رغم انتقامى احببته

الحلقه التاسعه و العشرون

خدوا خلود و طلعوا يجروا بيها على المستشفى
خلود: منك لله يا ياسين يا بنى ام ياسين منك لله
و خدت ايد اسر و عضتها
اسر: اهاااااا انا مالى يا حجه هو انا اللى خليتك تحملى
حازم بضحك: معلش معلش استحمل هههههههه
خلود: انتوا رجاله وحشه كلكوا منكوا لله اهااااااااا
سها: حازم انا مش عايزه اخلف خلف انت بدالى
حازم: نعم ياختى و انا مالى انا راجل انتى ست اولدى انتى
عبدالله و سليم فضلوا يضحكوا عليهم و خلود دخلت اوضه العمليات
فى مصر
الداده دخلت على قاسم لاقيته واقع صوتت و اتصلوا بالاسعاف و بعدين اتصلت بياسين قالتله
ياسين طلع يجرى على المستشفى
ياسين: فى ايه يا دكتور جدى ماله
الدكتور: هو حصله جلطه
ياسين: لا اله الا الله طب هى حالته ايه يا دكتور
الدكتور: مكدبش عليك هو حالته متأخره
ياسين: طب ينفع ادخله
الدكتور: ايوه طبعا اتفضل
ياسين: عامل ايه يا جدى
قاسم: ياسين انت جيت
ياسين: الف سلامه عليك يا جدى
قاسم: سامحنى يا بنى سامحنى على اي حاجه وحشه عملتها فيك و خلى امك تسامحنى
ياسين: مسامحك يا جدى ان شاء الله تقوملنا بالسلامه
قاسم: امال فين عبدالله مجاش ليه
ياسين: عمى مسافر مش هنا
قاسم: خليه يجى عايز اشوفه قبل ما اموت
ياسين: بعد الشر يا جدى. هكلمه حاضر
فى لندن
خلود ولدت و جابت بنوته زى العسل
سها: الله يا خلود شكله صغنن اوى و شكلها كيوت خالص
حازم: عسوله اوى بجد
اسر: حبيبة خالو زى القمر
سليم: ربنا يحميها يارب قمر
عبدالله: حبيبة جدو ما شاء الله عليها تخطف القلب
سليم: ها يا خلود هتسميها ايه
خلود: تيا
سها: اسم جميل زيها
حازم: و ده معناه ايه بقا
خلود: بص يا سيدى لإسم تيا معاني في أكثر من لغة، ففي اللغة اليونانية يعني الأميرة، وفي اللغة الأسبانية تعني كلمة Tia العمّة، وفي اللغة العربية يُقال أنها تصغير تا للتأنيث، مثل ذيا تصغير ذا للذكور. تيا إسم بسيط وسهلة النطق، ويعبر عن صاحبته الرقيقة، والمفعمة بالأنوثة، فتعيش حياة الأميرات، وتهتم بجمالها وأناقتها.
اسر: اختيار موفق بنتك هتطلع قمر
خلود بثقه و ضحك: انا على طول بختار الحاجات الموفقه اصلا
اسر بضحك: اقولك انا رجعت فى كلام اختيار وحش
سها: هنعمل السبوع امتى
حازم: اكيد بعد اسبوع احنا هنعملها سبوع معتبر
تليفون عبدالله رن و طلع يتكلم بره
ياسين: عمى حضرتك جى امتى
عبدالله: مش عارف ليه
ياسين: جدى جاتله جلطه و حالته متأخره و طلبك بالاسم
عبدالله: ايه حصل امتى
ياسين: من ساعه
عبدالله: انا هاجى على طول
ياسين: ماشى يا عمى
عبدالله دخل الاوضه
عبدالله: خلود حبيبة بابا انا هضطر اسافر مصر النهارده عندى شغل مهم هناك و هاجى على السبوع ماشى
خلود بقلق: فى حاجه ولا ايه
عبدالله: لا بس الشغل حصل فيه مشكله هروح اشوفها و ارجع ماشى
خلود: ماشى يا بابا ابقى طمنى عليك
و مشى عبدالله شاف اول طياره و حجز فيها و سافر
تانى يوم الصبح
فى مصر
عبدالله راح على المستشفى على طول و سأل على اوضه قاسم و دخل
عبدالله: بابا مالك الف سلامه عليك
قاسم: عبدالله انت جيت
عبدالله: ايوه يا بابا انا معاك اهو
قاسم: عايزك تسامحنى انت و بنتك يا عبدالله انا غلطت فى حقكم كتير و ظلمتك انت و مرات و دمرت حياتك سامحنى يابنى الفلوس كانت عاميه عينى عن كل حاجه حلوه فى حياتى خلتنى اشوف انها اهم حاجه فى الحياه و ان الفقراء مالهمش وجود فى حياتى تفكيرى كله كان غلط و ادينى اهو بدفع التمن. قول لخلود بنتك تسامحنى على اذيتى فيها من ساعة ما جت الشركه انا كنت عارف انها بنتك من الشبه الكبير اللى واخده منك انت و امها طريقتها و اسلوبها كانت تخليك تتأكد انها من عيله آل قاسم بس انا مكنتش حابب وجودها فى حياتنا انا اذيتها كتير خليها تسامحنى و انا عوضتها عن اذيتى ليها سامحونى
عبدالله: مسامحينك يا بابا انت هتعيش معانا و هتخليها تسامحك
قاسم: كان نفسى بس خلاص مبقاش ينفع فات الاوان
بدأ قاسم نفسه يروح عبدالله طلع يجرى ينادى الدكاتره و دخلوا بسرعه الاوضه بس للاسف فات الاوان و مات قاسم
عبدالله فضل يعيط و اتصل بياسين قاله و ياسين قال للكل و خلص اجراءات الدفن و راح دفنه و عامل ليه عزا كبير
فى لندن
خلود خرجت من المستشفى روحت البيت مع الكل و هناك سها و حازم و اسر فضلوا يتخانقوا على مين ياخد تيا
سها: هى بنوته زى و انا اللى هاخدها العب بيها الاول
حازم: سها متنرفزنيش ادينى العب بيها شويه انتى طول الليل معاها فى المستشفى
اسر: ايوه انتى طول الليل معاها اما انا لا هاتى العب بيها الاول
سليم بزعيق: باااااااس انا اللى هاخدها
و خد من خلود تيا و فضل ماسكها
حازم: ممكن لو تكرمت يا عمى تدينى اشيل تيا شويه لو تكرمت
سليم: لا
اسر: عمو سليم حبيبى حبيبى من ايام الطلبيه ممكن تيا شويه
سليم: بردو لا
سها: بابتى حبيبى قلبى من جوه الراجل الكبره ممكن
سليم: لا
تيا: واء واء واء
خلود: طب ممكن اخدها انا ارضعها و انيمها عشان هى بتعيط
سليم: اذا كان كده خديها بس لما تصحى هاخدها العيال الحوش دى هيبهدلوها
خلود بضحك: حاضر يا بابا
و خدت تيا و دخلت الاوضه
سليم: يلا ورايا يا حوش نظبط اوضة تيا و انتى يا سها على المطبخ اعملى اكل من ايدك العسل دى
سها: حاضر يا بابا
و خد حازم و اسر و راحوا يلونوا الاوضه و يركبوا السرير و الدولاب
و هما بيلونوا الاوضه تليفون اسر رن
اسر: ايوه يا قلبى
نرمين: حبيبى عامل ايه
اسر: الحمدلله يا قلبى و اتتى
نرمين: تمام الحمدلله خلود خلفت
اسر: ايوه جابت بنوته زى القمر اسمها تيا
نرمين: ما شاء الله حمدلله على سلامتها
اسر: الله يسلمك يا قلبى تاخد تباركلها
نرمين: ماشى
اسر راح عند خلود خبط و سمعها بتقول ادخل دخل
خلود: ايوه يا اسر
اسر: خلود ممكن تاخدى تكلمى خطيبتى عايزه تباركلك
خلود: هات بس ايه الاحترام ده
اسر: طول عمرى محترم
خلود بضحك: على يدى ده انت هتدخل النار بصاروخ يابنى
اسر بضحك: حبيبى تسلم خدى البت اهى
خلود: الو
نرمين: ازيك يا خلود مبروك على تيا
خلود: الله يبارك فيكى يا حبيبتى عقبالك
نرمين: حبيبتى ربنا يخليكى هتيجى فرحنا اكيد
خلود: طبعا هاجى ده فرح اخويا
نرمين: حلاص هنتظرك
و قفلت هى و خلود و بعدين اسر طلع يكمل كلام معاها
نرمين: اسر صح نسيت أقولك
اسر: فى ايه
نرمين: مش قاسم جد ياسين مات
اسر: ايه امتى حصل
نرمين: النهارده و بابا راح العزا
اسر: لا اله الا الله ربنا يرحمه يارب
نرمين: انا هقفل بقا يا حبيبى سلام
اسر راح قال لسليم على موت قاسم و سليم اتصل بعبدالله
سليم: البقاء لله ربنا يرحمه يا عبدالله
عبدالله: الدوام لله
سليم: هو ايه اللى حصل
عبدالله: جاله جلطه و مات بسببها
سليم: لا اله الا الله ربنا يرحمه
عبدالله: يارب. سليم متقولش لخلود حاجه و انا هاجى على السبوع
سليم: حاضر فى انتظارك
و عدى اسبوع
عبدالله راحلهم لندن و عاملوا سبوع خرافه لتيا و الكل فرح و بعد السبوع قعدوا مع بعض
عبدالله: ها يا جماعه هتنزلوا مصر امتى
سليم: على حسب خلود عايزه تنزل امتى
عبدالله: ها يا خلود قررتى
خلود بتوتر: هو احنا ممكن ننزل بعد ٩ شهور تكون تيا كبرت و شدت حيلها شويه
سليم: خلاص تمام و يكون حازم و اسر عملوا تحضيرات الفرح و سها جابت الفستان و انتى جبتى انتى و تيا فساتين
حازم: يبقى خلاص احنا ننزل مع عمو عبدالله نجهز كل حاجه و نستناكوا
سليم: خلاص تمام
بعد ٩ شهور
خلال ٩ شهور دى خلود اتعودت على تيا و تيا عرفت تغير حياة خلود بطريقه جميله و خلود خفت و بقت تمام و نزلوا مصر
يوم الفرح
الكل كان بيجهز و سليم عزم عبدالله و ياسين و الكل و الكل راح و نزلوا العرايس و العرسان خدوهم و ليلى لما شافت تيا مع خلود انصدمت
ليلى: مين دى يا خلود
خلود: تيا بنتى
ليلى: من ياسين صح
خلود: ايوه بس ممكن متقوليش ليه حاجه انا هقوله فى الوقت المناسب
ليلى: ماشى يا خلود
ياسين مكنش لسه جه و خلود كانت قعده تلعب مع تيا و بعدين تيا طلعت تجرى منها و خبطت فى حد
خلود: تيا تعالى هنا
و بتبص لاقت ياسين شايلها
خلود بصدمه: ياسين!!
ياسين: خلود!!
#نهايه_الحلقه_التاسعه_والعشرون
#Rawan