صحيت من النوم و ولاء بتضرب فيني يا وئام قومي اصحي يا وئام قومي الوقت اتاخر الساعه 7 ونص يا بت قومي.
شنو سبعه و نص😱 سجمي وب علي طوالي جريت على الحمام و استحميت و خشيت لي في بنطلون و بلوزه و لفحتا العباية و الطرحة و شلت شنطتي و شلت مفتاح العربية و بقيت ماشه و بفكر كيف شالتني النومه و المنبه لي ما رن عاينت للتلفون لقيت نفسي عاملاو 6 مساء ي ربي انا ليه غبيه كده🤔.
المهم يخوانا اعرفكم علي انا وئام عمري 19 سنه تانيه جامعة الخرطوم بقرا طب اسنان م تسالوني كيف خشيت طب أسنان الخرطوم بغبائي ده من الله بس يخوانا الله كريم بس😂.
عندي اختي ولاء دي متزوجة و عندها طفلين ريل و احمد ديل عذاب عذاب بس والله عاملين جو حلو في بيتنا و هي عايشة في السعودية بس الايام دي جات تقعد معانا و تعمل لينا وجع وش 🤣.
و عندنا وعد دي اخر العنقود دي اختي يلا بتقرا في الثانوي ممتحنه تالت دي بت ذكيه ماشاءالله و عكسي تماماً عاقلة و بتفهم تقول اكبر مني😂😂😂😂💔.
امي نبع الحنان البحبها اسمها ناديه احلى ام في الدنيا هي😢❤❤.
و ابوي سندي فيصل هو المعيشنا الحياة الحلوه دي و م مقصر معانا كلو كلو ربنا يحفظكم لينا يا رب❤.
نجي لشلة جامعتي و صحباتي البحبهم😂❤.
عندي شهد دي طبيعي في بيتنا عاملة لي وجع وش ياخ بتجي بدون سبب ممكن اصحى القاها بتستحمى في حمامي، وحدة كده م عندها زوق و مجنونه زي واحد كده بس برضو بحبها ياخ 😂😂❤.
نجي لي زينب دي اشطر وحدة فينا 😉❤هي الوحيده البتفهم فينا و وقت زنقة الامتحانات هي البتنقذنا و بتفهمنا لو م هي زمان كان خلينا القرايه و عرسونا الله يخليك لينا بس ي زنوبه😂😂❤.
نجي للخوافه و البكايه رهام انا م لاقاني بت بتبكي اكتر منها في اي شي بتبكي لو زول مات في مسلسل بتضرب لي و تتبكى التقول مات حبيبها ياخ م معقوله معاك 😂❤ بس والله انسانه طيبه شديد ❤.
ديل بس صحباتي البحبهم و م بقدر استغنى عنهم😢❤.
نرجع لي قصتنا المهم كرهت غبائي و بقيت مفحطه عشان اصل الجامعه قبل م المحاضره تبدأ المحاضره الساعه 8 كانت عاينت للساعه لقيتا 7:55 و قلت الليله سجمك يا وئام طوالي ضربت لي شهد رديت و فتحت الاسبيكر قلت ليها في شنو انا براي ح اموت لو م وصلت قالت لي سرعي ي بت المحاضره ح تبدا اسي و انتي عارفه الدكتور ثقيل كيف و دمو بارد و كل مره ماخده معاو موقف قلت ليها انتي لو سكتي اصلا انا بصل بس اقفلي و اقطعي وشك مني🤣🤣 قفلت الرمه و بقيت جاريه ب أقصى سرعه وصلت عاينت للساعه لقيتها 8:3 بقيت جاريه على القاعه و شفت الدكتور عايز يخت رجلو في القاعه و جا شاب كده كورك ليو ي دكتور و بقو بسلمو ع بعض و بتاع انا طوالي اتسحبت و خشيت القاعه بدون م يلاحظ لي و قعدت مع ناس شهد قالو لي حظك ي معفنه 🤣🤣.
سلمت عليهم و بقينا نتونس جا خاشي الدكتور العارض ده و بقى يتكلم ساعتين و انا م عارفاو بقول ف شنو شردتا قرصتني شهد قالت لي ارح ليدو قلت ليها ارح فتحت تلفونها و لعبنا 😂😂😂😂😂 و زينب تشيل و تحمر لينا و رهام في سابع نومه 😂😂😂. المحاضره عدت على خير و مشينا على الطقه انا كنت جعانه شديد اشتريت عيشتين و شيبس و كولا و صحباتي حارقهم كيف اشتري ده كلو🤣 ي بنات والله م اكلت شي من الصباح م تعاينو لي كده اكلنا و اتونسنا و ضحكنا انا م عارفه الجامعه دي عملوها للقرايه و لا للونسه و الضحك😂😂😂.
المهم خشينا المحاضره البعديها و خلصناها كالعاده ماف زول فهم شي غير زينب 😂😂.
بقينا مارقين زينب بجي يسوقها اخوها السمح قصي 🙈❤و رهام مشتركه في ترحيل كده مع بنات وهميات 🙄و شهد دي بتجي مع اختها الكبيره شيماء بتوصلها الجامعه و من هناك بتمشي شغلها 🌚.
زينب جا اخوها قصي لقانا قاعدين عند ست الشاي سلم علينا و كده
م يفوتكم قصي ده مكمل السماحه🙈❤
طويل شوي و اسمراني و معضل و فيو حلات دقن التقول مسطرو ب مسطره ماشاءالله و فيو ابتسامه توقعك في الارض واي بس 🙈😂❤ لكن محترم شديد و ماشاءالله عليو يعني. سلم علينا و بقو مارقين و كالعاده بعد م مشو انا و شهد و رهام انبرشنا😂😂 قلت ليهم بطلو قلة ادب خلاص يلا ي رهام اتلمي ترحيلك جا، رهام لمت نفسها و مشت😂😂.
شهد قالت لي وئام عايزه اقول ليك شي بس م تهيجي 🌚 قلت ليها احكي خير ف شنو قالت لي ماشه معاك البيت 🙄 قلت ليها م ممكن عملتي لي وجع وش و هدومي دي م خليتي فيها شي، لبستيها كلها قالت لي معليش يلا ارح اركبي نمشي 😂😂😂.
ركبنا العربيه و داك ي الغنا و الرقيص و الشارع كلو بعاين لينا 😂😂😂❤. وصلنا البيت وققنا الاغاني قلنا خلاص نحترم نفسنا خشينا لقيت امي و ولاء بعملو ف الأكل ريل و احمد جو جارين علي حبايبي انا😢❤ اديتهم الحلويات البجيبها ليهم كل يوم و التفت لقيت شهد بتكابس في المطبخ في الأكل قلت ليها م ممكن معاك هدومك م غيرتيها عايزه تتحشي طوالي امي قالت لي احترمي نفسك ي وئام شهوده دي بتي قلت ليها و انا شنو يعني اللحظه ديك شهد عاشت دور البت البريئه 😂😂😂.
قلت ليها عايني م تعيشي الدور و ارح فوق نستحمى و اديك هدوم تلبسيها لاخر مره في حياتك 🙄.
طلعنا استحمينا و غيرنا لقينا
يتبع.....
