حب بعد مصاعب❤

المقدمه❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

قبل كل شي هذي ثالث روايه ليا يعني انا مزال مبتدئه وانشاءالله مع الايام ح نكون كاتبه ولي اسمي♥️

طبعا الروايه هذي تختلف ع رواياتي الي فاتن لأنه فيها مرحلة الزواج يعني الأبطال ح يتزوجوا في البدايه مش في النهايه وانا عندي أفكار عليها وقررت انجرب واندير النوعيه الي هك وطبعا النوعيه الي هك من الروايات تحتاج جرأءه في الكلام وحتا في السرد وانا من النوعيه الي مانحبش نتجرأء فيه رواياتي بس ح نتجرأء بي حدود وانشاءالله تعجبكن طريقة السرد♥️
-----------------------------------------

المقدمه💗

البطله ميرال مواليد97 تقرا هندسه وتحب تخصصها واجد وباتها مشجعها عليه لأنه يحبها واجد ومدلعها أما عصام خوها فكان مايحبش تخصصها لأنه اغلبيته رجال وشباب مافيش داعي نحكي ع مواصفاتها بس ح نقوللكن إنها تجنننن وشعرها طوووويل بكل مرتبطه بي ولد خالها اسمه سالم مواليد 93 علاقه سنه ونص ويحبوا بعضهم ميرال راقيه بككككل في دبشها وفي كل شي قويه ودلوعه واجد واحيانا تقعد زي الطفله بعد تدلع المهم عندها صاحبتها الأنتيم اسمها حنين♥️

عيلة ميرال
باتها اسمه عبدالسلام رجل أعمال ومدلع بناته واجد وبالأخص ميرال مايرضى فيها شي وهوا مش من النوعيه المسكره لا عادي تفكيره راقي♥️
امها اسمها سعاد ربة بيت وكويسه بكل معاهن بس ماترضاش بالغلط ♥️
عندها خوها توأمها اسمه عصام جوه يهبللل ضحك وبصاره عايش حياته ويحب ميرال موووت وهيا نفس الشي متعلقين بي بعضهم واجد ويشبهوا لي بعضهم هوا صح جوا سمح واحيانا تافه بس مايحبش الغلط يقرا جامعه تخصصه كيمياء♥️
اختها وحده بس اسمها نجاح مواليد2000حلوه حتا هيا وراقيه وجوها سمح تقرا أولى جامعه تخصصها English♥️
هذي نبذه عن ميرال وعيلتها♥️
----------------------------------------

البطل اسمه انس مواليد 90 دكتور أطفال طرررف بي معنى الكلمه جدي بس مش للدرجه هذك يضحك وجوه سمح بس مش تافه وهك صايره معاه قصه خلاته يكره البنات ح تعرفنها القصه قريب♥️
عيلة البطل
امه اسمها ناديه كويسه بس مغروره واجد ونادر مايعجبها شي وتحب الذوق وتحب إنه كل شي يطلع راقي وتحب عويلها واجد واحيانا تتدخل في حياتهم♥️
باته اسمه إبراهيم راجل كويس بكل وحتا هوا رجل أعمال وصاحب عبدالسلام بات ميرال ♥️
خوه اسمه منعم مواليد89 متزوج ومراته اسمها سناء عندهم ولد وبنت ولد اسمه إبراهيم ع بات منعم عمره5سنين والبنت اسمها يارا عمرها سنتين طبعا سناء مرات منعم حتا هيا ح يكون وجودها واجد في الروايه♥️
خوه الثاني اسمه زياد مواليد 97 جوه سمح بكل ودمه خفيف واحيانا يقعد جريئ لعند خلاص ومايحبش سناء مرت خوه منعم طبعا زياد مايحبش القرايه الجامعه يوم يمشي ويوم لا تخصصه إعلام♥️
اخته اسمها ساره مواليد 99 دلوعه واجد وراقيه وجوها حلو وهما مدلعينها لأنها بنت وحده ع ثلاث عويل تقرا تانيه جامعه تخصصها صيدله♥️
هذي نبذه بسيطه ع البطل
وعيلته♥️
طبعا حالة ميرال وهلها وانس وهله ممتازه ونفس المستوى♥️
-----------------------------------------
نحكيلكم نظام حوش ميرال
كبير بكككل ع دورين ميرال عندها دار بي حمامها وتهبل بكل ونجاح نفس الشي وخوها عصام حتا هوا وطبعا هوا من عشاق الكوره من لوطه في ديار فاضيه للضيوف وصاله ومطبخ وحديقه تهبللل المهم حوشهم يهبل♥️🤤
اما حوش هل انس فكان يجننننن بكل كان زي الفيلا كبير بكل ع الدورين والدور الثالث باني منعم ومقابله حوش انس باته اصر عليه وقاله ديره.. هنا شقق بس يهبلن ♥️🤤
طبعا انس عنده صحاب وهما الانتيم متاعه اساميهم خالد واحمد وجهاد كلهم مواليد90وكل واحد عنده تخصص♥️

هذي المقدمه احفظن الشخصيات كويس طبعا مزال في شخصيات اخره نتعرفوا عليهن مع الحلقات♥️

رايكن في المقدمه♥️

( الڪاتـبـةة ژوژو الطـشـهـه 💕)د