رغم الخفايا

الحلقة التاسعة عشر

#رغم_الخفايا
.
.
الحلقة التاسعة عشر "ماقبل الاخيره"
قلبي قعد يدق ، نزلت يزن من يدي وبحتت في انور

انا >> كيف يعني لا باهي تمام ؟ احكي شن فيه ؟

انور >> تي مافي شي نسآل عادي

سكتت وطلع انور وانا مش متريحه بكل ، ماهو مستحيل يوم يمشي علي خير ، وهو اليوم من بدايته واضح كيف

سمية تضبحلي>> تي هيا
انا >> سمية والله ماعندي نيه نمشي
سمية >> ييييه تي ما توا قلتي باهي🤦🏻‍♀️
انا >> عدي انتي و تو نمشي انا مره اخرى
سمية>> تمام تمام

طلعت سمية هيه و محمد و خشيت انا علي طول مسكت التلفون ورنيت علي عزام ، رنه واثنين وثلاثه ما ردش عليا .... ما تريحش عقلي بكل رديت رنيت علي انور

انور >> ايوا ؟
انا >> قولي توا شن فيه؟
انور>> تي شن فيه ما في شي ؟
انا >> لا انت حكيتلي علي عزام وانا نعرفك يا انور ماتعرفش تكذب عليا انا بذات
انور >> تي ماكذبتش سآلتك عادي انتي مركبه علي روحك بس
انا >> انوررررر؟
انور>> النبي تبطلي تفكيرك هضا و مافي شي
انا >> تعرف لو طلعت فيه حاجه مش حانسامحك ؟
انور >> هبله
انا >> جرب وشوف الهبال

صكرت منه وما طلعتش معاه براس خيط بكل ! كملت اليوم وانا نبرم و نضم من هنا وهنا نلاهي ف روحي وكل شويه نبحت فالتلفون ، رن تلفوني نطيت بنشوف و كانت حنان اللي رانه هدرزت معاها شويه وسألتها💔

انا >> ماكلمكش عزام اليوم ؟
حنان >> لالا شنو فيه ؟
انا >> مافيش شي نسآل رنيت عليه ما ردش
حنان>> اكيد فشغل
انا >> اه اكيد

صكرت من حنان و عاودت رنيت علي عزام 🙂 و برضو ما ردش 🙂

//
//

نفس اليوم فالليل روح ناصر و العيال

انا >> كنت مع انور اليوم ؟
ناصر >> فالصبح بس
انا >> اها
ناصر >> عليش ؟؟
انا >>ما شفتوش حد ؟
ناصر>> هذي كنها
علي >> ناضن جنونها
بحتت في علي 😒>> نسآل بس اقطع سآلتي "سكتت بعد ما عرفت انه ناصر ما يعرفش شي "
ناصر >> ولدك وين ؟
انا >> مع سمية فوق يلعب مع حمودي وميرا
علي >> دايرين عصابة السميه 😂
انا >> ربي يعينها بنركب ناخذه اكيد نعس

صبيت من حذاهم بنركب السميه سمعت تلفوني يرن ! مسكته و لقيته عزّام

انا >> الو ؟؟؟ انت وينك كنك ماتردش ؟؟؟ شنو فيه
عزام >> خوذي نفس بس اهدي
انا >> وين ك ن ت ؟
عزام >> مش قتلك انه عندي شغل ؟
انا >> اكيده شغل ؟
عزام >> اطمني اكيده مش حانكون متجوز عليكي 🙄😂
انا >> انت وين قاعد ؟
عزام >> كنك تحققي؟😂
انا >> لا بنجيك 🙂
عزام صوته اختلف>> تجيني كيف ؟
انا >> لا بس رايفة عليك 🙂
عزام >>اهاااا ريافك قوي ؟
انا >> اها نبيك تروح خلاص
عزام >> خلاص اقل من اسبوع وجاي
انا >> تمام تمام
عزام >> شن اديري ؟
انا >> شي يزن فوق مع عيال سمية بنركب انزله
عزام>> طلعتي شريتي قفطان؟
انا>> لا حسيت روحي تعبانه ما طلعتش ؟
عزام>> كنك ؟؟؟
انا >> شي تمبلت بس
عزام >> تمام ياعيوني ماتبي شي ؟
انا >> سلامتك