رغم انتقامى احببته

الحلقه الاولى

فى المقابر.
وحشتينى يا امى وحشنى حضنك و خوفك عليا انا من غيرك ولا حاجه كنتى كل حاجه بالنسبالى كنتى سندى فى الدنيا مش عارفه اعيش من غيرك فات ٥ سنين على موتك و من ساعتها حاسه انى مكسوره و سندى فى الدنيا راح ربنا يرحمك و يغفرلك. انا هجيلك قريب بس اكمل انتقامى من اللى كانوا السبب فى عيشتنا اللى كانت وحشه و اللى بسببها انتى موتى.
التليفون بيرن
خلود و هى بتمسح دموعها: الو ازيك يا مستر ياسين
ياسين: تمام يا خلود انتى مجتيش ليه لحد دلوقتى ورق مشروع الساحل معاكى و انا محتاجه ضرورى
خلود: سورى يا مستر كان عندى مشوار مهم و خلصته و جايه اهو ساعه بالكتير و هكون عند حضرتك
ياسين: تمام يا خلود متتأخريش عن كده
خلود: حاضر يا مستر و ركبت عربيتها و مشيت.
فى الشركه
ياسين لسكرتيره: لو سمحتى اول ما المهندسه خلود تيجى دخليها ليا بسرعه.
السكرتيره: حاضر يا فندم اي اوامر تانيه
ياسين: لا شكرا.
ياسين فى سره: يا ترى مين اللى بيلعب فى اوراق الشركه و مش معقول الصفقات اللى بتضيع منا دى اكيد فى حد ورا الموضوع ده و مصيرى اعرفه بس شكلى هضطر ابعت اجيب عمى من امريكا.
فى فيلا آل قاسم.
قاسم: سهير ناديلى ليلى هانم.
سهير: حاضر يا باشا
سهير: ليلى هانم قاسم بيه عايزك
ليلى: حاضر يا سهير انزلى و انا جايه وراكى
سهير: تمام يا هانم
ليلى فى سرها: يا ترى مشكلة ايه جديده اللى هيكلمنى فيها.
ليلى خبطت على الباب و سمعت اذن الدخول
ليلى: ايوه يا عمى حضرتك نادتلى
قاسم: تعالى يا ليلى اقعد عايزك فى موضوع
ليلى: نعم يا عمى
قاسم: ابنك ياسين
ليلى: ماله ابنى يا عمى
قاسم: سمعت انه مهتم بمهندسه فى الشركه شغاله بقالها سنتين و اهتمامه بيها مختلف عن الباقى زى ما تقولى كده ممكن تنشأ بينهم قصة حب
ليلى: و فيها ايه يا عم ما يمكن مهندسه شاطره و جميله و اهتمامه بيها يبقى بحكم الشغل و انها متفوقه فى شغلها
قاسم: ليلى انا اللى سمعته مبيقولش كده انا معاكى انها مهندسه متفوقه بس اهتمام ابنك بيها غير يعنى بيعزمها على الغدا كل يوم و بيقعدوا مع بعض بالساعات فى المكتب.
ليلى: يا عمى يمكن كل ده بحكم الشغل
قاسم بغضب: ليلى خلى ابنك يبعد عنها و يعرف انها مجرد موظفه عنده فى الشركه مفهوم و الا ؟!
ليلى بخوف: و الا ايه يا عمى
قاسم بغضب: هيبقى مصيره زى مصير عمه عبدالله و انتى عارفه ازاى
ليلى بخوف: لا لا يا عمى بلاش عشان خاطرى انا هقوله و هخليه يبعد عنها حاضر
قاسم: انا كده خلصت كلامى تقدرى تمشى
ليلى: حاضر يا عمى
عند مجموعه شركات آل قاسم.
خلود لسكرتيره: مستر ياسين مستنين جوا ممكن ادخل
السكرتيره: طبعا مهندسه خلود هو مستنيكى من بدرى
خلود: تمام شكرا. خبطت الباب و دخلت
ياسين: اهلا مهندسه خلود اتفضلى اقعدى تشربى ايه
خلود: لا شكرا يا مستر مش عايزه
ياسين: لا بصى انا هطلب لينا اتنين قهوه عشان احنا هنقعد نتكلم فى مشروع الساحل شويه تمام
خلود: خلاص تمام يا مستر
ياسين لسكرتيره: اتنين قهوه مظبوط
السكرتيره: حاضر يا فندم
ياسين: ها يا خلود اخبارك ايه
خلود: و الله تمام يا مستر
ياسين: كل حاجه ماشيه معاكى تمام
خلود: اه الحمدلله يا مستر
ياسين: لو احتاجتى اى حاجه انا موجوده
خلود: شكرا يا مستر خيرك سابق
ياسين: المهم دلوقتى ورينى كده اورق مشروع الساحل و الرسومات
خلود: اتفضل يا مستر
السكرتيره خبطت و دخلت: اتفضل القهوه يا فندم
ياسين: شكرا اتقضلى انتى
ياسين لخلود: بصى يا خلود هنا فى الورق
خلود: ماله يا مستر
ياسين: المفروض هنا اننا هنسلم اول دفعه من الشليهات خلال سنتين صح
خلود: ايوه صح يا فندم و العمال خلاص قربوا يخلصوا نصها
ياسين: لا انا مش عجبنى الشغل ده
خلود: ليه بس يا فندم
ياسين: انا لما روحت الموقع لاقيت ان اللى هناك مهملين جدا و مفيش حاجه ماشيه مظبوط بيقولوا قربوا يخلصوا و هما لسه فى الاول
خلود: طب يا فندم هما شغلين تحت ايد مين من المهندسين
ياسين: مهندس عامر و لما كلمته قالى انه طلب امكانيات و محدش بعتله
خلود: مستحيل يا فندم اكيد فى حاجه غلط احنا اي مشروع بنشتغل فيه بنزوده بأحسن الامكانيات
ياسين: المهم دلوقتى انا عايز المده تزيد سنتين كمان على ما كل حاجه تتظبط و هنسلم الدفعتين مع بعض تعرفى تعملى كده
خلود: طبعا يا فندم احنا بس محتاجين قاسم باشا يعمل مؤتمر صحفى يتكلم عن المشروع و اننا بنزود المشروع امكانيات من بره عشان كده الدفعه الاولى هيتأخر تسلمها و اننا هنسلم المشروع كله خلال اربع سنين
ياسين: خلاص تمام يا خلود انا هكلم جدى فى الموضوع ده و لو كده هخليكى تظبطى مؤتمر لبكره
خلود: خلاص ماشى يا مستر
ياسين: خلود فكرتى فى موضوعنا
خلود: موضوع ايه يا مستر
ياسين: مستر مستر ايه مستر دى اللى انت مسكالى فيها مش احنا اتفقنا لما نكون قاعدين لوحدنا نتكلم من غير القاب
خلود: صح يا مس قصدى يا ياسين
ياسين: ايوه كده شاطره المهم فكرتى فى موضوعنا
خلود: الصراحه يا مستر شايفه انه مينفعش حضرتك من طبقه و انا من طبقه تانيه خالص و كمان ماليش اهلى
ياسين: يا خلود انا ميهمنيش كل ده كل اللى يهمنى انى بحبك و عايز اتجوزك
قاسم بزعيق: ياااااااسين
ياسين: جدى؟!
قاسم باشا: تيجى ورايا حالا على مكتبى مفهوم
ياسين: مفهوم يا جدى. خلود روحى انتى على مكتبك
خلود بخوف: تمام يا مستر
ياسين: ايوه يا جدى فى ايه
قاسم باشا: اللى سمعته ده هعمل نفسى اطرش و مسمعتهوش تمام. عايزك تعرف حاجه مهمه جدا انك عمرك ما هتتجوز واحده موظفه عندنا مهما كان المسمه الوظيفى بتاعها هتفضل فى نظرى واخده شغاله عندنا و انك هتتجوز اللى انا هختارها ليك مفهوم.
ياسين: ازاى يعنى يا جدى
قاسم باشا: زى ما سمعت الا هيكون عقابك عسير يا ياسين
ياسين بحزن: حاضر يا جدى
قاسم باشا: و بدل انت بتحبلى ركز فى شغلك و شوف الصفقات اللى بتضيع مننا كل شويه و المشاريع اللى متأخره فى التسليم
ياسين: بفكر يا جدى و الشغل ماشى تمام و لاقيت حلول ليهم اما عن حوار الصفقات لسه بشوف مين وراها
قاسم باشا: تمام اما نشوف هتعمل ايه و اعمل حسابك انى بعت اجبلك عمك من امريكا يظبط الشغل اللى انت بتبوظوا تمام
ياسين: تمام يا جدى بس حضرتك بكره لازم تعمل مؤتمر بكره عشان تتكلم عن مشروع الساحل و ننا هنسلم كل الدفعات بعد اربع سنين بدل ما نسلم دفعه بعد سنتين
قاسم باشا: امممممم فكره جميله خلاص ظبطلى المؤتمر
ياسين: تمام يا جدى
قاسم باشا: تقدر تروح على مكتبك دلوقتى
ياسين: تمام يا جدى عن اذنك
قاسم باشا لسكرتيره: ابعتى خلى المهندسه خلود تجيلى
السكرتيره: حاضر يا فندم
السكرتيره: ايوه مهندسه خلود قاسم باشا عايزك فى مكتبه حالا
خلود: حاضر جايه
خلود خبطت و سمعت الاذن انها تدخل
خلود: ايوه يا فندم بلغونى ان حضرتك عايزنى
قاسم باشا و هو بيبصلها من فوق لتحت: بصى يا بت انتى ابعدى عن ياسين نهائى و اوعى تفكرى انك ممكن تبقى مراته انتى مش من مستوانا انتى واحده مستواكى دنئ جايه من الحوارى و هتفضلى فى نظرى كده فأمور العب بتاعت الشوارع دى مش هتمشى معانا مفهوم.
خلود بخاف: انا مش فاهمه قصد حضرتك ايه بس حاضر يا فندم اللى حضرتك تأمر بيه
قاسم باشا: ايوه كده خليكى زى الشاطره و يلا من هنا الكلام خلص
خلود: حاضر يا فندم عن اذنك
طلعت من عنده و الدموع ماليه عيونى روحت جرى على مكتبى خدت شنطتى و ركبت عربيتى و اول ما ركبت العربيه شلال دموع نزل من عينى
خلود بعيط: انا مستوايا دنئ انا هوريك اللى مستواها دنئ دى هتعمل ايه و اقسم بالله لاطلع عليك القديم و الجديد.
خلود بتبص لاقت عربيه داخله خليها و عملت حادثه.
#نهايه_الحلقه_الاولى
#Rawan