قال لي وئام قلت ليك افتحي الشي الما فاهماو! قلت ليو عمار م ح افتح اي شي لو م وريتني في شنو؟ قال لي وئام ود عمك! قلت ليو اي مالو، قال لي انا سمعتو لمن قال ليك ممكن اقعد جمبك نتونس، و لمن جيتك كان واقف جمبك ف شي بينكم؟، قلت ليو ماف اي شي بينا م تفكر ف شي زي ده، قال لي متاكده؟ قلت ليو ايي، قال لي خلاص ارح افتحي الحاجه المافاهماها. فتحت ليو و شرح لي كل شي و فهمت الحمدلله ❤.
طبعا مرت الايام و كل يوم كنت بمشي ل عمار يشرح و لمن نخلص بنمرق مع بعض ونتونس و بديت اتعلق بيو كل يوم بتعلق بيو اكتر و بديت احبو بس م قاعده ابين ليو الحاجه دي و هو كل دقيقه يقول لي بحبك و انا م قارده اقولها ليو حاسه الوقت م مناسب ❤. الامتحانات كانت ساهله و الصعب فيها بسيط شديد بس يعني معظمها ساهله و ده كلو بسبب عمار❤.
بس كل اتنين او اربع لمن علاء يجينا و عمار يسمع صوتو او يشوفو بضايق، عمار بقى يغير من علاء شديد لانو علاء كان بتقرب مني اكتر، وعمار بقا يكرهو شديد و م بحب يسمع سيرتو، اما صحباتي عرفو انو عمار بحبني لاني حكيت ليهم اي شي بس م حكيت ليهم اني بديت احبو 😪.
طبعا الامتحانات خلصت و اجزنا و مستنين النتيجه 😭❤شهد بقت مشغولة شديد مع شيماء اختها لانها حامل ❤، بالنسبه لي رهام ود صاحب ابوها جا اتقدم ليها وخطبوها و بقت مشغولة و بتجهز ف نفسها 😂😂، زينب الوحيده الكنت متواصله معاها و بتونس معاها كتير، اما عمار حكيت ل امي و ولاء بيهو قلت ليهم انو هو صحبي شديد و كده، امي قالت لي خلاص اعزمي يوم ف بيتنا قلت ليها لا م اسي لقدام قالت لي كويس 😉.
بقينا نتلاقى انا و عمار كل يوم و علاقتنا بقت تتطور اكتر❤،
الساعه كانت 7 مساء تلفوني ضرب لقيتو ده
يتبع.....
