رغم انتقامى احببته

الحلقه الثالثه و العشرون

نور: متهمه فى قضيه قتل
ياسين: ايه ازاى و امتى ده حصل
نور: مش عارفه كل اللى اعرفه امها متهمه فى قتل نادر عيسى
ياسين: طب انا هشوفها فين و اروحلها
اتصل بآسر
اسر: ايه يا ياسين فى ايه
ياسين: انت ازاى متقوليش ان خلود متهمه فى قضيه قتل
اسر: و ده يهمك فى ايه يعنى
ياسين: اسر متعصبنيش قولى هى فى قسم ايه
اسر: قسم مصر الجديدة و يلا سلام
عند اسر
حازم: و هو ماله بيها ده
اسر: معرفش بس تعالى نشوف ادهم ده
ادهم: ايوه اتفضلوا
حازم: انا زميل خلود اللى كنت قاعد لما جيتوا ليها
ادهم: اه فكرك اهلا بيك
اسر: هو نادر ده مات ازاى بالظبط و ايه علاقته ممكن تحكلنا
ادهم: ايوه طبعا. بس نادر صاحبى من ايام الكليه و عملنا الشركه دى مع بعض لحد ما بقت من الشركات الكبيره فى السوق. بس هو كان على طول بيحكيلى على مشاكل اهلى و كده و بقا يكره حاجه اسمها ستات لان امه سابتهم و هربت و ابوه صمم يجوزه مها من عيله فى الصعيد و الصراحه بهدل البت معاه و خلاها تمضى على ورق عشان لما يضربها او يعمل فيها حاجه متنطقش و بقا كل شويه مع واحده شكل ياخد غرضه منها و يرميها. اما انه مات ازاى هو مات بسكينه فى رقبته
اسر: طب انت متشكش فى حد
ادهم: لو هشك يبقى هشك فى مراته لانها مختفيه من ساعة قتله اما بالنسبه لخلود معتقدش هو كان عايز يلعب بيها و قالها انه بيحبها بس هى رفضته
حازم: تمام شكرا يا ادهم. ممكن تشهد بكده
ادهم: على ايه مفيش حاجه. اه طبعا عادى
روحوا و حكوا لسليم كل حاجه و اتصلوا بالمحامى قالوله و الكل نام
تانى يوم الصبح
ياسين راح لخلود القسم بس هى رفضت تقابله و مشى
و راح المحامى و سليم القسم
عزمى: يا باشا مرات القتيل مختفيه من ساعه خبر موته و كمان عرفت انه كان بتاع ستات يعنى كان كل يوم مع واحده و موكلتى اعترفت باللى حصل معاها و انها ضربته على رأسه و سبته و هو كان فى الروح
وكيل النيابه: حوار ان مراته مختفيه ده صح و احنا بندور عليها اما موكلتك فانا كنت مستنى تقرير الطب الشرعى و لسه جى اهو استنى افتحه. فتحوا التقرير و طلع ان نادر مات بسبب طعنه السكينه و ليس لضربه الرأس سبب فى موته.
وكيل النيابه: موكلتك بريئه يا عزمى باشا دلوقتى هجيبها تمضى على الاوراق دى و تطلع على طول .
شويه و خلود جت اول ما شافت سليم جريت عليه
خلود بعياط: شوفت عملوا فيا ايه يا بابا
سليم: مين عمل فيكى كده
خلود بعياط: واحده جمعت الناس اللى فى القسم و ضربتنى
سليم: معلش يا قلبى اديكى هتطلعى اهو
و عملوا الاجراءات و طلعت خلود
فى فيلا آل قاسم
الكل كان متجمع عشان خروج عبدالله
قاسم: الكل يجهز نفسه عشان على الساعه 8 هنروح لاحمد سليمان
عبدالله: بس ياسين مش عايز يتجوز بنته يا بابا
قاسم: و انا اتفقت مع الراجل ايه كلامى هينزل الارض يعنى
عبدالله: ما هو مش حضرتك اللى هتجوز اللى هيتجوز ياسين و هو مش عايز نرمين دى
قاسم: ميخصنيش انا اديت للراجل كلمه و هما مستنينه
عبدالله: حقيقه انا مش عارف امتى هتتغير و تفكر كويس و تسيب كل شخص فينا يختار حياته
سميه: ممكن انت بس تاخد بالك من نفسك و تطلع اوضتك تستريح فيها
عبدالله: ماشى
عند ليلى
سميه راحتلها هى و نور
نور: مش خلود متهمه فى قضيه قتل
ليلى: ايه ازاى و مين
نور: اللى عرفته متهمه فى قضيه قتل نادر عيسى
ليلى: لا اله الا الله لا اله الا الله البت دى ميبنش عليها كده اكيد فى حاجه غلط مستحيل تعمل كده
سميه: الكام مره اللى شوفتها فيهم حسيت انه طيبه و كويسه بس جواه عينيها وجع و حزن كبير اوى
نور: انا اللى عرفته من صاحبتها قولته استنوا اتصل اسألها اي الجديد
اتصلت نور و سها ردت
سها: ايوه ازيك
نور: انا تمام و انتى
سها: تمام الحمدلله
نور: هى خلود عملت ايه
سها: الحمدلله طلعت براءه
نور: بجد طب الحمدالله ابقى خليها تكلمنى بقا
سها: ان شاء الله
ليلى: ها يا نور حصل ايه
نور: الحمدلله يا ماما طلعت براءه
سميه و ليلى: الحمدلله
سميه: هتقولى لعبدالله امتى يا ليلى
ليلى: مش عارفه يلا نجهز نفسنا عشان مشوار بالليل
عند خلود
اول ما وصلت سها خدتها بالحضن و فضلت تتكلم معاها شويه و حازم و اسر اطمنوا عليها و دخلت خدت دوش و بعدين قعدت هى و سها مع بعض
سها: مش نور اخت ياسين اتصلت بيكى
خلود: ليه عايزه ايه
سها: كانت بتسأل عليكى و لما عرفت انك متهمه فى قضيه قتل زعلت اوى و لسه قافله معايا من شويه
خلود: عشان كده اخوها المحروس كان جى يشوفنى. و بعدين مش اخوها هيخطب عايزه ايه منى
سها: ايه هيخطب مين و انتى هتسكتى
خلود: بنت احمد سليمان. هعمل ايه يعنى هو حر
سها: مش بتحبيه يا خلود
خلود: لا مش بحبه
سها: خلود مش هنكدب على بعض انتى بتحبيه و بعدين قبل ما تختفى اعترفتى انك بتحبيه
خلود: نعم امتى ده
سها وريتها الفيديو و خلود انصدمت من الكلام اللى كانت بتقوله
خلود: انتوا ازاى تعملوا كده
سها: كنا عايزين نتأكد من حبك ليه
خلود بعصبيه: اه يا ستى بحبه بس مبقاش ليه لازمه الكلام ده هو بيشك فيا و شايفنى انى واحده من الشارع و فى الاخر رايح يخطب
سها: طب اهدى طب العصبيه غلط عليكى ربنا يقدم اللى فيه الخير و يظهر الحقيقه
خلود: انا عايزه انام ممكن
سها: ممكن
و سابتها و خرجت تعمل اكل
سليم: سها خلود فين
سها: قالت انها هتنام يا بابا
سليم: طيب يا حبيبتى. انتى عامله ايه مش ناويه تفرحينى بقا انتى و حازم
سها: و الله يا بابا كنا مقررين نقول لحضرتك الايام دى بس اللى حصل خلانا نأجل اي حاجه
سليم: نطمن على خلود بس و اعملكوا فرح كبير
سها: حبيبى يا بابا ربنا يخليك ليا
سليم: و يخليكى ليا يارب
عند ياسين
جت الساعه 8 و الكل جهز نفسه عشان الخطوبه و الكل ركب عربياته و راح
احمد سليمان: اهلا اهلا بقاسم بيه و العائله الكريمه ازيك يا ياسين ازيك يا عبدالله
ياسين: الحمدلله انا تمام
عبدالله: اهلا احمد باشا
احمد سليمان: اتفضلوا اقعدوا
الكل قعد و اتفتح مواضيع كتير
قاسم: امال فين عروستنا
احمد: نازله اهى
و نزلت العروسه و طلب ياسين يتكلم معاها لوحدهم
ياسين: ازيك يا نرمين
نرمين: تمام و انت
ياسين: تمام. نرمين هو انتى عايزانى
نرمين: بصراحه لا انا بحب واحد و عايزاه بس بابا قالى انه مينفعش يرفض طلب لجدك و انت بقا عايزنى ولا جى عشان جدك
ياسين: الصراحه عشان جدى. بس حبيت اعرف رأيك و لو كده انا هرفض و انت كمان ترفضى معايا
نرمين: ازاى
ياسين: بصى يا ستى هندخل جوه و نقولهم اننا متفهمناش مع بعض و اننا مينفعش لبعض
نرمين: تمام بس انا خايفه
ياسين: متخافيش
عند خلود
خلود لنفسها: مبسوطه من كل اللى حصلك ده دخلت قسم و اتسجنتى و اللى حاول يتهجم عليكى و التانى اللى خلاكى حامل و راح يخطب مبسوطه من اللى بيحصلك مبسوطه و انتى شايفه واحد بيشفق عليكى و بهدلتيه معاكى مبسوطه بحياتك اللى مالكيش فيها حد زمان كانوا بيقولوا عليكى بنت حرام بس كان ليكى ام بتفهمك الحقيقه اما دلوقتى مالكيش حد
خلود بعياط: انا عايزه ارتاح من كل ده انا بكرهه الحياه دى و بكرهه كل حاجه فيها
قامت خدت سكينه و قطعت بيها شراينها
عبدالله قلبه انقبض و اكن روحه بتنسحب منه
#نهايه_الحلقه_الثالثه_والعشرون
#Rawan