رغم انتقامى احببته

الحلقه الثانيه و العشرون

الكل: ايه مات
اسر: مات ازاى يعنى
مصطفى: هتعرفوا فى القسم بس احنا لازم ناخدها
خلود: لا انا مقتلتهوش لا الحقنى يا بابا سليم متخليهمش ياخدونى
مصطفى: يلا معانا بعد اذنك
سليم: حازم احسن محامى فى البلد يكون موجود
حازم: هتصل بأونكل عزمى محسن اهو
الكل نزل راح ورا خلود القسم و المحامى راح وراهم. دخلت خلود عند وكيل النيابه
عزمى محسن: انا المحامى عزمى حاضر مع المتهمه خلود
وكيل النيابه: اهلا بحضرتك
عزمى: ممكن اعرف ايه تهمت موكلتى
وكيل النيابه: متهمه فى قتل نادر عيسى
خلود: انا مقتلتهوش و الله هو كان فى النفس
وكيل النيابه: ازاى وضحى
خلود بصت للمحامى هز رأسه بمعنى اتكلمى
خلود بعياط: انا ليا اسهم فى الشركه و روحت عشان اتنازل عنها قالى تعالى نروح عند المحامى و لما روحت لاقيت الشقه فاضيه استغربت فى الاول و لما سألته قال ان المحامى صاحبه و اننا هنستناه و لما جيت انزل تحت لحد ما المحامى يجى اتهجم و حاول يغتصبنى و معرفتش افلت منه قومت ضربته بالفاظه بس هو كان بيتوجع منها و انا بجرى
وكيل النيابه: القتيل مات بسكينه
خلود: مش انا لا مش انا انا ضربته ع رأسه عشان اهرب منه
عزمى: يا سيده الوكيل اعتقد ان المتهمه قالت اللى حصل و اعترفت باللى حصل بينها و بين و هى كانت بتدافع عن نفسها اما السكينه موكلتى مالهاش علاقه بيها
وكيل النبايه: معلش يا استاذ عزمى بس هى هتستنى معانا لحد ما تقرير الطب الشرعى يظهر
خلود: انا مقتلتهوش صدقنى انا ماليش دعوه ده انا بخاف ادبح فرخه هقتل بنأدم انا بخاف من منظر الدم اصلا
وكيل النيابه: دى حاجه ماليش دعوه بيها انا يهمنى الادله
عزمى: طب معلش ينفع حد من اللى بره يدخلها
وكيل النيابه: تمام بس هما خمس دقايق بس
طلع عزمى و قالهم لو حد عايز يدخل يشوفها و دخل سليم
خلود: بابا سليم متسبنيش انا مقتلتهوش صدقنى
سليم: مصدقك يا حبيبتى انتى هتطلعى من هنا و هاخدك و نسافر بره متقلقيش.
خلود: ياريت يا بابا ياريت
سليم: انا هسيبك دلوقتى و هجيلك بكره
خلود: ماشى
فى المستشفى
الدكاتره طلعوا يجروا على اوضة عبدالله لانهم سمعوا صوت صفاره جهاز القلب
فى الحلم
جميله: فوق يا عبدالله انقذ بنتنا مش هبقى انا و انت ارجع ليها ارجعلها
عبدالله: مش عارف فى حاجه بتسحبنى مش عارف افوق مش عارف
طفله صغيره جت عليهم
الطفله: جدو الحق ماما يا جدو فوق و الحقها ماما محتاجاك
عبدالله: انتى مين
الطفله: انا بنت خلود بنتك اصحى الحقها
عبدالله: بس انا مش عارف افوق
الطفله: تعالى معايا انا هخليك تفوق
عبدالله: هتوحشينى يا جميله
جميله: انا هكون معاك و حواليك على طول
و اختفى عبدالله و طفله
فى الواقع
القلب رجع تانى و عبدالله حرك ايده و بيفوق
الدكتور: استاذ عبدالله
عبدالله: ممممممم انا فين
الدكتور: حمدلله على سلامتك. انت فى المستشفى
عبدالله: الله يسلمك. فين اهلى
الدكتور: استريح دلوقتى و انا هتصل بيهم اخبرهم انك فوقت.
اتصل الدكتور بيهم و الكل جه
سميه: عبدالله وحشتنى حمدلله على سلامتك
عبدالله: الله يسلمك يا سميه
ليلى: حمدلله على سلامتك يا عبدالله قلقتنا عليك
عبدالله: الله يسلمك يا مرات اخويا
و الكل اطمن عليه
عبدالله: ياسين شوف انا هخرج امتى انا عايز اخرج
سميه: تخرج ايه دلوقتى خليك لحد ما نطمن عليك
عبدالله: لا انا لازم اخرج شوف الدكتور يا ياسين
ياسين: حاضر يا عمى
فى بيت سها
سها: اكيد انتوا مش هتسبوها تتحبس صح
حازم: هنعمل ايه يا سها احنا مستنين تقرير الطب الشرعى
سها: شوفوا نادر ده مات ازاى اسألوا صاحبه ادهم ده
اسر: كلام سها صح تعالى نروح نشوفه
حازم: يلا
عند قاسم
الشخص: خلود متهمه فى قضيه قتل يا باشا
قاسم: ايه ده ازاى و مين اللى مات
الشخص: نادر عيسى يا باشا
قاسم: و هى دلوقتى فى السجن يعنى
الشخص: ايوه يا باشا
قاسم: ابعتلى واحده تضربها علقة موت
الشخص: حاضر يا باشا
فى المستشفى
ياسين: عمى انا عايز اتكلم معاك فى حاجه
عبدالله: اتكلم
ياسين: جدى عايزنى اتجوز بنت احمد سليمان و انا مينفعش اتجوز
عبدالله: ليه مينفعش
ياسين: عشان انا متجوز
عبدالله: متجوز مين
ياسين: خلود اللى معانا فى الشركه و انا مش عايز اسيبها مينفعش اسيبها انا بحبها اه بينى و بينها مشاكل بس مينفعش اسيبها
عبدالله: مقولتليش من الاول ليه
ياسين: مش عارف. بس انت لازم تساعدنى
عبدالله: حاضر بكره لما اطلع هتكلم معاه
ياسين: ماشى
فى السجن
خلود قاعده فى زاويه بعيده عن الكل و ضمه ركبتها لحد صدرها و قاعده تعيط جت قعدت جمبها واحده
بنت سنها حوالى20: مالك بتعيطى ليه
خلود: عادى يعنى انتى مش شايفه انا قاعده فين و وسط ايه
البنت: شكلك بنت ناس و مش متعوده على دخول السجن
خلود: ايوه مش متعوده و بعدين انا بخاف من الضلمه دى
البنت: انتى جايه فى ايه
خلود: متهمه فى قضيه قتل
البنت: يلهوى انت شكلك مش بتاعت قتل
خلود: انا ماليش فى ده كله انا مظلومه
البنت: اهدى بس و ان شاء الله الحق هيظهر
ست كبيره جت عليهم: و انتى بقا يا حلوه جايه فى ايه
خلود خافت منها و قررت متردش
البت: يا ست هياتم سبيها فى حالها
هياتم: مالكيش دعوه انتى يا بت. ما تردى يا حلوه ولا لسانك القطه كلته
خلود: نعم حضرتك عايزه ايه
هياتم: هيهيهيهيه الحقوا يا نسوان دى بتقولى حضرتك ايه يا بت الاحترام ده امال لو مش كنتى جايه فى قضيه قتل
و بدأت تلمس خلود
خلود: لو سمحتى متلمسنيش و ابعدى عنى
هياتم: ايه يا بت مش عاجبك ايدى ولا اي
خلود بعصبيه: يا ستى مالكيش دعوه بيا و امشى من هنا
هياتم: ايه ده انتى بتزعقى طب تعالى بقا
و اتلم عليها نسوان السجن و فضلوا يضربوا لحد ما فقدت الوعى
البنت(منى): يلهوى حرام عليكى هى عملتلك ايه عشان تعملة فيها كده ابعدى عنها بقا
هياتم: بت يا منى مالكيش دعوه و عارفه لو سمعتك قولتى لحد هبهدلك فاهمه
منى فضلت تفوق فى خلود لحد ما فاقت و بقت تعيط و تخاف
عند نور
فضلت تتصل بخلود كتير لحد ما سها خدت بالها و ردت
سها: ايوه مين
نور: هو مش ده رقم خلود
سها: ايوه حضرتك مين
نور: انا نور آل قاسم اخت ياسين
سها: اه اهلا حضرتك عايزه ايه
نور: هى خلود مش موجوده
سها: لا للاسف مش موجوده
نور: هى فين
سها: خلود متهمه فى قضيه قتل و هى محبوس
نور: يلهوى ازاى ده حصل و مين
سها: حقيقه معرفش متهمه فى قتل نادر عيسى
نور: طب معلش ممكن تبقى تطمنينى
سها: ان شاء الله
طلعت نور تجرى راحت لياسين
نور: ياسين الحق
ياسين بخضه: فى ايه
نور: خلود متهمه فى قضيه قتل
#نهايه_الحلقه_الثانيه_والعشرون
#Rawan