وصلت الجامعه و لقيت رهام قاعده سلمت عليها و قعدتا حكيت ليها الولد 🤣🤣 قالت لي النعامه؟؟ قلت ليها ايي ياخ اسمو عمار ي غبيه😂😂.
جات شهد و زينب ف نفس الوقت حكيت ليهم شهد قالت لي شكلو بحبك 😂😂.
حبك برص ياخ اسكتي.
قالت لي لكن هو شكلو م بقرا هنا بحس بيو كبير قلت ليها بنعرفو بنعرفو ان شاء الله بنجيب زيتو بعد كم يوم🤣.
خشينا المحاضره و مرت ع خير و طلعنا نمشي ناكل شهد و وزينب قعدو و ادونا القروش انا و رهام نمشي نجيب ليهم الاكل خشينا الكافتريا، اديت الراجل القروش و قلت ليو الحاجات العايزاها و مستنيه يرجع لي الباقي اللي هي عشره جنيه قال لي ي بتي ماف فكه والله هاك العشرين دي فكوها انتي و هو قلت ليو منو؟ قال لي ده اشر لي ع ولد واقف جمبي كان، عاينت ليو كده لقيتو عمار 🙆🏻.
قال لي شيليها انتي العشرين م عايز انا قلت ليو لا شكرا ختيت ليو العشرين و مشيت، رهام قالت لي انتي عويره كان تشيليها🤣🤣.
قلت ليها اعمل بيها شنو م عايزه قعدنا ف مكانا و حكيت ل شهد و زينب😂😂 قالو لي غبيه انتي ياخ شهد قالت لي والله الود ده.. . فجاه سكتت قلت ليها مالك سكتي اصلا الود ده مستفز شديد و انا جنو ده بطيرو ليو من راسو قالت لي اسكتي قلت ليها اسكت ليه انتي كمان بتدافعي ليو؟؟؟ ي بت هي بقوم ادقك انتي و هو اسي قالت لي خلاص دقيهو اصلا واقف ب وراك، قلت ليها شنو؟ 😐
عاينت وراي لقيتو واقف وراي قال لي حرام عليك تدقيني ليه و انا كنت جايب ليك ب العشره جنيه حقتك حلاوه مصاصه و لبان ي بتاعت النعامه انتي! 😔
قلت ليو شايفني شافعه؟ قال لي كونو زول يقول انو النعامه بتاكل ليها زول ح يكون زول كبير و واعي يعني اكيد ح يكون شافع و م فاهم شي عشان كده اقبلي مني الحلويات دي ي عسل، قلت ليو انا ممكن عادي ف الوقت ده اطلع جزمتي و اخبطك بيها ف راسك ده🙂.
قال لي معليش هاك و ختا لي الحلويات ف شنطتي و مشا🤣🤣.
طبعا غاظني شدديد و صحباتي م عايزين يوقفو ضحك 😂😭😂.
خشينا المحاضره البعدها و بعديها طلعنا، رهام عندها بت خالتها بتقرا معانا خريجة لكن اسمها مناسك، قالت عايزه تمشي معانا السوق تشتري حاجات خلصنا قبلها وبقينا منتظرين تتطلع لينا كنا ف الموقف و قاعدين في العربيه فجاه ف زول دقا بوري بقينا نعاين رهام قالت لي ف عربية وراك عاينت ف المرايه عرفتو ده عمار م اشتغلت بيو بقيت منتظرة مناسك، مناسك جات ركبت ف نفس الوقت جا عمار دقا لي القزاز بتاع العربيه فتحت ليو و قلت ليو نعمم ف شنو؟؟
قال لي ههه بتحاكيني يعني قلت ليو تخيل اي! 😏
قال لي افتحي الشارع لو سمحتي قلت ليو لو بتعرف تسوق كان طلعتها بدون م انا افتح ليك ي غبي!
قال لي كده يعني صح قلت ليو اي مشا ركب عربيتو و طلعها و فحط و مشا، مستفز شديد🙄.
مناسك سلمت علينا، قالت لي بتعرفي الولد ده من وين ي بت 🤣.
قلت ليها م بعرفو..
قالت لي الود ده
يتبع.....
