفته عزام مابيتش نبحت بكل 😒 

عزّام >> السلام عليكم
انا >> سلام 😒

خش للمطبخ و بعدين للحمام وطلع جا جنبي

عزّام >>هلي دزو غدا
انا>> لا واكله انا فطرت متآخر كول انت
عزّام >> تمام

صبا بياكل والتفت عليا >> مانحبش التسكير فالوجه راه 🙂

انا رفعت حاجبي وسكتت خشيت للدار ورنيت علي خديجه وقتلها عشان تجي

انا >> قتلك تو ندزلك حاجه توا في رسالة تجيبيها ليا لما نتلاقو

خديجه >>شنو ؟
انا >> جيبيها بدون اسآله
خديجه>>مبردك باهي

صكرت منها ودزيتلها الرساله علي خشت عزّام للدار

انا >> قتلك
عزّام بدون ما يبرم عليا>> نعم؟
انا>> بنمشي الهلي بعد بكرا
عزّام >> بجوك
انا >> قصدي انت ح تشيلني يعني
عزّام >> امالا من بيشيلك 🙄
انا>> عقبتلي من الغدا؟
عزّام>> مش قلتي مانبيش
انا >> قتلك فطرت متآخر يعني بلكي نجوع بعدين
عزام >> لالا ماعقبتش
انا >>باهي
عزّام >> حانخش نرقد انا
انا>> نواعيك
عزام>> لا حنوض بروحي