فى المطار
حازم و اسر: ازيك يا عمو
سليم: انا تمام المهم خلود فين
حازم: محدش يعرف عنها حاجه و دوروا فى كل مكان نعرفه مش موجوده
سليم: طب حصل ايه خلاها تختفى كده
حازم حكى لسليم كل حاجه من بدايه جوازها من ياسين لحد ما اختفت
سليم: ازاى محدش يقولى على الجوازه دى ازاى تخبوا عليا كل ده ازاى
حازم: سها قالت انك نازل و انك لما تنزل هتقولك
سليم: لا و الله ماشى المهم دلوقتى انا عايز خلود دورولى على بنتى
اسر: انت بس روح استريح يا عمى و احنا هندور تانى
سليم: انا مش هستريح غير لما الاقى خلود
تليفون اسر رن
اسر: ايوه يابنى فى ايه
الشخص: اسر باشا فى حريق فى مصنع من مصانع شركات آل قاسم و الدنيا مقلوبه
اسر: ايه ازاى ده حصل
اسر: طيب طيب انا جى
حازم: حصل ايه يا اسر
اسر: مصنع من مصانع شركات آل قاسم اتحرق
حازم بصدمه: مش معقول
سليم: خلود ملهاش دعوه بالموضوع ده صح
حازم: معرفش
اسر: انا هروح اشوف فى ايه
سليم: ماشى ابقى طمني
فى مكان تانى
خلود بضحك: لا بجد برافو يا رجاله
الراجل الكبير بتاعهم: احنا تحت امرك يا ساره هانم
خلود(ساره): خد ده نصيبكوا من العمليه دى و بكره عايزه ٣ مصانع ليهم محروقين
الراجل: تمام يا هانم
عند ياسين
الدنيا مقلوبه بسبب حريق المصنع
قاسم بعصبيه: انا عايز اعرف ازاى المصنع يتحرق كنتوا فين يا بهايم
كبير الامن: يا قاسم باشا احنا كنا موجودين فى مكانه و منعرفش ايه اللى حصل
اسر: قاسم باشا مش باين ان الحريق من فعل فاعل
قاسم: امال اتحرق ازاى يا سياده النقيب
اسر: مكنه من المكن حصل فيها عطل اتحرقت حرقت المصنع
قاسم: هو كلام جميل و كل حاجه بس انا مش مصدق
اسر: ده اللى واضح عندنا يا قاسم باشا بس احنا بردو هنحقق و نشوف و نقول لاستاذ ياسين يعرفك
قاسم: تمام
و رجع ياسين و قاسم الفيلا
ليلى: حصل ايه يا عمى
قاسم: بيقولوا مكنه من المكن عطلت و هى اللى عملت كده
سميه: ما يمكن ده اللى حصل فعلا
قاسم: اه يمكن يمكن
ليلى: طب فى حد حصله حاجه
ياسين: لا يا ماما محدش حصله حاجه
ليلى: طب الحمدلله
سميه: ياسين عايزه اتكلم معاك شويه
ياسين: طبعا اتفضلى
سميه: معلش تعالى نروح الجنينه
ياسين: تمام
راحوا الجنينه
سميه: ياسين عمك بيجيلى على طول فى الحلم
ياسين: و فيها ايه
سميه: فيها انه كل شويه يقولى بنتى دوروا على بنتى
ياسين: و دى هندور عليها ازاى
سميه: حقيقه مش عارفه بس لازم ندور عليها
ياسين: تمام هشوف اسر و اقولك
سميه: تمام يا ياسين
عند سها فى البيت
سها: وحشتنى اوى يا دادى
سليم: انتى اكتر يا قلبى عامله ايه
سها: انا تمام بس خايفه جامد على خلود. خلود كانت غريبه اخر فتره يا بابا
سليم: متقلقيش يا حبيبتى ان شاء الله هتبقى بخير و هنلاقيه
حازم اتصل بآسر: ها يا اسر ايه حصل
اسر: الواضح ان مكنه حصل فيها العطل و اتحرقت بس مش عارف ليه حاسس ان خلود ليها يد
حازم: نفس الاحساس بس اتمنى ان يكون لا
اسر: عمو سليم عامل ايه
حازم: بيتكلم مع سها
اسر: تمام طمنه بقا
حازم: تمام.
عند قاسم
قاسم: ايوه يابنى فى جديد
الشخص: يا قاسم باشا خلود دى مش باينه خالص و محدش عارف هى فين حتى الناس اللى هى على طول معاها تحس انهم بيدوروا عليها
قاسم: يعنى ايه فص ملح و داب
الشخص: و الله يا باشا مش عارف حتى اليوم اللى اختفت فيه مظهرتش قدامى خالص
قاسم: ماشى لو وصلت لحاجه قولى
الشخص: تمام يا باشا
عند خلود
شالت الوش اللى هى لابساه عشان تخفى نفسها و غسلت وشها و قعدت على السرير
خلود: و بعدهالك يا خلود هتعملى ايه انا بقيت خايفه خايفه اوى من اللى هيحصلى انا مكنتش كده ايه حصلى ليه بعمل كده و اخرتى هتبقى ايه انا خايفه
خلود: لا لا لازم ابقى قويه هما ظلمونى و سبونى لوحدى ماما سبتنى و ادم سبنى و بابا ميعرفنيش اصلا و ياسين ظلمنى و عامل حاجه عمرى ما كنت اتوقعها منه و قاسم بيأذنى حتى و هو مش عارف انا مين انا لازم اخد حقى منه و من ياسين
خلود: بس انا خايفه خايفه اموت لوحدى و انا ماليش حد او اموت على ايد حد انا خايفه انا فى عالم ضلمه اوى عالم معرفهوش انا كنت صغيره و ماما سبتنى و بعدين دخلت العالم ده انا عايزه امشى منه عايزه امشى
و فضلت تكسر فى اى حاجه قدامها و بعدين قعدت تعيط لحد ما نامت من التعب
عند ادهم عثمان
حنين: يااااه يا ادهم مش مصدقه انك قعدت معانا كل الوقت ده
ادهم: وحشتينى انتى و العيال يا حنين و حبيت اقعد معاكوا
حنين: ما تفضل هنا معانا على طول
ادهم: و شغلى
حنين: بيع نصيبك و تعال افتح شركه هنا و نعيش كلنا مع بعض
ادهم: مش عارف بس هفكر فى الموضوع ده بس لازم اسافر اشوف الشغل
حنين: امتى
ادهم: بكره هسافر بكره
حنين: حنين تروح و تيجى بالسلامه
ادهم: يارب يا حبيبتى
عند سليم
سليم بتفكير: حازم هى شقه ادم القديمه لسه موجوده صح
حازم: ايوه يا عمى ليه
سليم: روحتوا شوفتوا خلود هناك ولا لا
حازم: لا لان خلود كانت اول ما بتروح هناك بتفضل تعيط جامد و تفتكر ادم و كانت بتتعب نفسيا
سليم: امممممممم طب لو معاك مفتاح الشقه انا عايزه
حازم: اهو يا عمى اتفضل
سليم: انا خارج عايز حاجه
حازم: لا شكرا بس حضرتك رايح فين
سليم: رايح اجيب خلود
عند خلود
صحيت من النوم على تخبيط على باب الشقه بس مكنتش قادره تقوم و بعدين لاقت الخبط هدى فتحت باب اوضتها وخرجت شافت حد قدامها
خلود: بابا سليم
#نهايه_الحلقه_التاسعه_عشر
#Rawan
أنت تقرأ
رغم انتقامى احببته
Romanceالانتقام لما بيكون اهم حاجه فى حياتنا بيعمى عيونا عن حاجات كتير حلوه فى حياتنا و اهم حاجه فيهم الحب. ممكن نحب بس لما الانتقام يعمى عيونا بنلاقى نفسنا مبنفكرش غير فى حاجه واحده بس و هى الانتقام و بنضيع حب الاشخاص لينا و بنضيع حياتنا و احنا بنجرى ورا...
