رغم انتقامى احببته

الحلقه السابعه عشر

خلود: بس اقولكوا حاجه انا بحبه ههههههههه
آسر: و ليه...
خلود: استنى استنى احكيلك اول لقاء بينا هههههههه شوفته قبل ما ادخل الشركه اعمل المقابله ساعتها خبط فيا اعتذرلى ساعتها بس انا سرحت فى جماله هههههههههه بس انا طبعا كنت بحب ادم و هنتجوز و مينفعش اصلا احب غيره لان ادم حبيبى زى ما هو حبيبى دلوقتى انا شايفه اهو قاعد وسطنا ههههههههههه المهم انى اتقبلت فى الشركه و كنت شغاله تحت ايد ياسين كان واضح اهتمامه بيا و كلامه معايا جميل خلانى اتشد ليه بس انا هكون مرات ادم مينفع اتشد او انجذب لا لا مينفعش و بعدين بعد كتب كتابى ادم مات و كسر قلبى ههههههههههههه و لاقيت ياسين قدامى بأهتمامه و حنيته بس انتقامى خلانى ارفض الحب ده هههههههههه بس قاسم ده هو السبب بس انا هدمره ههههههههههههههه
كل ده كان بعياط و ضحك من خلود و الكل بيبصلها و ساكت و بعدين هى راحت حضنت سها و نامت فى حضنها.
فى فيلا قاسم
قاسم بزعيق: يعنى ايه صفقه زى دى تروح مننا فهمنى
ياسين: معرفش يا جدى كل حاجه كانت ماشيه تمام و بعدين هما قالوا ان الناس بتوع الصفقه ياخدوا نص الارباح بس احنا عرفنا مين اللى بيسرب المعلومات
قاسم: و مين بقا ده ان شاء الله
ياسين: يسرى المحاسب
قاسم: اشك انه يعرف لعبه زى دى اصلا
ياسين: هيكون مين يعنى يا جدى و بعدين يسرى هو اللى قدم استقالته اول ما حس انه اتكشف
قاسم: مممممممم بردو مش حاسس انه يسرى
ياسين: هيكون مين يعنى يا جدى
قاسم بمكر: ليه مثلا متقولش ان خلود مدحت هى اللى عملت كده
ياسين: لا يا جدى مستحيل
قاسم: مستحيل ليه دى بنت من الشارع يطلع منها اي حاجه
ياسين: هو انت ليه شايف كل الناس اللى اقل منك فى الفلوس او اللى شغاله فى شركاتك او عندك ناس شغاله فى الشارع انت تفكير واصل لبعيد كده ليه خلود مهندسه شاطره و ممتازه فى شغلها جدا مش عشان اهلها ماتوا و هى عملت نفسها بنفسها تبقى من الشارع بالعكس انا بحترم الناس دى جدا و بعدين يا جدى نظرتك فى الناس دى وحشه كفايه ظلم فى الناس كفايه اللى عملته فى مرات عمى عبدالله و بنتها كفايه تفكير وحش ارحم نفسك و ارحم اللى حواليك
و مشى ياسين من غير ما يسمع رد منه و راح على شقته غير هدومه و نام
تانى يوم الصبح
صحيت خلود عندها صداع و مش فاكره اي حاجه سألت سها قالتلها انهم سهروا شويه و بعدين هى نامت قالتها ماشى و فطروا و بعدين خلود راحت شركه NAo ظبطت شغل ادهم و خلصته و جت عشان تمشى نادر نداها
خلود: ايوه يا مستر نادر فى حاجه
نادر: ينفع نطلع نتكلم فى كافيه على النيل شويه
خلود: ممممممم عادى
راحوا الكافيه و نادر شد ليها الكرسى عشان تقعد و كل ده و فى واحد مراقب خلود و بيصور كل حاجه
خلود: ميرسى يا مستر نادر بس ممكن اعرف حضرتك عايز ايه
نادر: قوليلى بس الاول تشربى ايه
خلود: ممكن عصير فراوله
نادر: لو سمحت واحد عصير فراوله و واحد قهوه
الجرسون: تمام يا فندم اي طلب تانى
نادر: لا شكرا
خلود: ايوه يا مستر نادر انا سمعاك
نادر: بس يا خلود من غير لف ولا دوران انا بحبك
خلود: افندم مش فاهمه بتحبنى ازاى
نادر: بحبك زى اى واحد ما بيحب واحده
خلود: للاسف يا مستر بس انا مبحبكش ولا ليه فى موضوع الارتباط ده
نادر و هو بيمسك ايديها: اسمعينى بس يا خلود
خلود بتشد ايدها من ايده: يا مستر قولت لحضرتك مينفعش
نادر: هديكى اللى انتى عايزه و وافقى
خلود: افندم انت بتقول ايه هو حضرتك فكرنى ايه لا اصحى و فوق لنفسك انا خلود مش واحده تعرفها من الشارع
نادر: لو مرتبطيش بيا و نفذتى كل حاجه بقولها ليكى كل اتفقنا هقوله لياسين و هعرفه انتى مين
خلود: اعلى ما فى خيل حضرتك اعمله انا مبتهددتش
نادر: ماشى يا خلود
خلود بأبتسامه مستفزه: ماشى
و سبته و مشيت راحت على شركه آل قاسم
فى شركه آل قاسم
ياسين لسكرتيره: ناديلى مهندسه خلود
السكرتيره: لسه مجتش يا فندم
ياسين اول ما تيجى خليها تجيلى
السكرتيره: تمام يا فندم
شويه و خلود وصلت و السكرتيره قالتلها ان ياسين عايزها
خلود خبطت و دخلت: ايوه يا حبيبى فى حاجه
ياسين: وحشتينى يا خلود
خلود بأبتسامه: انت اكتر على فكره
ياسين: هتيجى معايا بيتنا النهارده صح
خلود: اكيد يا حبيبى انا هخلص الشغل و اروح على البيت و انت تعالى ورايا
ياسين: خلاص تمام
خلود: يلا باى
خلود قررت تاخد خطوه فى علاقتها مع ياسين و تديله فرصه لانها بتحبه هى لو هتكدب على كل اللى حواليها مش هتكدب على نفسها هى حبت ياسين من اول يوم شافته فيه بس هى كانت مخطوبه لادم و مينفعش تحب ولا تبص لغيره و بعدين فكرت و عرفت ان ياسين مالهوش علاقه ولا ذنب باللى حصلهم زمان.
روحت البيت و ظبطت الدنيا عملت اكل و ولعت شمع و خلت الجو رومانسى جدا و لبست فستان قصير و فردت شعرها و استنت ياسين
ياسين خرج من الشركه و ركب عربيته لاقى ظرف فتحه لاقى فيه صور لخلود مع نادر ساق عربيته بأقصى سرعته و راح البيت
فتح الباب لاقى الدنيا ضلمه فتح النور و دخل ملاقش حد بس فى شمع قيد سرح شويه و فرح و بعدين افتكر الصور
ياسين بأعلى صوته: خلوووووود انتى فين
خلود بأبتسامه و حب: حبيبى انت جيت
ياسين: ايه ده؟!
و رمى الصور فى وشها
#نهايه_الحلقه_السابعه_عشر
#Rawan