رغم انتقامى احببته

الحلقه الرابعه عشر

ليلى: نور وحشتينى اوى يا قلب ماما
نور و هى بتحضنها: و انتى اكتر يا ماما. عامله ايه و ياسين عامله ايه و عمو عبدالله و جدو
ليلى: كلنا كويسين يا قلبى كان نقصنا انتى و اهو العيله اتجمعت فين العيال و جوزك حاتم
نور: بينزلوا الشنط و جايين اهو
حاتم: ازيك يا حماتى العزيزه
ليلى: الحمدلله يا حبيبى انت اللى عامل ايه
حاتم: الحمدلله يا حماتى
ليلى: حبايب ناناه عاملين ايه يا قلبى
سجده و عمار: انتى اكتر يا ناناه
ليلى: نور خدى جوزك و عيالك و اطلعوا استريحوا فى اوصة الضيوف لحد ما اخلى الداده تظبط السويت بتاعكوا
نور: حاضر يا ماما.
فى الشركه
رجعت خلود المكتب بتاعها و فضلت تخلص فى الاوراق و اتصلت على المحاسب
خلود: يسرى تعالى عايزاك
يسرى: ثوانى و هبقى عندك
خلود: تمام
يسرى خبط و دخل: ايوه يا مهندسه خلود
خلود: عرفت كل حاجه عن الصفقه ولا لسه
يسرى: اه كل الاوراق معايا بس انا خايف يغيروا قبل الصفقه
خلود: ايه خلاك تقول كده
يسرى: حضرتك هما شاكين فيا استاذه سميه اللى مع مستر عبدالله دى ذكيه و اعتقد انها كشفتنى
خلود: اممممممم المهم انت بس ظبطلى الحسابات بتاعت الشركه و ابعتهملى و قدم استقالتك و انا هبعتك تشتغل فى شركه NAo
يسرى: تمام. عن اذنك
فى شركه NAo
فى مكتب ادهم. كان بيتكلم فى التليفون
ادهم: وحشتينى يا حنين مش هترجعى بقا
حنين: بابى تعبان اوى يا ادهم و مينفعش اسيبه ما تيجى انت
ادهم: خايف اسيب الشركه لنادر يا حنين
حنين: ليه يا حبيبى فى ايه
ادهم: نادر الايام دى مبقاش يهمه غير الشرب و الستات و بس تفكيره كله فى كده و عايز يأذى الناس و بس
حنين: هو اتهبل ولا ايه
ادهم: مش عارف و شكله هيضيعنا
حنين: ربنا يسترها بقا. بس حقيقه انت وحشتنى تعالى حتى لو يومين
ادهم: يارب. طب بصى هشوف الشريكه الجديده اللى معانا لو وافقت تمسك مكانى لحد ما اسافر هاجى
حنين: ياريت يا حبيبى
فى اسكندريه
حازم: ها ياستى انبسطتى و فكيتى
سها بفرحه: جدا جدا جدا ميرسى اوى يا حازم
حازم: هو انا عندى كام سها يعنى
سها بفرحه: انا بحبك اوى يا حازم
حازم: و انا اكتر يا عيون حازم. بس ممكن لما نرجع القاهره تكلمى خلود و تخليكى جمبها
سها: من غير ما تقول انا ناويه اول ما انزل القاهره اروحلها
حازم: جدعه يا حبيبتى يلا بينا
فى فيلا نادر
مها: صدقنى يا نادر نهايتك هتبقى على ايدى
نادر بضحك: ههههههه خوفتينى العبى بعيد يا شاطره
مها: انا هوريك الشاطره هتعمل ايه
نادر: مستنيكى تورينى. يلا باى بقا عندى شغل
فى فيلا آل قاسم
نور راحت عند والدتها الاوضه
ليلى: تعالى يا نور
نور: عامله ايه يا مامى و اخبار صحتك
ليلى: انا تمام يا حبيبتى
نور: مامى عايزه اشوف مرات ياسين و اتكلم معاها
ليلى: بصى احنا نكلم ياسين و نروحلهم بالليل و نرجع معاه
نور: ايه ده هو بيجى يبات هنا
ليلى: اه عشان جدك ميشكش فى حاجه
نور: حقيقه مش عارفه هو بيعمل كده ليه
ليلى: محدش عارف هو بيعمل كده ليه ده حتى كفايه اللى عمله فى مرات عمك و بنتها
نور: هو ياسين لسه مدورش عليه
ليلى: مش عارفه يا بنتى. المهم استنى اتصل بياسين اقوله
نور: طيب
ليلى اتصلت بياسين و رد: الو يا حبيبى
ياسين: ايوه يا ماما عامله ايه ي
ليلى: الحمدلله يا حبيبى عندى ليك خبر حلو
ياسين: بجد ايه هو
ليلى: نور رجعت من السفر
ياسين: بجد يا ماما هى فين اديهانى
ليلى: خدها اهى
نور: ياسو وحشتنى موت
ياسين: انتى اكتر يا قلب ياسو. عامله ايه
نور: تمام يا قلبى. اه صح مبروك يا عريس
ياسين بضحك: ماما معرفتش تخبى عنك
نور: اخص عليك فى حد هو انت مش عايزنى اعرف ولا اي
ياسين: انا اقدر اخبى عنك حاجه بردو يا قلبى
نور: طب ايه مش هتورينى العروسه
ياسين: تعالى ياختى شوفيها
نور: خلاص اعمل حسابك بالليل هاجى انا و ماما عندك
ياسين: ماشى يا قلبى هستناكوا
نور: يلا سلام
فى مكتب قاسم
قاسم: و الشقه دى فين بقا
الشخص: فى التجمع و ياسين باشا على طول هناك عندها
قاسم: اممممممم يعنى ياسين بيلعب من ورايا
الشخص: مش عارف يا فندم بس شكلهم متجوزين
قاسم: تمام اوى خلينا نشوف اخر لعبهم ايه و خليك مراقب كل خطواتها
الشخص: تمام يا فندم
عند ياسين
خد خلود من الشركه و روحوا و قالها ان اخته هتيجى بالليل تزورهم
ياسين: صح يا خلود
خلود: نعم
ياسين: تعرفى اسر منين
خلود: هو صاحب حازم خطيب سها و ادم اخوها و عشان انا صاحبة سها اتعرفت عليه بس كده
ياسين: اهاا تمام. يلا نجهز عشان زمانهم على وصل
خلود: يلا
بعد نص ساعه كانت ليلى هانم و نور وصلوا
خلود: اهلا اهلا نورتوا ازيك يا طنط ليلى ازيك يا نور
ليلى: كويسه يا عروسه
نور: انا تمام و انت
خلود: الحمدلله
نور: بس عرفت تنقى يا واد يا ياسو عروستك قمر
ياسين: القمر مبياخدش غير القمر
نور: يلهوى على التواضع اللى انت فيه يا واد
ياسين: انا على طول متواضع
نور: لا بجد يا خلود انتى عسوله و قمر اوى
ليلى: فعلا حتى انا حاسه ان ملامحك فيه من حد اعرفه بس مش فاكره
ياسين: ايه ده ده نفس الكلام اللى عمو عبدالله قاله ليها
عند عبدالله
تليفونه رن و كان اسر
عبدالله: ايوه يا اسر ازيك
اسر: تمام يا فندم و حضرتك
عبدالله: تمام يابنى
اسر: بص حضرتك انت عارف ان اي حاجه بتحصلنا فى الحياه بيكون قدر و مكتوبلنا
عبدالله: طبعا يابنى بس فى ايه
اسر: بص حضرتك انا دورت على اسم مراتك فى السجلات و كده
عبدالله: تمام عرفت ايه
اسر: للاسف حضرتك هى ماتت
عبدالله: ايه ماتت؟! ماتت ازاى و فين
اسر: معرفش انا لاقيتها فى سجلات الوفيات
عبدالله بحزن: طيب و بنتى
اسر: معرفش عنها حاجه؟!
عبدالله: طب يابنى
قفل ما اسر و خد عربيته و طلع يجرى بيها
عبدالله: ماتت ماتت لوحدها محدش معاها طب بنتى راحت فين انت السبب يا ابويا منك لله منك لله
و مخدش باله من الاتوبيس اللى جى و دخل فيه
عند ياسين
لاقى عمه بيتصل بيه
ياسين: ايوه يا عمى
شخص: لا خضرتك انا مش عمك بس صاحب الرقم ده عمل حادثه و هو فى المستشفى
ياسين: ايه عمى
#نهايه_الحلقه_الرابعه_عشر
#Rawan