#رغم_خفايا
.
.
الحلقة الثامنة
.
.
سمعت صوت خطوات عزام طلع من الدار ، مشعارفه كيف بسرعه بسرعه رديت للمطبخ
سمعت صوت تسكيرة الدار بعدها عزام جا للمطبخ عزام >> شن اديري
انا >> عشا
عزام >> لا تعشيت برا
برم عزام بيطلع
انا>> عزام
عزام >> نعم ؟
انا >> طول ما انا قاعده معاك وانا ماطلعش مني اي شي واضحه وصريحه من البدايه معاك بكل شي وانت اساسا ما سآلتش علي شي ولا عرفت عليا شي بس حتي لو بتعرف بتلقى كل شي عالطبق
بس انت
عزام قاطعني >> عارف ، انا مش واضح و خاطرك تعرفي مليون حاجه وحاجه عليا وفاهم بس صدقيني مافيش حاجه تستحق تنعرف ! اللي بتعرفيه وعرفتيه ، شغلي و قصة مراتي تهيالي مافيش حاجه تستاهل تعرفيها اكثر من هكي ؟
انا >> عايشه في حوش فيه دار مصكره مش من حقي نخشلها عليش ؟؟
عزام >> الدار فيها دبش قديم واوراق شغل ، الفتره الجايه حا نجيب حد ينقل الاوراق و حاتنفتح الدار
انا >> مدام مفيهش شي عليش مصكره بمفتاح ومعاك انت بس نسخه ؟؟
عزام >> عشان اوراق شغل ! وخايف عليهن
انا >> اكيد مش حا نشرطلك اوراق شغلك ؟
عزام >> عارف بس ما تعرفيش شن يسير
طلع عزام من حذايا وانا مش عارفه شن ندير ، قعدت نحوس فالمطبخ وخشيت للدار قالي عزام انه بينزل يشوف باته وهو نزل وانا خشيت رقدت
.
.
عند محمد وسمية ، كانت سمية الفتره الاخيره مضايقه بكل بنتها الصغيره ديما تعيط و حمودي برضو طلبات و محمد برضو يبي يجي يلقى كل شي واتي ماكانتش عارفه تلحق علي شنو
محمد >> سمية الغدا واتي ؟؟
سمية >> شويه بس نغير الميرا
محمد >> الساعه 3 ومروح من العمل تالف مفروض يقعد واتي
سمية >> باهي ماكنتش نلعب يا محمد انا
محمد >> شن كنتي اديري طشه عيلين صغار مش قادره اتحكمي فيهم ؟ طول اليوم تشكي منهم
سمية وجعها كلام محمد انه مش مقدر اللي هي ادير فيه >> تعرف انا بنت اصل ولساني مش طويل عشان هكي مش حانرد عليك
محمد >> كنك تدوي هكي ؟
سمية >> شوف كلامك كيف
محمد>> يا ستي معش نبي غدا بكل
سمية >> وانا معش نبي نقعد فالحوش بكل بعد ما تهدا و تفكر كويس حانجيك
خش محمد للصالون رقد فيه ما عدلش علي كلام سمية بس سمية كانت واصله حدها من محمد و خلاص مش قادره اتحمل ضغط اكثر من هكي مش طالبه شي الا انه يساعدها شويه ويقدر انه ترباية العيال كله علي راسها وقت ما هو يومه كله فالشغل
لمة سمية دبشها ودبش حمودي وميرا و نزلت لمهيمن لوطا
سمية >> مهيمن تشيلني الهلي
مهيمن>> كنك عندهم حاجه ؟
سمية >> لالا بس بنمشي كم يوم
مهيمن >> باهي تمام نغير دبشي بس
أنت تقرأ
رغم الخفايا
Aksi"كيف يمكن للمرء أن يتأمَّل أشيائه الجميلة بحب , بدلاً من الخوف المستمر بفقدانها ؟"
