رغم الخفايا

الحلقة السادسة

#رغم_الخفايا
.
.
الحلقه السادسه
.
.
عزام >> كان بتي لوطا
انا>> نحسابك رقدت
عزام >> لالا بس جيعان
انا>> تو نديرلك عشا
عزام>>علي مهلك بنخش ندوش

خشيت للدار لبست بجامة وخشيت للمطبخ نديرله في عشا 🙂
حطيت الحاجات اللي جايبهن عزام في مكانهن و درتله عشا

انا >> عزّامممم ياعزام
عزام >> ايوه
انا>> تعال تعشى
عزام >> باهي

طلع من الدار وجا للمطبخ بحت فيا بعدين قعمز عطاوله

انا >> اوامر تانيه ؟
عزّام >> لاء متبيش تاكلي
انا>>من مبدري كليت
عزام>> منحبش ناكل بروحي
انا>> حاول ماطولش برا وحنرجاك مره تانيه

طلعت من حذاه و معطيتش فرصه يرد وخشيت للدار وغمضت عيوني عشان نرقد وما يجيش حذايا
.
.
.
مرن كم يوم ، مافيش فيهن ولاجديد عزّام يطلع ويروح ومانندريش عليه بكلللل
عادل شال الزهره فلوس كسوتها و حدد مع عمي العرس وعلي ومهيمن مازالو في مصر
.
.
كنت قاعده فالدار و عرفت انه عزام بيجي خشيت للحمام عسريع وطلعت حطيت حاجه فدرج وبرمت  ، فتح عزام الدرج وطلع الشريط وبحت فيا

عزام >> شنو هضا ؟؟
انا >> دوا
عزام>> منع حمل
انا >> اها منع حمل 🙂
عزّام>> وليش تاخذي فيه ؟
انا >> عشان مانبيش نحمل من حد انا مانعرفش عليه شي ! مانبيش نجيب عيال عدنيا وبوهم وامهم حياتهم ملخبطه هكي ومايتلاقوش الا فالليل بس ؟
عزّام بكمية برود >> علي فكرة حتي انا مانبيش عيال اصلا ! ونعرف كيف ندير عشان مايجوش عيال بس برضو حتي المنع احتياط " وغمزلي"

جا بيطلع من الدار مسكت يده بلقوه وضغطت عليها استفزني كلامه بككككككل وبروده برم بحت فيا

انا >> انت شن فكرتك عالزواج؟؟
عزام>> شن فكرتك انتي ؟؟
انا >> مش متجوزه من قبل عشان نقولك فكرتي انت متجوز وتعرف اكيد ☺️
عزّام قرن حواجبه>> شن تبي تعرفي بزبط ؟؟
انا>> بنعرف اللي سآلتك عليه
عزام >>الزواج مش كيف اللي نحن عايشينه بس لازم اتعودي علي نحن عايشينه عشان هضا اللي عندي
انا >> انت اجوزت من قبل و عشت كل شي ؟ عليش اجوزت مره ثانيه لو انت ما تبيش
عزّام >> عشان هلي ! عرفتي عليش ؟؟
فيه سؤال ثاني ولا لا !
انا خشيت وطبقت باب الدار بالقوه !
.
.
.
ثاني يوم نضت درت غدا و عزام كان قاعد ماطلعش فالصبح كملت وخشيت دوشت ، لبست بجامة وطلعت... حطيت الغدا وماكنتش نعرف شن يحب وشن يكره سويت وخلاص

انا >> عزّام تعال الغدا واتي
عزّام >> باهي
قعمز عزام مقابلني عطاوله
انا >> تشيلني لخويله بعدين ؟
عزام >> وعليش ؟؟
انا >> انت هكي هكي اطول فالليل ونقعد بروحي اليوم كله 😔
عزام >> الساعه كم بتمشي 😒
انا >> خمسه ونص
عزام >> باهي
انا >> ما طولش فالليل معناها
عزام >> ترايفي عليا ؟ 😂
انا >> اكيد لالا بس عيب نطول وهكي حوش خالتي صغير وانور يروح بدري
عزام >> انور من
انا >> ولد خالتي 🙂
عزام >> باهي ساهل
انا "كنت حاطه يدي علي خدي ونبحت فيه ">> عجبك الغدا ؟؟
عزام>> انتي كنك ما تاكلي ؟
انا >> ماتخافش اكيد مش حاطتلك حاجه فالوكال 🙂 بس مش جيعانه
عزام >> ديما هكي ما تجوعيش ؟؟ شن تاكلي غير النسكافيه
انا>> نسكافيه بس
عزام >> عشان هكي رقيقه
كان يحكي ويبحت فيا
انا >> كول انت ودير بطن انا جسمي عاجبني
عزام >> انقنه يعجب
انا>> شنو ؟؟
عزام ضحك >> شي ، خليني ناكل
انا >> 😒
صبيت للدار نشوف في لبسه نلبسها بعدين وسيبته ياكل
.
.
.
فالعشيه وصلني عزام عند خالتي فاطمه
عزام >> ٩ ونص ؟
انا >> باهي