صحينا اصلا الخميس بقى يدونا محاضره واحده و تاني ح يكون off. خشينا استحمينا و اكلنا و لبسنا و طلعنا بدري عشان نمشي اول ل رهام نشوف الفساتين و نستلمها مشينا ل رهام و ومن هناك مشينا الترزي و شلنا الفساتين و كانت حلوه شديد حمستني للعرس😭❤❤.
مشينا الجامعه و الحمد لله اليوم خلص سرعه و وصلت رهام بيتهم و مشينا بيت ناس شهد عشان تمشي تجيب حاجاتها بتاعت العرس لانو ح يقعدو معاي هي و زينب و ح نمشي العرس مع بعض مشت جابت حاجاتها و مشينا ناس زينب نجيب حاجاتها و من هناك مشينا بيتنا، اكلنا و استحمينا و طوالي جرينا ع الغرفة عشان نجرب الفساتين الحلوه 😂😂.
و كانت حلوه شديد ياخ😭❤. عملنا ماسكات و لبسنا نمشي الكوفير نكوي شعرنا مشينا الكوفير ساعتين و جينا الساعه 6 جات صلينا المغرب و بدينا نتمكيج و نلبس شهد ماشاءالله بتعرف تمكيج مكيجتنا و سرحت لي شعري و طلعنا حلوين شديد، زينب كانت محجبه لكن كانت احلى وحده فينا❤.
خلصنا و اي شي شهد قالت يلا ي العريس جاين عليك😂😂😂.
ضربت لينا رهام قالت لينا هيي يلا نص ساعه و العرس ح يبدا قلنا ليها جايين جايين اخدنا لينا كم صورة ف البيت صورتنا وعد امي و ولاء مستغربين فيني عشان كنت حلوه🤣🤣 بعديها مشينا و وصلنا الصالة الحفلة كان بدت و لمحت رهام من بعيد كانت قنبلة بتاعت جمال❤❤
سلمت عليها و كانت معاها مناسك بت خالتها و قعدنا ف الكراسي زي البنات المحترمين 🤣😂😂.
رهام قالت لينا انتو منو🤔
قلنا ليها نحنا البنات السمحات😂😂😂.
قالت لينا ارح نرقص زينب قالت م عايزه شهد طوالي قامت😂.
انا قلت ليها امشي انتي ورهام انا بقعد مع زينب قعدتا مع زينب و بقينا نعاين ليهم و نضحك 😂😂.
جاات مناسك قعدت معانا و رهام قالت لي ياخ قومي ارح قلت ليها خلاص قايمه خليت زينب مع مناسك ورقصنا رقيص😂😂.
لمن تعبت لقيت زينب و مناسك مافيشين قعدتا افتش فيهم لقيتهم واقفين مع شلة كده مشيت عليهم مناسك قالت لي تعالي اعرفك ع اصحابي ده فلان و ده فلان دفعتي وكده يعني و قالت لي ده حسام الدفعه القبليني اللي هو خطيبي و ده صحبو عمار تتذكري عاينت ليو كده انصدمت طوالي و عاينت ليو قال لي
يتبع.....
