عاينت ل تلفوني لقيت مكالمه من رقم غريب م اشتغلت بالموضوع خشيت الواتس لقيت ف رسايل كتيره، لاحظت ل علاء مرسل لي، و برضو ف رقم غريب مرسل لي نفس الرقم الضارب لي فتحت الشات بتاعتو لقيتو عمار، و خاتي صورتو🙈❤ مرسل لي طمنيني عليك وصلتي كيف؟ رديت ليو قلت ليو كويسه والله، طوالي خشا و قرا الرسالة قال لي الحمدلله، طلعت من الشات بتاعتو فتحت شات علاء كاتب لي مساء الخير، رديت ليو كتبت ليو مساء النور م كان خاشي، عمار ضرب لي، رديت عليو هلا ب ويما قال لي اها للان متذكره الحاجات الشرحتها ليك قلت ليو اي😂 قال لي طيب ح اسالك سالني اسئلة كتيره ياخ😂😂😂 لكن جاوبت صح و الغلط وراني ليهم و راجع لي يعني،. قال لي لازم تجيبي حاجه حلوه تفرحيني قلت ليو حاضر🌚❤.
قال لي ح تنومي متين؟ قلت ليو اسي قال لي خلاص نومي تصبحي ع خير❤ نتلاقى بكره ان شاء الله، قالت ليو وانت من اهل الخير ❤ مع السلامه ❤.
م قدرت افتح باقي الرسايل كانت كتيره و كلها من صحباتي قلت م مهم قفلت تلفوني و رقدت قعدتا افكر ف عمار بس م عارفه ليه😢.
و صحيت اليوم البعديهو و استحميت و لبست و اكلت و ودعت امي و بقيت مارقه وصلت الجامعه لقيت ولا وحده من صحباتي ماف لمحت عمار من بعيد جا علي، قلبي بقا يدق بسرعه م عارفه ليه 😢،
جا سلم علي و بعاين لي في عيوني بس م عايز ينزل عيونو مني، قال لي صباح الخير قلت ليو صباح النور، قال لي نشرب شاي؟ قلت ليو طيب و انا منزلة راسي ف الواطه مشينا قعدنا و شربنا الشاي صحباتي جو و شايفاهم بس هم م شايفني و بفتشو فيني 🤣، ضربو لي قالو لي انتي وين ي زفت؟ ليهم انا في... عمار شال التلفون مني م تميت كلامي قفل الخط،. قلت ليو ليه عملت كده؟ قال لي بس كده م عايزهم يزعجوك و تعال معاي حاسب حق الشاي و مسكني من يدي و بقى سايقني قلت ليو عمار ماشي وين؟ قال لي انتي بس تعال وداني قاعة كده اول مره اشوفها فاضيه م فيها زول، قلت ليو عمار لو في زول شافنا هنا برانا بتحصل لينا مشكله، قال لي م تخافي انا اي دكتور ف الجامعه دي بعرفني و م ح يحصل ليك شي حتى العميد م بقدر يسالني، قعدنا قلت ليو خير ف شنو بتعاين لي كده ؟ قال لي بحبك،
م عرفت اعمل شنو طبعا قلت ليو انا ماشه قال لي امشي بس وريتك انا بحبك و خليك عارفه،
طلعت مشيت ل ناس شهد قلت م ح احكي ليهم احسن اسكت، قالو لي كنتي وين و م بتردي علينا ليه، قلت ليهم كنت مع مناسك، زينب قالت لي اها م ح تجوني بكره اشرح ليكم قلت ليها لا لا مناسك شرحت لي كل شي، شهد قالت ليها انا برضو شرحت لي شيماء، رهام قالت انا م عايزه افهم عرسو لي بس😂😂😂😂،
خشينا المحاضره م قدرت اركز بس كنت بفكر ف عمار 🤦🏻♀،
بعد خلصت طلعنا من القاعه عمار ضرب لي قال لي تعالي لي ف القاعه القبيل قلت ليو لا عايزه اقعد مع صحباتي، حنسني قال لي والله عايزك ف موضوع ضروري قلت ليو كويس جايه، قلت ليهم بنات انا ماشه و جايه، مشيت ليو ف القاعه، لقيت القاعه فاضيه خفت شديد قلت احسن اطلع فجاه جا طالع لي خلعني شديد قربت اقع من الخلعه وبكيت😭، حضني قال معليش بهظر وبقى يضحك شديد، انا م عارفه اتخلع من العملو ولا من الحضن! قلت ليو فكني ماشه قال لي بهظر ياخ انتي ليه لئيمه كده، قلت ليو جعانه ماشه اكل قال لي خلاص ارح ناكل، مشا معاي انا قلت ف سري احسن اوري صحباتي ب عمار لكن م ح اقول ليهم انو بحبني! ، مشينا اشترينا الاكل و البارد و قعدنا كلنا سلم عليهم، صحباتي كانو مستغربين طبعا🤣، اتونسنا كلنا و اكلنا و المحاضره بدت قلت ليهم امشو انتو انا اسي بجي، مشو و خلوني مع عمار، قلت ليو عمار! قال لي عيون عمار🌚❤، قلت ليو انا م عايزه صحباتي يحسو انو ف شي بينا قال لي حاضر قلت ليو مع السلامه، قال لي مستنيك انا😉 خشيت القاعه لقيت الدكتور م خشا لسه، صحباتي طوالي شغلوها لي طبعا 😂😂،
المحاضره بدت و فهمنا كل شي و بعد خلصت لقيت عمار مستنيني، صحباتي قالو لي يلا باي ي بياعه🤣،
مشيت الموقف جمب عربيتي قلت ليو اي؟ قال لي بكره الامتحانات 🌚💔 قلت ليو ايي الله يستر بس قال لي م ح تجيني بعدين اشرح ليك؟ قلت ليو لو
يتبع.....
