رغم انتقامى احببته

الحلقه العشرين

خلود: بابا سليم وحشتنى اوى
سليم: انتى اكتر يا قلبى مختفيه ليه يا خلود حصل ايه
خلود: حصل كتير كتير اوى
سليم: انا عارف اللى حصل بس ايه خلاكى تختفى
خلود بعياط: بابا اللى كنت مفكراه مات طلع عايش و مش عارف حاجه عننا ميعرفش ان مراته ماتت و سابت بنته وحيده فى عالم هى متعرفهوش ميعرفش ان ابوه بيلعب بقذاره من وراه و فى الاخر يوم معرف انه عرف اللى ابوه عمله فينا عمل حادثه و دخل فى غيبوبه و بين الحياه و الموت
سليم: يا بنتى يا حبيبتى ده قدر و مكتوبلنا. و بعدين محدش عارف بكره فيه ايه انا عارف انك شوفتى كتير بس المفروض تتعلم من اللى حصلك و تراجعى نفسك فى كل حاجه بتحصل. و بعدين ادعى لباباكى كتير هو محتاج دلوقتى لكل دعوه
خلود بعياط: و ياسين اللى فكرته غيرهم انا منكرش انى حبيته بس حبى ليه طلع غلط يوم ما قررت انى ادي لنفسى فرصه معاه هو خسرها لما شاف كام صوره و صدق فيهم اللى عايز يصدقه اول مشكله لينا مع بعض صدق كلام قاسم و قالى انى فعلا واحده من الشارع ميعرفش انى بنت عمه انى انا اللى اترميت انا و انى فى الشارع بسبب جده بس مشكلتى انى حبيته و اوى كمان بس انا كنت طول الفتره دى بكدب على نفسى كنت شايفه حبى ليه خيانه لادم. بس هو عمل حاجه مكنتش متوقعه منه انه يعملها
سليم: يا حبيبتى الحب ده حاجه نابعه من جوانا محدش بيقدر يتحكم فيها و محدش يعرف ازاى و فين حصل فجأة بتلاقى نفسك بتحبى شخص عمرك ما كنتى تتوقعى انك تحبيه فجأة بتلاقى حياتك متعلقه بيه الحب جميل جميل اوى بس لما نختار فيه الشخص الصح اللى هيخلينا حبين حبنا ليه و حبين اي حاجه بيعملها حتى لو كانت بسيطه بنشوفها كبيره لانها منه هو و بس. متظلميش ياسين يمكن من حبه ليكى مكنش متوقع منك تعملى كده بصى في رجاله عصبيه عصبيه اوى لدرجه انهم مش بيشوفوا قدامهم من عصبيته بيعملوا الحاجه فى عصبيتهم و بعد ما بيفوقوا بيندموا. متزعليش كل حاجه هتبقى تمام
خلود: مبقتش قادره استحمل اللى بيحصل انا حاسه انى عايشه فى عالم معرفهوش عالم انا مش بنتمى ليه عالم دخلته عشان بس انتقام من حد جتى و هو مش عارف انا مين بيأذنى انا حاسه انى بأذى نفسى بأيدى و ده اللى مبقتش بحبه ولا عايزاه انا عايزه اخرج من العالم ده انا بكره العالم ده و نفسى اغيره و اعيش لنفسى و بس طلعنى من العالم ده
سليم: اهدى يا حبيبتى كل حاجه هتتحل انا معاكى اهو و مش هسيبك و هخليكى تعيشى صح اهدى كده و فوقى
خلود: ربنا يخليكى ليا يا بابا سليم من غيرك مكنتش هعرف اعيش حتى
سليم: و يخليكى ليا يا قلبى
خلود: اقولك على حاجه
سليم: انتى اللى حرقتى المصنع صح
خلود: عرفت ازاى
سليم: انا فهمك و عارف يا خلود. بس اتمنى ترجعى عن كل اللى بتعمليه ده. و يلا عشان نمشى من هنا
خلود: يلا
فى فيلا آل قاسم
قاسم: ازيك يا احمد بيه عامل ايه
احمد سليمان: اهلا اهلا قاسم بيه ليك واحشه يا راجل
قاسم: بص يا سيدى انا بكلمك عشان اقولك انى عايز يحصل بينا نسب و نلم شمل العيلتين مع بعض
احمد سليمان: انا ليا الشرف يا قاسم بيه انى هناسبك و الله
قاسم: خلاص يبقى ان شاء الله هنيجلكوا بعد بكره نقرأ الفاتحه
احمد سليمان: هنكون فى انتظارك يا باشا
عند ياسين
كلم اسر عشان يشوفه و يتكلم معاه و اتفقوا انهم هيتقابلوا فى كافيه....... بعد نص ساعه
اسر: نعم يا ياسين عايز ايه
ياسين: مالك يا صاحبى بتكلمنى كده ليه
اسر: المفروض اكلمك ازاى و انت السبب فى اختفاء اعز اصحابى
ياسين: حوار انا و خلود محدش ليه علاقه بيه و بعدين مش انا اللى قولتلها تسيب البيت و تمشى
اسر: عايز تفهمنى انك معملتش حاجه خليت خلود تختفى
ياسين: دى حاجه بينى و بينها
اسر: حاجه بينك و بينها بس انا و سها و حازم قلقانين عليها و كمان خلود مالهاش حد غيرنا و ياعالم حصلها ايه
ياسين: و الله دى حاجه متخصنيش بس اللى عملته يستحق اللى حصل
اسر: بص يا صاحبى مهما كان اللى حصل بينكوا بس انا متأكد مليون فى الميه ان خلود عمرها ما تعمل حاجه غلط. خلود مهما بينت ليك انها قويه و مفيش حاجه تكسرها هى ضعيفه و بتخاف تفقد الناس اللى بتحبهم هى مرت بحاجات كتير بسكرتها خلتها تعيش فى شخصيه غير شخصيتها و حياه غير حياتها بس بردو بتحاول تعيش بطريقه صح بس مش عارفه
ياسين: طيب طيب المهم انا عايزك فى موضوع مهم
اسر: ايوه عايز ايه
ياسين: عملت ايه فى موضوع مرات عمى و بنتها
اسر: انا كلمت عبدالله باشا قبل الحادثه و قولتله ان مراته ماتت اما بنته معرفش عنها حاجه و الصراحه انا بشيل ايدى من الموضوع ده
ياسين: يعنى انت مش هتساعدنى يا صاحبى
اسر بنرفزه: ما تساعد نفسك و تدور عليها انت يا ياسين او اقولك حل احسن خلى اللى كان السبب فى ضايعهم يدور هو عليهم ده لو مكنش عارف هما فين
ياسين: قصدك ايه بالكلام ده
اسر: معرفش اسأل نفسك. بس اقولك حاجه يا صاحبى انت بقيت نسخه من قاسم اللى انت بتكرهه ربنا يهديك. يلا عن اذنك
و مشى اسر و ساب ياسين بيفكر فى كلامه و مصدوم انه شبه بقاسم
فى بيت سها
سها و هى بتحضن خلود: كده يا خلود تقلقينى عليكى ده انا خوفت للحظه انى اكون مش هشوفك تانى وحشتينى اوى بجد
خلود: يا قلبى و انتى اكتر انا مقدرش اصلا على بعدنا بس انا كنت تعبانه و معرفتش افكر
سها: المهم انك رجعتى و معانا و فى وسطنا
خلود: ربنا يهليكى ليا يا احلى اخت
حازم: لا بس ياعمى انت طلعت نمس و عرفت مكانها فى ثوانى
سليم بضحك: مش بنتى لازم احس بيها
خلود: حبيبى يا بابا سليم
حازم: بس حقيقه قلقت عليكى يا بت يا خلود معرفش انك غاليه علينا كده
خلود بضحك: يا سلام طب كويس انكوا عرفتوا قمتى
فى الوقت دى الباب خبط و راح حازم يفتح و كان اسر
اسر: و ربنا كنت قلقان عليكى و خوفت يكون حصلك حاجه
خلود: لا ياعم انا اسد محدش يقدر يعملى حاجه. و عشان كده هقوم اعمل عصير فراوله لينا كلنا
و قامت تعمل العصير و حست بدوخه و تعب رهيب بس كانت بتحاول تمسك نفسها شالت كوبايات العصير و طلعت بره و لسه بتمد ليهم الحاجه وقعت من طولها مغمى عليها
سها بصويت: خلود مالك حصلك ايه خلود فوقى. الحق يا بابا دى مبتردش
حازم راح جاب ريحه و فضل يشمم فيها بس مبتفوقش
سليم: اسر اتصل بالدكتور بسرعه
اتصل اسر بالدكتور و نص ساعه و كان موجود كشف على خلود و طلع
سليم: ها يا دكتور بنتى مالها
الدكتور: متقلقوش يا جماعه ده هبوط بس من قلة الاكل و خصوصا انها حامل فحصلها ضعف
الكل بصدمه: حامل
الدكتور: ايوه حامله هى مش متجوزه
سليم: ايوه متجوزه بس مكناش نعرف انها حامل
الدكتور: على العموم دى شويه فيتامينات لازم تاخدها على طول طول فتره الحمل و اهم حاجه الراحه التامه و ده يشمل حالتها النفسيه محدش يتعبها
سليم: تمام شكرا يا دكتور
فى فيلا قاسم
قاسم: ياسين اعمل حسابك بعد بكره خطوبتك على بنت احمد سليمان
ياسين: نعم ازاى يعنى مش فاهم
قاسم: ايه اللى مش فاهمه فى موضوع ان خطوبتك بعد بكره
ياسين: ايوه بس انا مش عايز اتجوز
قاسم: لا هتتجوز و ده قرارى الكل يعمل حسابه على ان الخطوبه هتكون عائليه محدش يعزم حد. و انت يا ليلى تنزلى تجيب للعروسه عقد مفتخر
ياسين: بس يا جدى
قاسم: مفيش بس تصبحوا على خير
ليلى: انت هتسمع كلامه بجد
ياسين: عايزانى اعمل ايه يعنى يا ماما هو مدنيش فرصه اقول رأى و بعدين نرمين بنت احمد سليمان بنت ناس و مستوى متترفضش
ليلى: ايه التفكير السطحى ده و بعدين خلود هتعمل معاها ايه
ياسين: هعمل معاها ايه يعنى احنا اصلا علاقتنا انتهت
ليلى: لا مينفعش تنتهى مينفعش اصلا تسيب خلود مينفعش
ياسين: ليه مينفعش
ليلى: هو كده و خلاص مينفعش تسيب خلود نهائى انت فاهم و انا مش موافقه على الجوازه دى
ياسين: و انا موافق تصبحى على خير
عند خلود
سها: الله ي خلود اخيرا هبقى خالتو مبرووووووك يا قلبى
حازم: و الله و هبقى خالو انا كمان و العب مع اطفالك يا بت يا خلو
اسر: و انا هبقى خالو زى القمر هعلمه ضرب النار و هظبطه
سليم: و الله و كبرتينى يا بت يا خلود و هبقى جدو و هيقولولى يا راجل يا عجوز
خلود: انا مش عايزه الطفل ده انا عايزه انزله
الكل: نعم انتى بتقولى ايه
خلود: بقول الصح و اللى لازم يحصل انا مش هجيبه الدنيا عشان يتعذب فيها و يحصله اللى حصلى مش هدمر طفل بأيدى حرام و بعدين ابوه مش هيكون عايزه
سليم: مين قال ان ابوه مش هيكون عايزه و بعدين عمره ما هيحصله حاجه طول ماحنا موجودين انتوا منا
خلود بعياط: انا اللى بقول. و بعدين هيجى وقت عليكوا و تزهقوا و تمشوا و هفضل لوحدى انا و هو لوحدنا
سليم و خدها فى حضنه: انا عمرى ما ازهق منك و عمرى ما هسيبك يا خلود انا معاكى و حازم و اسر و سها اخواتك و عمرهم ما يزهقوا منك صح ولا ايه يا ولاد
التلاته: طبعا عمرنا ما نزهق منكوا
سها: يا خلود انتى اختك ازاى هزهق منك ده انتى اللى ربنا عوضنى بيكى
خلود بعياط: ربنا يخليكوا ليا يااااارب
سليم: يلا نامى دلوقتى و سيبى كل حاجه على ربنا
و خرجوا كلهم بره
سليم: احنا لازم ناخد بالنا منها انا خايف عليها
سها: صح بابا كلامه صح
الكل وافق على كلام سليم و قرروا يطلعوها من حزنها. و كل واحد رايح ينام. بس كل واحد فى بيفكر و دماغه مشغول
ياسين: مش عارف يعمل ايه مش عارف اللى بيعمله ده صح ولا غلط و من جهة تانيه خايف يكون ظلم خلود
ليلى: بتفكر ازاى متخليش ياسين يسيب خلود و بتفكر تقول الحقيفه ولا تسكت و تخلى خلود تبعد عن كل ده
سليم: خايف على خلود خايف تأذى نفسها و قرر ياخدها و يسافر بريطانيا
خلود: بتفكر تعمل ايه تسيب الطفل ولا تنزله بس قررت تروح تتكلم مع ياسين و يشوفوا حل
و جه الصبح
و اتذاع فى الشركه خبر خطوبه ياسين.
خلود صحيت لبست و خرجت راحت الشركه لاقت الموظفين كلهم بيتكلموا و فى هرج فى الشركه راحت سألت السكرتيره
خلود: هو فى ايه ايه اللى بيحصل
السكرتيره: اصل مستر ياسين خطوبته بعد بكره
خلود بصدمه: ايه ياسين هيخطب
#نهايه_الحلقه_العشرين
#Rawan