طوالي ضربت لي شهد قلت ليها في شنوو؟؟؟ سامعه صوت بكا قلت ليها شهددد فييي شنوو وريني شهد انا بتكلم معاك، قالت لي رهام ي وئام رهام 💔💔، شهد وريني رهام مالاا؟؟؟؟ قالت لي اتوفت 💔💔، انا خلاص الدنيا بقت لونها اسود قدامي مسكت راسي و وقعت في الأرض بقيت اكورك 💔، رهام صحبتي المجنونه الكل يوم لازم اشوفها البتضحكني دايما، البتهظر معاي كتير 💔 رهام الضحكتها م بتفارق وشها ابدا، تموت وتخليني!!! 💔💔، صراخي زاد لحدي امي جات قالت لي ي بت مالك في شنوو؟؟ قلت ليها رهام ي امي رهام اتوفت رهام صحبتي و اختي الما بقدر اعيش بدونها خلتني اعيش كيف تاني انا ي امي اعيش كيف💔، امي حضتني و بقت تبكي معاي، ضربت لي ولاء جو ساقوني مشينا البكا 💔، م قارده اخش بيت ناس رهام انا💔اخش كيف و هي مافيشه 💔اخش كيف؟ 💔، شهد و زينب جو حضننوني و بقينا نبكي في الارض💔، مرت الايام و كانت اصعب ايام بالنسبه لينا بقينا نصلي و ندعي ليها في كل صلاه و نتصدق باسمها، رهام فارقتنا و خلت ايامنا حزينه شديد بدونها، اكيد بتسالو اتوفت كيف؟، مرقت هي و خطيبها اللي هو ولد صاحب ابوها، مرقو يتعشو مع بعض و عملو حادث بالعربيه و جا خاشي فيهم لوري 💔، ربنا يرحمهم و في جنات الخلد ان شاء الله 💔،
مرت التلاته سنين في الجامعه بدون رهام💔، م عارفاها مرت كيف بس مرت و اتخرجنا كلنا بتفوق و امتياز❤، بس دايما كنا متذكرين رهام في كل شي و بندعي ليها، خلصنا الجامعه، و قلنا لازم نعمل عيادة التلاته مع بعض و تكون باسم رهام❤،
و فعلا بمساعدة عمار عملناها و سميناها عيادة المرحومه رهام للأسنان ❤،
اشتغلنا فيها و اجتهدنا و كل شهر بقروش العياده بنتصدق للفقراء و المساكين باسم رهام❤،
مرت سنه و انحنا شغالين في عيادة رهام، في يوم كنا قاعدين انا و شهد وزينب زينب، قالت لي شهد عايزه اقول ليك شي، قالت ليها احكي لي، قالت لي الصراحه كده قصي اخوي قال عايزك ي شهد و بكره عايز يجي يتقدم ليك 🌚❤، شهد بقت تتخجل و تتضحك ب تحت😂❤، قلت ليها ي بت المحظوظه افرحي😂😂❤، شهد فرحت شديد و قالت هي اصلا عاجبها و كانو فترة متواصلين مع بعض في الفيس بوك🤣❤، طلعتي م هينه ي شهد😂😂❤، اليوم البعديهو قصي جا لي شهد و اتقدم ليها و طوالي عقدو وديك ي الزغاريد💃🏻، رجعت البيت تعبانه نمت طوالي صحيت اليوم البعديهو صحتني وعد قالت لي
يتبع.....
