#رغم_الخفايا
.
.
الحلقة الثامنه عشر
//
//
الساعه 1 كنت مازلت عند خالتي
روح انور ومعاه علي
انا >> شنجيبك ؟
علي>> انور 🌚
انا >> متعارك مع مهيمن ؟
علي>> خرفي بيبدا التحقيق
انور >> اه تكها مع مهيمن جبته يبات هنا 😂
انا >> تي شن درتله وانت تنابش فيه ديما
علي>> تي كنك ما قتلي بايته هذي ازح🙄
انور>> بايته عندنا؟
انا >> لالا نراجي ف عزام طوّل
انور >> اها | ولدي وين؟
انا >> راقد
خديجه>> صدع روسنا يعيط ويلعب قلب الدنيا
انا >> خليه حبيبي يقلب الدنيا 😌
خديجه>> تو في عرب يجو يحددو عرس بطريقه هذي ؟
انور >> انقنه ماتجي 😂
انا>> انت معايا ولا معاها 🙄
انور >> مع اللي بيصبي يديرلي حاجه ناكلها ميت جوع
انا >> لا نعنك ما قعدت معايا معنديش جهد ندير عشاوات😂
علي>> احسبوني بناكل
انا >> ربي يعينكم علي هالليله 🙄
رن تلفوني وكان عزّام
انا >> كملت شغل العصابات اللي الساعة ١٢ فالليل ولا لا ؟
عزّام >> اه توا كيف كملت مع المافيا يا حانطه اطلعي قاعد برا 🙄
انا >> هيا
خديت حاجتي وناديت علي يطلع معايا يزن و ركبت فسياره
علي >> حل غايه معش تجيبها لنا هنا
عزام >> لا معلش بنتحملها انا اليوم كله ماشور شي 😂
علي>> انت حاتقولي 😂
انا >> كان كملتو تنكيت ممكن نروح عشان نعست؟
عزام >> ادعيلي يا معلم 😂
علي>> ربي معاك😂
//
انا >>بترد للشغل ؟
عزام>> لا خلاص كملت
انا >> عزام خلاص شغل شغل شغل مليت انا معش قعدت نشوف فيك بكل 😞
عزام>> والله الفترة هذي ضغط بكل
انا >> باهي وانا
عزام >> حاضر والله تحمليني الفتره هذي بس
مابيتش نزيدها عليه حسيته مضايق بجد من كثرة الشغل اللي عليه
انا >> حانخش نحط زيزو في فراشه ونجيك
عزام >> تمام ~وتيلي دبش عشان بندوش
انا >> حاضر
خشيت غيرت دبشي وحطيت يزن و في لحظة هكي وانا نشوف الروحي فالمرايا و نمسح فالمكياج اذكرت حاجه و ربطت كم حاجه ببعضهن و عرفت من اللي دزلي الرساله هضك اليوم وقالي فيها انه عزام مزال يبي زينه !
كان الموضوع واضح بس انا من كثر الضغط و الغيره ما فكرتش من البدايه
طلع عزام >> وين عقلك ؟؟
انا >> اه ؟ تحكيلي
عزام >> ليا ساعة اناديلك
انا>> سرحت شويه
عزَام >> رقدتي يزن ؟
انا >> اها رقدته
عزام >> باهي توا دوري ؟
اتكي عزام عالسرير وغمض عيونه وكان واصل حده من التعب والنعاس بكل | مسحت وجي وخشيت الحمام وجيت رقدت جنبه ❤️
أنت تقرأ
رغم الخفايا
Action"كيف يمكن للمرء أن يتأمَّل أشيائه الجميلة بحب , بدلاً من الخوف المستمر بفقدانها ؟"
