رغم الخفايا

الحلقة الحاديه عشر

#رغم_الخفايا
.
.
الحلقة الحاديه عشر
.
"بعد مرور ٧ شهور "

كنت طالعة للسوق انا و انور وخديجه نشرو في حاجات للبيبي
انور>> تقدري تنزلي ؟؟
انا >> امسكني بس
خديجه >> انا تعبت مش حاننزل انزلو انتو
انور >> خلاص اخر محل عندي شغل

جا انور من عند الجهه اللي انا فيها ومسك يدي ونزلنا ، قدام المحل شفت حد ! ملامحه حافظتهن مرسومات رسم في خيالي ومستحيل ننساهن ! ولا ننسى العيون الي حفظت نظرتهن من اول مره .

كان عزام ! انور شافلي صبيت بحت فيا وشاف انا لوين نبحت ، ولقاه عزام

انور >> السلام عليكم
عزام يبحت في بطني ويبحت ف يدي الي كان انور ماسكها >> وعليكم السلام | شن الاخبار
انور >> الله يسلمك
عزام >> علي خير وسلامه
انور بحت فيا زيييين  وبعدين بحت فعزام >> الله يسلمك

انا >> انور بنرد للسياره معش نبي محلات
انور ضغط علي يدي و ردينا للسياره بسرعه

خديجه >> شن فيها كنكم رديتو ؟؟

لا انا رديت عليها ولا انور رد !
روح بينا انور لحوش خالتي والحمدلله  خالتي ما كانتش قاعده وعلي طول اول ما خشيت مسكني انور

انا >> انور لو سمحتتت ما عنديش نيه نحكي
انور >> مش بجوك هيييي توا نبي نفهم شن اللي صار توا !!!!!
انا >> عزام ما يعرفش بشي !!
انور >> تي انتي تكذبي علينا كلنا ؟؟؟؟ تي حرام اللي اديري في امه راه حرام !!

خديجه >> شن فيه كنكم انتو الاثنين
انور >> ردي تفضلي ؟؟؟
انا >> شفنا عزاام
خديجه >> هيييييييييي وعرف انك حامل
انور فنص في خديجه >> زمرييييييييي حتي انتي عارفه ؟؟؟ نعن جد وجك بكل
انا >> انور شن كنت تبيني ندير
انور >> تدسي طفل علي باته عادي ؟؟؟؟ ونحن اللي حاطين لوم علي  جد اصله ونقولو ما يسآلش ومفروض حتي بالكذب يسآل عشان ولده وطلع اصلا ما يعرفش بولده
انا >> انت مش فاهم شي
انور >> ومانبيش نفهم !!

طلع انور وخبط الباب

خديجه >> حي علي ام هذي حيه
انا >> ياربيييييي ماكنتش حاسبه حساب بكل
خديجه>> قتلك من الاول انه اللي نديرو فيه غلط !!!
انا >> خديجه انتي تعرفي كل حاجه ! ف بلاش كلام كيف هضا عشان انا نفسيتي صفر
خديجه >> اوف منككككك و من تسكير راسك
.
.
"اللي صار فالفتره هذي"

كنت نعرف اني حامل من قبل ما نطلق من عزّام بس ما قلتش شي عشان مش حا يفيد بشي !!
قبل ما نطلق حسيت اني حامل و درت اختبار وفعلا  كان فيه حمل .... بعد ب اسبوع جابلي محمد ورقة طلاقي وعشان هكي وقتها كنت خايفه بكل من اللي جاي ! ماكنتش حابه نحكي العزام عشان الجواب سمعته منه في حملتي الاوله ! وعشان برضو حا يخليني علي ذمته عشان بس فيه بيبي بيناتنا ! وانا مستحيل نقبل هكي ؟ عمري ٢٤ سنه
اجوزت و تطلقت و حملت مرتين ! ماكانش حايكون فيه شي اسوء من هكي يصيرلي ف كذبت علي خوتي كلهم او بالاصح عالعيله كلها
استغليت نقطة انه صار في حسس بين حواء مرات خال عزام وخالتي بعد تطلقيتي وكنت عارفه انه خالتي مش حاتحكي معاها ف مطمنه من ناحية انه ماحدش حا يزلق قدام حد وماكانش فيه حد يعرف غير خديجه ! كان كل شي ماشي تمام لعند اليوم اللي شفت فيه عزام !
كنت واخذه قرار اني نربيه بروحييي مهما كان الثمن مش حا نفرط في اللي ف بطني للمره الثانيه ولو شن كلفني الامر ! بس لما شفت عزام تلخبط كياني كله قلبي دق له ! عيونه ونظرته مش ناسيتهن حسيت روحي ضعيفه ومش حانقدر !
وماكنتش فاهمه لو عزام عرف ولا ما عرفش ؟ ردة فعلة كانت غامضة زي كل مره
.
.
كنت قاعده نفكر في اللي صار ورديت بذاكرتي علي رنة تلفوني قلبي دق لما شفت الاسم ! بين انرد وبين ما نردش كنت نبي نسمع الصوت ولو شن كان حايقول ... رديت وسكتت