قفلت من عمار و مشيت خشيت استحمى و لبست و لقيتهم كلهم لابسين مشينا كلنا الا ابوي و وعد لانو امتحانتها بعد بكره، طلعنا انا و امي و ولاء و أولادها وصلنا بيت ناس شهد و سلمنا عليهم كلهم و باركنا ليهم وشلت البيبي كانت حلوه شديد 😢❤❤❤❤، شهد قالت لي شكلك عايزه زيها قلت ليها اتلمي 🤣. قالت لي والله مشتاقين قلت ليها بالاكتر والله ي جزمه 😢❤. قالت لي ارح نتونس فوق طلعنا غرفتها حكيت ليها ب موضوع علاء انصدمت شديد طبعا و قالت لي لو عمل كده انتي اتكلمي مع ابوك وقولي ليو انو عايزه تكملي قرايتك و ابوك م اظن ح يقول ليك لا، قلت ليها أن شاء الله قالت لي عمار كيف؟ قلت ليها كويس والله مشغول بس ف عيادتو قالت لي، اضربي ل زينب ورهام شوفيهم وين ضربنا لي زينب قالت هي قربت اطلعو لي بره لانو نست البيت ب وين🤣 طلعنا ليها انا و شهد جابها قصي السمح🤣 سلمنا عليها بالاحضان كنا مشتاقين ليها شديد😢❤، قصي سلم علينا و مشى، خشينا جوه و استنينا رهام جات و الشله اكتملت 🤣❤. والله كنت مشتاقه نتلما مع بعض ياخ😢❤، خشينا جوه اتونسنا شوي و بعدها اشتغلنا مع شهد ضيفنا الناس و كده، و اتغدينا و عمار ضرب لي مشيت بعيد من الناس، قال لي مشتاق ليك ياخ قلت ليو كتير والله قلت ليو انا عند ناس شهد! قال م بتقدري تتطلعي اجي اسوقك؟ قلت ليو طيب بحاول قال لي لمن تعرفي اضربي لي، مشيت كلمت ناس شهد قلت ليهم انا ماشه ل عمار جايني بره و بجيكم، مشيت كلمت امي قالت لي تمام م تتاخري قلت ليها حاضر، ضربت ليو وصفت ليو البيت جاني، ركبت العربيه قال لي والله اشتقت ل خلقتك دي🙈❤، قال لي م اشتقتي ل للبيت الكنت بشرح ليك فيو قلت ليو ليه؟ قال ل نمشي؟ اصلا هو قريب قلت ليو طيب، قلت ليو ناس مناسك قاعدين هناك صح؟ قالو لي ايي بخططو للتخريج بتاعهم قرب، لكنن م ح نقعد معاهم ح نمشي فوق برانا، قلت ليهو طيب، وصلنا البيت سلمت عليهم و قلت لي مناسك مشتاقين والله قالت لي بالاكتر والله كيفك قلت ليها كويسه والله وانتي؟ قالت لي والله تمام ياهو بنجهز للتخريج قلت ليها حظكم والله. ح ترتاحو😪، عمار قال لينا هوي خلاص خليها بعد ده انا م جبتك ليها🤣، ساقني فوق و قلت ليو اها🌚 قال م اها ولا شي مشتاقه ليك انا قام حضني🙈❤ قلت ليهو عمار بتعمل ف شنو؟ فكني قال لي م بقدر انا مشتاق ليك، قلت ليو انا قدامك خلاص فكني قال لي، متين ح تخلصي جامعه و اجي اتقدم ليك؟ 😢❤ قلت ليو
يتبع.....
