رغم انتقامى احببته

الحلقه الرابعه

فى العربيه
ليلى: شكلها بنوته جميله و طيبه
ياسين: جدا يا امى و حنينه و بحس انها فهمانى
ليلى: ربنا يخليكوا لبعض و يبعد عنك جدك يارب
ياسين: يارب يا امى.
فى الطياره
سميه: انت متأكد من رجوعك ده
عبدالله: ايوه متأكد و كمان عايز ادور على الحقيقه
سميه: مصمم يا عبدالله
عبدالله: ايوه مصمم انا مش هرتاح غير لما اعرف الحقيقه
سميه: طيب يا عبدالله
عبدالله: متزعليش يا سميه بس دول مراتى و بنتى
سميه: مش زعلانه انا مقدره اللى انت فيه بس اوعدنى لو معرفتش توصل لحاجه نتجوز و نرجع هنا تانى ممكن
عبدالله: اوعدك يا سميه
و بعد ساعات عاد عبدالله الى ارض الوطن و كان فى استقباله ياسين
ياسين: اخيرا يا عمو نزلت وحشتنى جدا و الله
عبدالله: كبرت يا واد يا ياسين و انت كمان وحشتنى جدا يا حبيب عمو. احب اعرفك دى سميه سكرتيره و مديره اعمالى
ياسين: اهلا بحضرتك نورتى مصر
سميه: منوره بأهلها
ياسين: طيب هات ياعمى الشنط و انا هحطها فى الشنطه و هركب
فى الطريق
عبدالله: عامل ايه يا ياسين و اخبار الشغل ايه
ياسين: انا تمام يا عمو و محتاج احكى معاك فى حاجات كتير اما الشغل ففى الفتره الاخير خسرنا صفقات كتير للاسف مش عارف ليه
عبدالله: و انا كمان محتاج اتكلم معاك اما بخصوص الشغل متقلقش هنظبط كل حاجه مع بعض
ياسين: تمام يا عمو
و وصلوا الفيلا و الكل دخل
عبدالله: ازيك يا ولدى وحشتنى
قاسم باشا: تمام يا عبدالله و انت كمان
عبدالله: ازيك يا ليلى ليكى واحشه و الله
ليلى: و انت كمان و الله وحشتنا انا تمام الحمدلله
عبدالله: دى سميه مديره اعمالى هتفضل معانا هنا
ليلى: اهلا بيكى نورتينا
سميه: ده نورك
ليلى: اتفضلى معايا اوريكى اوضتك
سميه: تمام يلا
قاسم: ياسين روحت الشركه النهارده
ياسين: ايوه مضيت ورق كان محتاج امضتى و روحت المطار
قاسم: تمام سبنى مع عمك شويه
ياسين: حاضر عن اذنكوا
قاسم: تعالى ورايا على المكتب
عبدالله: حاضر يا بابا
قاسم: بص يا عبدالله انت عارف انى ورثت الشركه دى جدى و ابويا و اشتغلت لحد ما بقا ليا اسم قوى فى السوق بس الايام دى الشركه بتقع و معرفش ليه و صفقات كتير بتضيع فى حد ورا الموضوع ده بس مين محدش يعرف. انا بقا هسلمك كل ده من دلوقتى و انا عارف انك ذكى و هتعرف ترجع كل حاجه زى ما كانت و تعرف مين اللى بيعمل كده
عبدالله: تمام يا بابا متقلقش كل حاجه هتبقى تمام و ياسين كمان معايا و كله هيبقى تمام
قاسم: ياسين ده كمان حكايته حكايه بس المهم بكره اعمل حسابك ان فى مؤتمر بكره هقدمك فيه على اساس انك هتبقى رئيس المجموعه و هنتكلم على مشروع الساحل و هتقول اننا هنتأخر فى تسليم الدفعه الاولى و هنسلم المشروع كله بعد اربع سنين .
عبدالله: تمام يا بابا بس ماله ياسين؟!
قاسم: البيه بيحبلى مهندسه لا ليها اصل ولا فصل و قال ايه عايز يتجوزها
عبدالله: ازاى لا ليها اصل ولا فصل
قاسم: عيليتها مش معروفه يعنى مش من مستوانا
عبدالله بغضب مكتوم: هو حضرتك لسه بتفكر بالطريقه دى
قاسم: المفروض افكر بأنهو طريقه يا عبدالله
عبدالله: لا حضرتك حر بس متعملش فى ياسين زى اللى عملته فيا زمان عن اذنك. و خرج قاسم راح لياسين اوضته
ياسين: اهلا يا عمو اتفضل
عبدالله: قولى بقا كنت عايز تتكلم معايا فى ايه
ياسين: مش وقته يا عمو لما ترتاح نبقى نتكلم
عبدالله: جدك حكالى انك بتحب واحده و عايزها تأكد انى معاك فى اي خطوه انت هتاخدها
ياسين: بجد يا عمو
عبدالله: بجد يا ياسين. هروح انام بقا عشان الشغل بكره
ياسين: ماشى يا عمو تصبح على خير
عبدالله: و انت من اهل الخير
ياسين اتصل بخلود يطمن عليها
ياسين: ازيك يا خلود
خلود: تمام يا حبيبى و انت
ياسين: الله على كلمة حبيبى منك جميله اوى
خلود بضحك: يا سلام
ياسين: اه و الله يا حبيبتى
خلود: ها ايه اخبار الشغل و جبت عمك
ياسين: الشغل تمام بس الشركه وحشه من غيرك و عمى لسه جايبه من ساعه
خلود: طب كويس
ياسين: الدكتور مقالش هتخرجى امتى
خلود بمكر: لا لسه مش عارفه بس ليه
ياسين: عادى عايز اطمن على حبيبتى
خلود: ربنا يخليك ليا يا حبيبى
ياسين: لو معرفتش اجى بكره الصبح هجيلك اول ما اخلص المؤتمر
خلود: تمام يا حبيبى خلى بالك من نفسك
ياسين: و انتى كمان يا قلبى يلا تصبحى على خير
خلود: و انت من اهله يا حبيبى
سها: على فكره بابا اتصل يطمن عليكى و بيقولك اى حاجه تحتاجيها كلميه على طول
خلود: باباكى ده عسل اوى بجد معرفش ليه بيساعدنى فى انتقامى
سها: انتى عبيطه بابا بيعتبرك بنته زيى بالظبط و بعدين متنسيش ان ادم الله يرحمه كان خطيبك و وصى بابا عليكى
خلود بحزن: الله يرحمه تصدقى واحشنى جدا كان بيحتوينى جدا تحسى انى مش مكتوبلى افرح ابدا فى حياتى
سها: ليه بتقولى كده يا قلبى احنا معاكى و سندك فى الدنيا و اكيد بعد كل اللى حصلك ده هتلاقى فى الاخر حاجه حلوه تفرحك
خلود بابتسامه: ربنا يخليكى ليا يا قلبى.
عند عبدالله
قاعد على السرير بيفكر و سرحان وحشتينى يا جميله
عوده الى الماضى
تعرفى ان اسمك لايق على شكلك انتى جميله و فعلا جميله
جميله: عبدالله باشا مينفعش الكلام ده ولا تنفع واقفتنا دى لو حد شافنا هيقول اي
عبدالله: كل ده ميهمنيش كل اللى بيهمنى انى بحبك جدا جدا و مش هسيبك حتى لو هحارب الدنيا كلها
جميله: بس قاسم باشا مش هيسكت
عبدالله: انا هقنعه و لو مقتنعش هسيب البيت و نتجوز انا و انتى.
عوده الى الحاضر.
عبدالله بتنهيده: يااااه يا جميله وحشتينى انتى و خلود اوى.
تانى يوم الصبح
فى المستشفى
الدكتور: انتى تمام اوى النهارده تقدرى تخرجى
خلود: اخيرا
الدكتور: ايه زهقتى مننا
خلود: الصراحه مش بحب المستشفيات
الدكتور: اديكى هتمشى يا ستى المهم حمدلله على سلامتك
خلود: الله يسلمك يا دكتور
سها: طب يلا يا خلود اجهزى
خلود: تمام. و لبست و طلعت
خلود: انا عايزه اروح الشركه اجيب شويه اوراق
سها: خلاص تمام نطلع على هناك
فى الشركه
كان الكل مشغول عشان المؤتمر
قاسم: ياسين كل حاجه جاهزه
ياسين: ايوه يا جدى دقايق و هنروح القاعه
قاسم: عبدالله انت شوفت اوراق مشروع الساحل فى غلطات ولا حاجه
عبدالله: لا كل حاجه فيه تمام حتى اللى مصمم المشروع شاطر جدا
ياسين: ده شغل مهندسه حلو يا عمى
عبدالله: لا بجد برافو عليها لازم اقابلها
ياسين: هى عملت حادثه و واخده اجازه اسبوع
عبدالله: الف سلامه عليها
التليفون رن و بعدين ياسين رد
ياسين: تمام خلاص احنا جايين
ياسين: يلا القاعه جاهزه
عبدالله: تمام انا هشوف حاجه و جى وراكوا
قاسم: تمام متتأخرش
خلود وصلت الشركه هى و سها. سها قعدت فى العربيه و هى راحت مكتبها خدت الورق اللى هى عايزاه و خرجت و هى ماشيه خبطت فى حد و الورق وقع
سها: انا اسفه مخدتش بالى
عبدالله: لا عادى ميهمكيش
سها بتبص لاقيته ابوها: مستحيل
عبدالله: افندم
سها: لا يا فندم مفيش حاجه
و طلعت تجرى.
#نهايه_الحلقه_الرابعه
#Rawan