رغم الخفايا

الحلقة السابعة

#رغم_الخفايا
.
.
الحلقة السابعه
.
نضت ثاني يوم ركبت السميه فوق
سمية >> امتي جيتي ؟؟ وكنه وجك هكي
انا>> ماكني شي تعباته شويه
سمية>> ارقدي تريحي
انا >> نضت مبدري شويه
سمية سكتت ما بتش تسآلني
انا>> ركبت نشوف فيكم بس لاني من امس جايه و ضميت الحوش ورقدت دغري
سمية>> اه والله ما فطنتلكش
انا >> نبي ننزل ندير حملة عالحوش
سمية>> هيه نكمل للعيال ونجيك
انا >> لا والله مانك نازله نبي نقعد بروحي
سمية >> باهي براحتك تبي حاجة ضبحيلي

نزلت لوطا وبديت فالحوش ضم من جد جده كنت بنلهي روحي ب اي حاجه ، نكتت كل شي ولمعت ومسحت و كل شويه نشوف لتلفوني بس عزام ولا رن ولا سآل عليا من امس !
.
.

عند عيت عزام جت مريم لحوش هلها ولقت حنان

مريم >> كنك مكلمتيني شن فيه
حنان >> امس نسمع في عزام يخبط فوق وما فهمتش شن صاير بعدها فالليل طلع مع وصال وروح بدونها
مريم >> كذاااااااابه ؟؟؟؟ شن دار للبنت ؟؟؟
حنان>> يا اوڤر ما دارلها شي
مريم >> قاعد فوق ؟؟
حنان>> لالا طالع
مريم >> ازعمك نكلمها ؟؟
حنان >> لالا عيني عينك داكين خشومنا عيب ما تجيش
مريم >> نبي نطمن عليها بس انتي عارفه عزام ينكلب بعد ترقاله والبنت متعرفش طبعه
حنان >> خليهم بس عيب تدخلي

شويه هكي وروح عزام مسكاته مريم

مريم >> وين مراتك
عزام >> قالت تبي تمشي الحوش هلها عشان عرس خوها شلتها
مريم >> بس عرس خوها مازال عليه اسبوعين
عزام >> شن بنقوللها متمشيش؟؟
مريم >> لا باهي تمام

ركب عزام

مريم >> يحكي من راس خشمه🙄
حنان >> اهم شي مش صاير شي خليهم براحتهم
مريم >> تو كان طولت ما جت نكلمها
حنان>> باهي
.
.

كملت ضم حوش و قعمزت علي خشت مهيمن وعلي كانو فالورشه

علي >> معش بنمشي مع امك انا للشغل اقعد بروحك
مهيمن>> ماقتلكش تعال انت اللي جيت
علي >> مره اخره لما نصلح حاجه تعطيني حقها
مهيمن>> ريت هالحاجات لي تصلح فيهن
علي >> عطيني وخلاص

انا >> ياربي عالصداااااع راني والله ما ناقصه
علي >> مسيبه راجلك وجايه ما قالك حد
انا >> علي لم لسانك
علي >> فيه غدا باهي 😒
انا >> تو نحطلكم هي

خشيت للمطبخ نحط فالغدا علي جية عادل قالي حطيلي معاهم ، قعدت نحطلهم و نحس بحاجه ثقيله ف بطني بس ما عدلتش

حطيتلهم الغدا وتغديت معاهم وقعدنا نهدرزو

عادل >> مشيت الناصر امس
انا >> كيف حاله ؟؟ يبي شي ناقصه شي
عادل>> لالا اموره ميه الميه
انا >> باهي الحمدلله
مهيمن>> كنك ما قلتلنا نمشو معاك
عادل >> الزيارة الجايه ناخذك
مهيمن>> باهي تمام