#رغم_الخفايا
.
.
الحلقة الرابعة عشر
.
في المستشفي
الدكتور >> شوية تعب وارهاق بس حاولو تبعدوها عن اي شي يوترها الفتره هذي
محمد>> تمام نقدر نخش نشوفها ؟
الدكتور>> تفضل
خش محمد علي سمية
محمد >> احسن توا ؟
سمية >> محمد اطلع ماتدخلش بيا
محمد >> تو انتي مصدقه اني نقدر نجوز عليك ؟
سميه بحتت فيه >> امالا هضا كله كذب ؟
محمد >> كنت نبيك تردي العقلك بس
سمية >> قهرتني يا محمد 😭
محمد >> وقهرة روحي والله | عشان خاطري معش تبكي
سمية >> يعني مش حاتجوز 😞
محمد >> بتبكي بنجوز😂
سمية >> خلاص سكتت 😭😭
//
//
"بعد سنة "
كنت ماشيه لهل عزّام كانو كل فترة وفترة بات عزام يطلب انه يشوف يزن وانا مانحبش نبعدهم عليه كل ما يبو يجو يشوفوه يجو ولما يبوه يمشيلهم كنت نمشي معاه عشان كنت نخاف عليه بكل 😭
كانت علاقتي بهله كويسه بكل بذات بعد جيبة يزن
انا >> حبيب ماما محلاك 😭
علي >> تهدرزي معاه تقول يفهم
انا >> ولدي انا ذكي يفهم 😒
علي >> قالك انور هيا كان واتيه
انا >> هي تو نطلع
مسكت يزوني وطلعت
انور >> شن الطرحات هذينا
انا >> شن رايك
انور>> طرف 😂
انا >> حيوان 😂
وصلني انور الحوش هل عزام
انا>> ما اطولش عليا
انور >> حفظة الاسطوانه ، عيب نطول عند العرب مهما كان انا مطلقه
انا >> براوا 😂
انور >> انزلي انزلي
انا >> هي 😂
نزلت فتحتلي حنان ، لقيت العيله كلها ملتمه حتي اختهم اللي فالبيضا جايه استغربت بكل
حنان >> لقينا الجو سمح قلنا نشوو
انا >> ليش ما قلتيلي را درت حاجه
حنان>>جايبه معاك العسل كله شن بديري اكثر
انا >> هههههه رايح شيطان بادي يمشي شويه شويه
خشيت سلمت عليهم كلهم وقعمزنا برا فالجنان
جا عمي قعمز حذايا
//
//
صافي >> الحمدلله عالسلامة
عزّام >> الله يسلمك
صافي >> معقوله التغطيسه هذي ،قتلي مروح بعدك بشويه تقعد ست شهور ؟
عزام >> ماعنديش ماندير هنا لولا سكنان باتي را ما جيتش
صافي >> نروحك للحوش ؟
عزّام >> اه
//
//
عمي >> بنحكي معاك فموضوع
انا >> احكي يا عمي
عمي >> انا عارف انه عزام ولدي ما حافظش عليك وماصارش بينكم نصيب ، بس ولدك بدا يفهم و بدا يكبر
كان عمي يحكيلي علي دقة الباب، بحتو فيا كلهم ما كنتش فاهمه شي فتحت حنان الباب وكان عزّام ! ايوه عزَام....قلبي دق وحسيتهم كلهم يسمعو فيه
خش وما شافنيش كان يزن في يد حنان وانا من الربكه ما عرفتش شن ندير؟ كنه كل ما له كل ما يزيد سماحه هكي ؟ 🤦🏻♀️🤦🏻♀️
وصال ركزي انتي فشنو ولا شنو
أنت تقرأ
رغم الخفايا
Action"كيف يمكن للمرء أن يتأمَّل أشيائه الجميلة بحب , بدلاً من الخوف المستمر بفقدانها ؟"
