رغم الخفايا

الحلقة الثالثة

#رغم_الخفايا
.
.

الحلقة الثالثه
.
.

كنت قاعده فوق عند سميه نطبقلها فالدبش انا وسميره ونهدرزو

انا>> عارفه مستغربه انه ماطلبش رقمي بكل
سميره >> بلكي يوم التلبيسه اخته حا تعطيك الرقم
انا>> زعمك ؟
سميره >> اه اكيده ماعندش كيف يطلبه
انا >> ممكن ، بس حسيته مزرور زر لدرجة ما بحتش فيا
سميره>> وانتي شن عرفك علي قولتك كملتيها مطبسه راسك بلكي وانتي مطبسه هوا يبحت 😂
انا >> مش عارفه

سميره >> غير ما تركزيش بس ع الموضوع تو يمشي مش صليتي استخاره وما حسيتيش ب ضيقه ؟

انا >> اها
سميره >> خلاص توكلي علي الله
انا >> اوفففف ان شاء الله خير

تعالي ننزلو لوطا نجيب نسكافيه سميه ماعندهش

سميره >> باهي

نزلنا تحت انا وسميره خشيت للمطبخ الجواني نجيب في نسكافيه وهي فالمطبخ البراني ماسكه تلفونها جاها مسج

علي طلعت عادل خويا من المربوعه جاي شور المطبخ و راقيله كالعاده متعارك مع زهرة خش للمطبخ الجواني قارن حواجبه ما فطنش حتي السميره

انا >>كنك ؟
عادل >> شي
انا >> متعاركين ؟
عادل >> خطيني اه
انا >> وطي صوتك البنت برا
عادل >> بنت من مافيش حد

طلعت نشوف في سميره ولقيتها مقعمزه عالمرمره ومطبسه علي تلفونها

عادل >> وين كانت كارسه ما فطنتلهش
سميره >> خاش راقيلك ما فطنتش الشي
عادل >> 😒😒
انا >> هيا يا سوما
عادل >> ديرولي نسكافيه
سميره >> شويه يادوبك يسدنا 🙂
عادل >> خلاص ديرولي قهوه 🙂 وانتي ديريها عشان وصال ما تزبطش فيها
انا >> عشر سنين نديرلك فيها فالاخير طلعت ما نزبطش فيها عليك بخت ، عدي كمل باقي عركتك🙄

ركبنا انا وسميره فوق و درت نسكافيه ودارت هيه العادل قهوه

انا>> نزليها النبي
سميره>> تبي زهرة تقتلني انتي ولا شنو؟ 😂
انا >> خليها تموت البارده
سميره >> ههههه كلميه مع المنور خليه يركب

ضبحت العادل من المنور و ركبلي

عادل >> من دارها

سميره تعيط من المطبخ >> اناااااا

عادل ضحك ونزل

قعدت مع البنات فوق لعند جا علي ناداني يبي عشا نزلت

انا >> ماتقدرش ادير سندوتش بروحك ؟
علي >> تذكري المره لي درت فيها سندوتش كيف قعد المطبخ ؟
انا >> تعلم تقول دايرها بمكر
علي >> غير ديريلي بس
انا >> باهي ، مهيمن وين ؟
علي >> يسكر الورشه وجاي ورايا
انا >> تو نديرله حتي هوا معناها