لقينا الاكل جاهز شهد م صدقت قعدت اول وحده وبقت تاكل لا و كمان قامت اخر وحده التقول بيت ابوها، كويس انو ابوي كان ف الشغل ع الاقل كانت خجلت شوي🤣🤣،
بعد اكلنا و شربنا عصير انا و شهد و وعد اختي غسلنا العده و خلصناها سرعه سرعه و طلعنا فوق التلاته اتونسنا و قعدنا حضرنا فيلم بعديها هرشتها وعد قلت ليها انتي م ممتحنه ي بت امشي شوفي ليك قراية😂😂😂،
قالت لي انا حمدلله انا ذكية و اولة الدفعة شوفي المحتاج منو قراية🙄
تخيلو سكتتني الشافعه!
المهم طلعت مشت تقرا اصلا البت دي عندها مستقبلها اهم من اي شي 😂😂.
شهد قالت لي انتي بت وسخة ع فكره كان تخليها تتونس معانا شوي و تتطلع من مود القرايه ده ياخ!
قلت ليها م شغلتك هسس يلا 🙄.
قعدنا نحضر فيلم ورا فيلم و نضرب لي رهام مكالمه فيديو و نغيظها و نوريها الشيبس و الفشار و القهوة و الحاجات دي والله سبت لينا سب🤣🤣 . اما زينب دي ولا فكرنا نضرب ليها لانو عارفنها ح تكون بتقرا و تحفر و م فاضيه لينا 😂😂😂.
زي العِشا كده
شهد تلفونها ضرب رقم غريب كان!
قالت لي ده منو ي ربي
قلت ليها ردي و افتحي الاسبيكر.
ردت و بقينا ساكتين سمعنا صوت بت حلو و رقيق قالت: الووو! شهد انا شيماء ده تلفون هاشم، تعالو انتي وئام مطعم لذيذ عازماكم سرعه مستنياكم انا و هاشم ( هاشم ده راجل شيماء اخت شهد الكبيره)
شيماء دي التقول م اخت شهد، شيماء راقيه شديد و هاديه. و بتتكلم بصوت كده هادي شديد و بت طيبه و مسكينه شديد 😢❤.
شهد جرت على دولابي و طلعت الهدوم كلها و بقت تفتش.
هبشتها من كتفها قلت ليها ف شنو ي اخت؟ عايزه شنو؟
قالت لي بشوف لي ف لبسة امرق بيها قلت ليها ده دولاب. منو؟ قالت لي انتي قلت ليها ابعدي طيب انا بختار 🙄.
اخترت ليها احلى من ملابسي زاتو يلا شهد دي ماشاءالله حلوه شديد حلبيه و شعرها اسود و طويل لي نص ضهرها و جسمها حلو يعني لبست فستان زيتي كده فيو صفق ب الأخضر حلو شدديد فيها كان.
انا لبست فستان اسود و فيو بالابيض كده و بقينا مارقين وصلنا و سلمنا ع هاشم و شيماء و اتونسنا شوي و طلبو لينا الاكل تصدقو انو شهد كانت خجلانه من راجل اختها و عاملة فيها بتاكل شوي و بتاع🤔.
خلونا من البقرة دي كان في ولد بعاين لينا ف المطعم الوقت كلو حاولت الفت شهد تعاين ليو بس هي الغبية م فهمتني و م بقدر اقول ليها قدام هاشم و شيماء 🤦🏻♀💔.
قلت اصورو و اوريها ليهو بعدين صورتو بالجابسه بعد اتونسنا شوي و اتعشينا شيماء قلت لي شيماء تسلمي شديد ع العزومة الحلوه دي و خلي شهد تبيت معاي الليله 😉❤.
شهد اتخلعت لاني اول مره اقول ليها تعالي لي دايما بطردها😂😂😂.
قالت لي طوالي اصلا امي م قاعده تحتاج ليها🤣.
طبعا شهد دي اصغر وحده في البيت عايشه مع ابوها و امها و شيماء اختها ساكنه هي وراجلها لصق بيت اهلها و تاني عندهم اخوهم كبير مغترب ب اولادو ف الامارات.
المهم رجعنا البيت انا و شهد تعبانين و غيرنا هدومنا و كويس انو بكره الجمعه اجازه طوالي رقدنا ف السرير شهد قالت لي حاسه ب شنو كنتي لمن قلتي لي شيماء تخليني ابيت معاك🤔
قلت لينا ي غبيه انا قبيل بحاول الفتك ع الولد الكان بعاين لينا الوقت كلو ف المطعم و انتي م عايزه تفهميني لكن انا الذكيه صورتو 😎.
قالت لي وريني وريتها قالت واي سمح قلت ليها خليك من سمح انا شايفاو في حته قالت لي وين يعني قلت ليها م عارفه بس حاسه اني بعرفو قالت لي بطلي عليك الله وخليني انوم المهم نامت البقره انا عاينت للصوره مسافه و نمتا و التلفون في يدي.
الساعه 11 صباحا كده صحتني شهد قالت لي قومي و كمان نايمه و ماسكه التلفون ليه بتعملي ف شنو كنتي لدرجة تنومي و التلفون ف يدك؟ 🌚
قلت ليها اختيني بلاي شالت التلفون فتحتو لقت صورة الود، قالت لي جاده انتي يعني؟ 🌚😂💔
قلت ليها جيبي التلفون ده ي معفنه. شلتو منها و هي مشت تستحمى و لبست بجامتي البحبها😢.
و انا لسه م قمت من السرير و بفكر ف الولد الكان بعاين لينا و انا م قادره اعرف كنت شايفاو وين!
جاتني وعد قالت لي وئام امي قالت ليك لو م قمتي ح تجي تكشح فيك مويه بارده شلت المخده فنيتها بيها 🙂.
يتبع......
