رغم انتقامى احببته

الحلقه الخامسه

خلود طلعت تجرى و سها نزلت من عربيتها تجرى وراها و تنادى عليها
سها: خلود استنى فى ايه
خلود بعياط: معلش سبينى لوحدى يا سها دلوقتى
سها: مينفعش اسيبك انتى تعبانه
خلود بعياط: ياستى انا تمام سبينى بس لوحدى متقلقيش
سها: طب فهمينى ايه اللى حصل
خلود: لما ارجع هقولك
سها: ماشى يا خلود
عبدالله: مالها دى
ياسين: عمى فينك اتأخرت
عبدالله: لا ولا حاجه يلا بينا
فى الؤتمر الصحفى
قاسم باشا: احب اعرفكوا بأبن عبدالله لسه راجع من امريكا و هو اللى هيمسك المجموعه من دلوقتى
الصحفيه "1": بس اللى كلنا نعرفه ان ياسين باشا هو اللى هيمسك الشركات بعد حضرتك.
قاسم باشا: ساعتها عبدالله كان رافض الرجوع من امريكا و لما رجع قولت هو اللى يمسكها.
الصحفيه"2": طب بخصوص مشروع الساحل ايه نظامه؟!
قاسم باشا: المشروع اتسلم للمهندس عبدالله و هو اللى هيتكلم عنه
عبدالله: الصراحه فى مشكله حصلت فى المشروع المهندس اللى بيشرف عليه فى الساحل امكانيات غلط متنفعش لمشروع كبير زى ده عشان كده الدفعه الاولى من الشليهات هيتأخر تسلمها و خلال اربع سنين هنسلم المشروع كله بالامكانيات السليمه
الصحفيه"1": و حضرتك مش خايف ان ده يأثر عليكوا
عبدالله: يأثر علينا لو احنا فضلنا نماطل و نقول حجج فارغه اما احنا طلعنا نتكلم بصراحه فأكيد مش هيأثر علينا.
الصحفيه"3": معلش السؤال متقدم لقاسم باشا
قاسم باشا: اتفضلى
الصحفيه"3": حضرتكوا زى ما سمعت مش بتحبوا تماطلوا معنى كده ان حضرتكوا بتحبوا الصراحه و ناس على ثقه صح
قاسم باشا: طبعا
الصحفيه"3": امال ليه حضرتك رميت مرات ابنك و بنتها فى الشارع و فهمت الكل انهم ماتوا
قاسم باشا بأرتباك: مش فاهم اللى بتقوليله
الصحفيه"3": لا حضرتك فاهم و عارف كل حاجه لو حضرتك فاكر ان الصحافه بيستخبى عنها حاجه تبقى غلطان اقولك انا بقا رميتهم ليه رميتهم عشان الام مكنتش من المستوى اللى يليق بعيلتك صح حقيقه يا قاسم باشا حضرتك طلعت ديمقراطى و انانى جدا
قاسم باشا بغضب: اي الكلام المؤتمر انتهى
عند سها
سها: الو يا حازم ممكن تقابلنى فى كافيتريا....
حازم: خلاص يا سها نص ساعه بالظبط و هبقى عندك
سها: ماشى
بعد نص ساعه حازم راح لسها
حازم: ها يا ست سها مالك
سها: انا خايفه على خلود اوى يا حازم
حازم: حقيقه و انا اكتر بس انتى عارفه خلود مش بتسمع كلام حد
سها: يا حازم خلود عملت حادثه من يومين و بيقولوا قلبها كان بيقف و حالتها كانت خطيره
حازم: انتى بتقولى ايه و ازاى متقوليش ليا
سها: مكنتش عارفه اتصرف غير انها اول ما فاقت قالت لياسين انها موافقه على الجواز و كمان اتفقوا يتجوزوا من ورا جده و طول الوقت سرحانه
حازم: مشكلة انها مش بتسمع كلام حد و بتعمل اللى فى دماغها و الانتقام عامى عينيها. بس لازم نقف جمبها و نساعدها
سها: ماحنا معاها اهو و بابا معاها بيعمل بالوصيه بتاعت ادم و بيساعدها بالفلوس و كله بس هو كمان خايف عليها.
حازم: سبيها بس تخف و انا هتكلم معاها هى فين دلوقتى فى المستشفى ولا البيت
سها: راحت الشركه تجيب حاجات و معرفش شافت ايه لاقيتها طلعه من الشركه تجرى و تعيط و قالتلى لما تهدى هترجع البيت
حازم: ازاى تسبيها يا سها
سها: هى صممت و انت عارف دماغها ناشفه قد ايه
حازم: ربنا يستر. المهم انتى عامله ايه
سها: يا سلام يا سى حازم لسه فاكر
حازم بضحك: مانتى اللى فضلتى تحكيلى مشاكل من ساعة ما قعدنا
سها بضحك: ماشى يا سيدى على العموم انا تمام و انت
حازم بحب: تمام طول مانتى تمام يا قلبى
سها: ايوه كده حسسنى اننا مخطوبين
فى الشركه
عبدالله: بابا ايه الكلام اللى الصحفيه قالته ده مين اللى رامتها هى و بنتها اوعى يكون بنتى و مراتى
قاسم باشا بأرتباك: انا معرفش هى بتتكلم على ايه و بعدين بنتك و مراتك ماتوا فى الحادثه انا مالى بيهم
عبدالله بشك: متأكد يا بابا
قاسم باشا بزعيق: ولد انت هتكدبنى يلا اطلع من هنا و خد ياسين معاك
عبدالله: ماشى يا بابا يلا يا ياسين
قاسم مسك التليفون و طلب رقم: الو عايزك تعرفلى معلومات عن الصحفيه اللى كانت بتسألنى عن مرات ابنى و بنتها فى المؤتمر قدامك لحد بكره تمام
عند خلود
بتتكلم فى التليفون
شخص: انا نفذت كل حاجه
خلود: تمام الفلوس انا بعتها و معاها تذكرة لليونان و اول ما توصلى هتقابلى حد هيوديكى الشقه بتاعتك و كمان شغلك متوافر و تفضلى هناك و متنزليش مصر تانى
شخص: تمام
خلود قفلت و بصت للبيت و سرحت
عوده الى الماضى
خلود: ممكن اعرف ليه مش عايزه تعرفينى حاجه عن عيلتى انا كل اللى اعرفه شكل بابا لانك بتورينى صورته على طول و بتحكيلى انه كان شخص كويس و حنين انا حتى معرفش هووعايش ولا ميت اما عن عيلته فانتى مش بتعرفينى حاجه عنها احكيلى مين هما انتى ليه مخبيه عنى و بابا عايش ولا ميت
الام بتعب: يا خلود حرام عليكى انا تعبانه انتى مش عارفه المرض بيعمل فيا ايهو بعدين ليه الاسئله دى كلها
خلود بعياط: مانا تعبت من كلام الناس كل ما حد يشوفنى يقولوا عليا بنت حرام دى امها جبتها و جت هنا عشان الفضيحه و كلام كتير و انتى مصممه تخبى عنى لحد ما بدأت احس انى فعلا كده
الام بتعب: قطع لسان دول ناس زباله بيحبوا يطلعوا كلام على اي حد اللى انتى ليكى اب و اهله عيلة كبيره و مبسوطه.
خلود: طب هما فين بابا فين
الام: ابوكى مات.
خلود بصدمه: مات مات ازاى؟!
#نهايه_الحلقه_الخامسه
#Rawan