قالت لي الود ده كان في الدفعة القبلينا و اتخرج وجا اول الدفعه و بجي هنا لي اولاد دفعتي بشرح ليهم و بذاكر ليهم و كده م عرفت اعمل شنو انصدمت بس كيف يعني واحد مستفز بالشكل ده يكون اول الدفعة 😂😂.
المهم م اشتغلت بالموضوع كتير و مشينا السوق لفينا لف 😪.
بس كويس اشترينا اي شي ناقصنا للعرس يعني م بنحتاج تاني نمشي السوق و صلت رهام و مناسك بيتهم و زينب برضو وصلتها و شهد برضو. حسيت اني بتاع ترحيل🤣.
و مشيت البيت تعبانه تعب استحميت و اكلت لي شي و ناديت وعد قلت ليها بديك 100ج لو عملتي لي مساج قالت لي من عيوني الاتنين انا عندي كم وئام في الدنيا دي 😉❤.
اصلا البت دي بتاعت قروش بس🤣.
عملت لي مساج ل ضهري و م حسيت ب نفسي الا ف سابع نومه. صحوني العشا صليت و نزلت تحت اتعشيت و اتونست مع ناس البيت و وريتهم
الحاجات
الاشتريتها و القماش طبعا وديناهو للترزي الجمب ناس رهام عشان يفصل لينا
الفساتين.
طلعت فوق فتحت تلفوني لقيت ديل ساكتين ف القروب قلت ليهم خير الحاصل عليكم شنو ساكتين قالو لي تعبانين ح نرجع ننوم تاني بكره الجامعه ح نجي جنائز جنائز🤣 قلت ليهم صحي والله نومو ساي 😂.
نمت طوالي انا و صحيت الصباح استحميت و صليت و اكلت و ودعت امي و بقيت مارقه،
وصلت الاستوب البقيف فيو كل يوم قلت غريبة عمار م لاقاني ف الاستوب 🤔.
الاستوب فتح و مشيت و وصلت الجامعه اول واحده جيت انا بعديني رهام و زينب و اخر شي شهد، كلهم وشوشهم باينه عليها تعب امبارح🤣.
رهام قالت لينا بعد د كلو ان شاء الله نطلع لينا ب عريس سمح 😂😂😂.
قعدنا اتونسنا و ضحكنا و خشينا المحاضره و كانت مع الراجل الكريه ده الحمدلله جينا بدري و خشينا قبليو المحاضره كلها لعبنا ليدو انا ورهام وشهد و زينب كالعاده مركزه 😂😂.
المحاضره خلصت طلعنا ناكل، و بنفكر ف عرس ريان اخت رهام القرب الخميس الجاي ده 😂❤. المهم اكلنا و خلصنا و خشينا المحاضره البعدها، طلعنا من المحاضره و اي وحده اتوكلت ع الله و مشت بيتها، طبعا مرا الأسبوع ده كلو ماشين و جاين من الجامعه و عمار م ظاهر كلو كلو، لمن نسيتو عديل جا يوم الاربع بالليل كان بايته معاي شهد و بعد صعوبة اقنعنا ام زينب تخلي زينب تبيت معاي و فعلا خلتها و خشينا المطبخ نشيل و نعمل ف الماسكات ف وشنا و شعرنا و جسمنا عشان نطلع حلوين😉❤.
اما رهام يحليلها شغالة شغل جد😂😂😂.
المهم ظبطنا روحنا و الفساتين ح نصحى الصباح نجيبها من جمب ناس رهام و اتعشينا و صلينا و نمنا
يتبع.....
