قلت ليو انا لسه قدامي كتير و م ح تقدر تنتظري، قال لي بنتظرك العمر كلو انا 🙈❤، قلت ليو بعد ده وديني لناس شهد عشان م اتاخر قال لي طيب عايز اديك شي اول غمضي عيونك،. قلت ليو ف شنو؟ قال لي وئام اسكتي بس غمضي عيونك، غمضت عيوني، لبسني ف رقبتي سلسل بتاع فضه حلو شديد فيو فراشه لانو عارفني بحب الفراشات🙈❤، فرحت شديد و حضنتو لأول مره🙈❤، قال لي حلو؟ قلت ليو شديد ياخ تسلم لي❤، قال لي انتي بتستاهلي كل شي حلو، قال لي يلا ارح اوصلك عشان م تتاخري، وصلني ناس شهد و قعدنا عندهم لحدي المغرب و اتونسنا و غنينا و رقصنا💃🏻 وم خلينا شي، رجعنا البيت تعبانين شديد😪، انا طلعت غرفتي استحميت و غيرت هدومي و مشيت رقدت و فتحت تلفوني لقيت مكالمه من علاء طوالي مزاجي اتعكر🤦🏻♀💔، خشيت الواتس لقيتو مرسل لي رسايل كتيره، كلها ح اتزوجك وغصبا عن اي زول و كلام زي ده، خفت شديد، و قلت احسن اكلم زول من ناس البيت، قلت امي عندها ضغط م بقدر اقول ليها موضوع زي ده، احسن امشي اكلم ولاء
، مشيت لي ولاء قلت ليها ولاء عايزاك في موضوع قالت لي احكي، وريتها الموضوع كلو😪، قالت لي علاء ده اصلا اناا م كنت مطمئنه ليو و لي نظراتو ليك، لكن لو عمل كده انتي كلمي ابوي قولي ليو انك عايزه تكملي قرايتك و ابوي م اظن ح يجبرك عليو و م تخافي و م تفكري في شي، قلت ليها حاضر و مشيت بوستها وطلعت😂❤، قلت كلامها صح ابوي عايز يشوفني احلى دكتوره و مستحيل يجبرني اعرسو😏، خشيت المطبخ مرتاحه و مزاجي حلو مشيت عملت فشار و شلتو و قلت لي ولاء ارح نحضر فيلم قالت لي طوالي مشت معاي غرفتي، كويس أولادها كانو نايمين 🤣، حضرنا الفيلم خلص الساعه10 بالليل قالت لي سجمي انا ماشه انوم🤣، مشت نامت و بقيت مستنيه عمار يضرب لي عشان نتونس،ضرب لي الساعه 11 قال لي جيت من العياده الساعه 10 ونص و استحميت و يادوب رقدت قلت ليو لو تعبان نوم، قال لي لا عايز اتكلم معاك شوي، قلت ليو طيب، اتونسنا لحدي الساعه 12، حسيت ب نبرة صوتو اتغيرت كانو نعسان، قلت ليو عمار بعد ده نوم و انت عندك بكره شغل قال لي طيب، قلت ليو يلا تصبح على خير ❤، قال لي و انتي من اهلي🙈❤، يلا مع السلامه ❤، و قفلت منو و حضنت التلفون و فتحت صورتو و اتأملتها شوي لحدي م نمت،
صحيت الصباح استحميت و صليت و نزلت تحت و انا مبسوطه و بغني فجاه كده ف زول مسكني من يدي و خت يدو في خشمي، عاينت ليو لقيتو ده علاء حاولت اصرخ م قدرت كلو كلو😭، و بحاول افكو مني بس م قادره 😭، دخلني غرفتي و قفل الباب قال لي انا عادي ممكن اعمل فيك شي و اخليك تتزوجيني غصباً عن اي زول بس انا م عايز اعمل كده لانك بت عمي، احسن بإرادتك تتزوجيني و انا م ح اقصر معاك ف شي وريني انا الناقص فيني شنو عشان م تتزوجيني وريني؟، فكا يدو من خشمي و بقيت احاول اتنفس و م قادره لحدي م حسيت اني في عالم تاني، اغمى علي!!!!
م حسيت ب شي صحيت، لقيت نفسي في سريري و جمبي علاء ماسكني من خصري!!!!! 💔،
قمت من السرير مخلوعه و بقيت بضرب فيو عملت شنو؟؟؟؟؟؟ وريني؟؟؟ قال لي ولاشي، عيب ارقد مع مرتي المستقبليه؟، بقيت ببكي و جريت الحمام و قفلتو علي وفتحت الدش فيني و انا ببكي 😭😭💔.
الحمدلله بس م عمل شي،. لكن بقيت اقرف منو ياخ 😭،
جا وقف جمب باب الحمام قال لي مع السلامه حبيبتي، طلعت بعد نص ساعه، نزلت تحت اشوف ناس البيت وين، م لقيت زول غير امي و نايمه في غرفتها، صحيتها قلت ليها وين الباقين، قالت لي ابوك في الشغل و ولاء ساقت أولادها و مشو لي اهل راجلها، و وعد ساقها علاء عشان تراجع مع التيمان لانو كانو قبل شوي هنا بقرو معاها، قلت ليها كويس و مشيت اكلت شي و خشيت غرفتي🤦🏻♀💔فتحت تلفوني لقيت مكالمه من مناسك! و 10 من شهد و 5 من زينب! استغربت قلت ف شنو؟؟
طوالي ضربت لي
يتبع....
