رغم الخفايا

الحلقة التاسعة

#رغم_الخفايا
.
.
الحلقه التاسعه
.
صكرت من عزام مستغربه منه ،دزيتله عنوان هل سمية في رسالة

سمية>> شنجوك مع عزام؟
انا >> مازلت مبرده و مكبره عقلي و فايته بكل مخليته يدير الي يبي يديره
سميه >> غريبه العقل 😂
انا >> ماعنديش له حل ثاني ، يا نطلق يا نبرد
سمية >> بسم الله 😂
انا>> والله ماعندي فيه مشكله بكل اني نطلق وعارفه خوتي كيف انهم حا يوقفو معايا بس قاعده نمشي معاه بنشوف لعند وين يوصل
سمية >> كبرتي وقعدتي تعرفي الدنيا كيف تمشي
انا>> ماكنتش نعرف شي والله بس عزّام اليوم معاه يكبرني سنه ، المهم فوتي عزام انتي امتي تبي تردي ؟؟
سمية >> لعند ما يجي محمد ونتفاهمو قبل 😞
انا >> كلا انتو بععع جايين بعد العشره هذي كلها بتعاركو
سمية >> تعبت والله العيشه بروحنا مش كيف ومعايا بنت وولد وحوسه و كله علي راسي هو تعود يلقى كل شي ١٠ علي ١٠ مش حاب انه شي يتغير
وانا توا شوفة عينك حمودي مغير يبرم ورايا و حتي هو يبي ياكل ويشرب و نغيرله و ميرا مازالت ترضع يعني بشويه شويه عليا هو لا يبي يجي يلقى العيال واكلين و نظاف وانا برضو تمام التمام والحوش نظيف و الغدا محطوط عطاوله
انا >> عليك مسؤوليه 😭 كنت نحساب روحي ماسكه مسؤولية حوشنا انا بخوتي لكن مش كيف لما يقعدو صغار
سمية >> ربي يرزقك وتجريي
انا >> سلمك

رن تلفوني و كان عزام برا
انا >> مع السلامه
سمية>> الله يسلمك

طلعت و ركبت مع عزام
انا>> شن خطرها الجيه المفاجئه هذي ؟
عزام>> كنت طالع قلت نجيك 🙂
انا >> اهاااا ، توا كيف طلعت
عزام >> ايوه
انا>> باهي تمام
مسكت تلفوني ورنيت علي انور

انا >> الو
انور >> نجيك ؟
انا >> لالا بنقولك ما تجيش عزام مروح بيا
انور >> تمام ، قتلك من الي فتحت الباب ؟
انا >> اخت سميه يا حيوان
انور >> نسآلو لا اله الا الله عاد 🙄
انا >> تمام تمام 😂😂

صكرت منه وحطيت التلفون فالشنطه
عزام >> انور ؟؟
انا >> اها 🙂
روحنا للحوش وركب عزام وقتله بنتكي علي حنان لوطا لقيت وجها مش علي بعضه

انا >> كنك شن فيه ؟؟
حنان >> سيبت عمار "خطيبها "
انا >> عليش شن صار ؟؟
حنان >> عمار لما جا خطبني من هلي ماعندش شي بكل لا حوش ولا سياره ولا حتي شغل ثابت
و باتي كان عارف اني نبيه ما بش يرفضة شرط عليه انه ما ياخذنيش الا لما يكون عنده شغل و حوش له حتي اجار ما بش يوافق ، عمار ليا سنتين نعرفه ماتغيرش عن اللي قبل مافيش شي تغير ؟ مانعرفش شن يراجي .. الفتره الاخيره كثرن المشاكل بكل
قالي انه مش حايقدر يكمل وهو هضا حالته بنرضى بيه كيف ما هوه

انا >> قصدي كيف ما هو كيف ؟؟ تعيشو فشارع و من بيصرف عليكم ؟؟؟ شن الظلم هضا

حنان >> هو قصده انه نعيش مع هله ويصرف علينا بابا وباته ؟ تخيلي ؟؟ وعليش اسمي متجوزه ومكتوبه ب اسمه