رغم انتقامى احببته

الحلقه التاسعه

ادهم بأبتسامه و بصة ثقه لنادر: شروط ايه يا مهندسه خلود
خلود بأبتسامه ثقه: 1- عايزه اعرف مكان الداده هى اسمها ايه صح ؟!
نادر: داده مديحه بس ليه
خلود: عايزه اوصلها قبل ما حد منهم يوصلها عشان متقولش لحد مكانى
نادر: تمام و ايه تانى
خلود: 2- الاسهم اللى تكون ليا فى الشركه تبقى 20%
3- انا ليا محاسب شغال معايا لو حد كشفه هيجى يشتغل معاكوا
4- اي حاجه هقولها هتتعمل و ايه طلب هطلبه هيتوافق عليه
5- محدش يعرف انى شغاله معاكوا و كل ده يبقى سر بينا
6- يوم ما اقول انى منسحبه هنسحب و من غير كلام
نادر: مش شايفه ان شروطتك كتير اوى
خلود بثقه: لا خالص دى بسيطه جدا
ادهم: بس
نادر: تمام موافقين
خلود: تمام انا عايزه اروح عند الداده
نادر: تمام اتفضلى معانا
فى مكان فى حاره شعبيه
الباب خبط
داده مديحه: اهلا مهندس نادر اهلا مهندس ادهم
الاتنين فى صوت واحد: اهلا بيكى. نحب نعرفك بخلود بنت حياه
داده مديحه: اهلا يا بنتى حياه عامله ايه
خلود بنبره حزن: الله يرحمه
داده مديحه: لا اله الا الله ماتت امتى و ازاى
خلود: من ست سنين كان عندها كانسر و المفروض كانت تعمل عمليه بس مكنش معانا فلوس
داده مديحه: ربنا يرحمها و يغفرلها كانت طيبه و غلبانه جدك ظلمها و ظلم ابوكى و ظلمها اكتر لما ابوكى مات و طردها
خلود: لا ما هو طلع ممتش و متفق معاهم المهم يا داده ممكن اطلب منك خدمه
داده مديحه: نعم ممتش ازاى خدمه ايه يا بنتى
خلود: ممكن متقوليش لحد مكانى انا و امى الله يرحمها و لو حد سألك علينا اصلا تنكرى انك تعرفى حاجه عننا
داده مديحه: بصى يا بنتى امك زمان واثقت فيا لما جتلى و انا مقولتش لحد مكانوا و لما استاذ نادر و استاذ ادهم قالوا انهم عايزينك تشتغلى معاهم و انهم هيساعدوكى عشان كده قولتلهم
خلود: عارفه يا داده بس ياريت اي حد من عيله آل قاسم يسأل عليا انكرى وجودى ممكن
داده مديحه: حاضر يا بنتى اللى انتى عايزه
خلود: تمام شكرا يا داده عن اذنك
بالليل كانت خلود قالت لسها و حازم على كتب الكتاب و كانوا معاها و ياسين و مامته جم بالمأذون و انكتب كتابهم و ياسين خد خلود و راحوا شقتهم و خلود اتفرجت على الشقه
ياسين: ايه رأيك فى الشقه يا قلبى
خلود: جميله اوى يا حبيبى بجد زوقك جميل اوى
ياسين: بجد مبسوط انها عجبتك
خلود بدلع: حبيبى ممكن اطلب طلب منك
ياسين: طبعا يا عمر ياسين
خلود: ممكن يعنى منكملش جوزنا دلوقتى
ياسين: ليه يا قلبى
خلود: على ما تظبط الامور مع جدك و كده و بعدين افرض حملت ولا حاجه
ياسين: عادى انتى مراتى و هى بنتى
خلود بدلع: بليز يا ياسين مش عايزه ابهدلها معايا ممكن
ياسين: خلاص اللى تشوفيه يا خلود بس انتى هتقعدى و انا هبقى اجى اقعد معاكى تمام
خلود: تمام. بس هو انت ليه بتوافقنى على كل حاجه كده
ياسين: بصى يا خلود انا اول ما شوفتك حبيتك انتى اول حب فى حياتى و اكيد مش هبقى حابب اخسرك عشان كده مش بحب ارفضلك طلب
خلود بحزن بتحاول تداريه: لدرجادى
ياسين: طبعا امال و يلا غيرى هدوم و انا كمان هغير و تعالى نتفرج على التليفزيون
خلود: تمام
فى فيلا آل قاسم
قاسم: كنتى فين يا ليلى
ليلى: كنت عند الكوافير مع صاحبتى يا عمى فى حاجه
قاسم: لا بس استغربت طلوعك من غير ما اعرف
ليلى: حضرتك مكنتش موجود عشان اقولك
قاسم: متحصلش بعد كده مفهوم
ليلى: حاضر يا عمى
و طلعت اوضتها تليفونها رن
ليلى: وحشتينى يا نور
نور: و انتى كمان و الله يا ماما اخبارك ايه و ياسين عامل ايه
ليلى: كويسين يا حبيبتى. ياسين اتجوز
نور: بجد يا ماما مين و ليه محدش قالى عشان انزل
ليلى: اتجوز من ورا جدك
نور: هو جدى مكنش موافق
ليلى: اكيد جدك كل همه الفلوس و الجاه و بس مش يهمه الشخص ده بيحب ولا لا
نور: عارفه يا ماما بس كده غلط العروسه ايه ذنبها افرضى حملت هيبقى ايه الوضع
ليلى: معرفش يا بنتى بس انا مكنتش عايزه اكسر فرحة اخوكى
نور: خلاص يا ماما اهم حاجه انه فرحانه و مبسوط صح بقولك
ليلى: قولى يا قلبى
نور: انا نازله كمان شهرين حاتم عايزنا ننزل نقعد فى مصر شويه
ليلى بفرحه: بجد يا بنتى
نور: اه و الله يا ماما
ليلى: تيجى بالسلامه يا قلبى. عمك عبدالله كمان نزل
نور: بجد و الله كان واحشنى جدا
ليلى: اديكى هتشوفيه هو نزل نهائى
نور: ماشى يا ماما انا هقفل دلوقتى عشان اعشى العيال
ليلى: ماشى يا حبيبتى سلام
عند عبدالله و سميه
سميه: عبدالله فكرت هتعمل ايه فى موضوع مراتك و بنتك
عبدالله بسرحان: حقيقه معرفش يا جميله
سميه: لا انا سميه مش جميله يا عبدالله
عبدالله: انا اسف بس انا الايام دى متلغبط
سميه: ولا يهمك انا هقوم انام
عبدالله: سميه متزعليش
بعد ما سميه خرجت عبدالله خدت عربيته و راح شقته هو و حياه
عوده الى الماضى
جميله: ليه سبتهم و جتلى يا عبدالله
عبدالله: مكنش ينفع اسيبك و انا بحبك مش هعرف اعيش من غيرك
جميله: بس انت كده هتخسر عيلتك
عبدالله: بعدين هيفهموا و هيسامحونى
بعد فتره
جميله: عبدالله انا حامل
عبدالله: بجد الحمدلله. انتى دلوقتى تستريحى و انا هعمل كل حاجه فى البيت
جميله: لدرجادى فرحان
عبدالله: طبعا لان هيكون ليا حته منك
جميله: انا بحبك اوى يا عبدالله
عبدالله و انا بعشقك يا قلب عبدالله
بعد 9 شهور ولدت حياه
جميله بفرحه: شوفت جميله ازاى يا عبدالله
عبدالله بفرحه: اوى يا حياه نسخه منك
جميله: فيها شبه منك انت كمان. بس صح هتسميها ايه
عبدالله: هسميها خلود
بعد 8 سنين
عبدالله بيفوق من الغيبوبه: حياه خلود انتوا فين
قاسم: عامله ايه يا عبدالله
عبدالله: بابا حياه و بنتى فين
قاسم بحزن مصطنع: ماتوا
عبدالله بصدمه: ايه ماتوا ازاى
#نهايه_الحلقه_التاسعه
#Rawan