عاينت وراي لقيتو ده علاء بقا جاي علي قلت ف سري يربي ده مالو؟؟ قرب مني شديد قال لي عايز الكبايه دي! 🌚
زحيت منو و اديتو الكبايه فتح التلاجه كبا عصير و عاين لي مسافه من تحت ل فوق و ابتسم و مشا 🤔
انا استغربت تميت باقي العده كلها و نضفنا الصالون انا ونادين و شربت عصير و جاتني نسرين قالت لي ارح غرفتي بعد ده ارقدي ارتاحي تعبناك قلت ليها ماف تعب والله ❤
مشيت رقدت ف السرير جاتني ادتني لبسه و عباية قالت لي شوفيها بكره تمشي بيها الجامعه! قلت ليها ايي حلوه ح البسها، مشت ادتها لي نادين تكويها لي، انا فتحت تلفوني ورسلت ل وعد قلت ليها علاء رسل ليك الصور؟ قالت لي اي ورسلتها لي طوالي رسلتها ف قروب صحباتي😂😂😂.
كلهم انبرشو و قالو لي ده جبتي من وين ي رمه🤣.
قلت ليهم ده ود عمي مغترب ف قطر😂.
قلت ليهم اختوني بحكي ليكم بكره خلوني انوم😪.
نمتا و صحيت الصباح استحميت ولبست طبعا فقدت عربيتي😢
جاني عمي قال لي علاء ح يوصلك الجامعه، علاء جا نازل و شكلو صاحي يادوب من النوم لابس ترينق و فانيلا داخليه 😂🤦🏻♀💔.
ابوهو قال ليو ي ود هييي يلا امشي غير هدومك دي و وصل وئام الجامعه بتقرا ف جامعة الخرطوم طب اسنان، بقا يعاين ل نفسو كده و يعاين لي انا طوالي قبلت ع نسرين قلت ليها اها انتي بتمشي الجامعه متين؟ قالت لي الايام دي م قاعده امشي ح انزل الأسبوع الجاي، ف اللحظه دي طوالي علاء مشا 😂😂😂
جا بعد عشره دقايق طالع قال لي نمشي؟ قلت ليو ارح، طلعنا وركبنا العربيه انا بس ساكته و بعاين بالشباك،
قال لي انتي بتقري طب اسنان كيف؟
قلت ليو كيف يعني كيف؟ 🌚
قال لي صعب ياخ!
قلت ليو م صعب ساهل
قال لي برلومه صح🌚
قلت ليو لا سنير وقربت اخلص كمان😏.
قال لي ماشاء الله والله لكن قدامك كتير.
الوقت كلو بس بسالني
عن طب الأسنان لمن زهجت 🙄
وصلنا الجامعه قال اديني رقمك عشان بعدين ح اجي اسوقك اوصلكم بيتكم قلت ليو لا م تتعب نفسك بمشي مع اي وحده من صحباتي قال لي لا انا ابوي قال ح ارجعك قلت ليو طيب اديتو رقمي ضرب لي قال لي سجلي الرقم عشان لمن تخلصي تضربي لي قلت ليو كويس ، نزل معاي قال لي عايز اشتري مويه من وين؟ قلت ليو تعال هناك و مشيت معاو،
فجاه لقيت قدامي عمار بشتري، عاين لي مسافه و شاف انو علاء واقف معاي، علاء اشترى و قال لي يلا ي ويما باي و اول م تخلصي اضربي لي سلم علي و ركب عربيتو و مشا،
عمار لسه واقف بعاين لي و مشا،
مشيت قعدت ف المكان البنقعد فيو انا و صحباتي بقيت منتظراهم،مناسك بت خالة رهام جات ماره سلمت علي و اتونست معاي سالتها من صور العرس قالت لي ح يرسلوها بعدين و برسلها ليك شالت رقمي و اتونست معاها و قالت انو خلاص من بكره ح يبدو امتحانات و معصوره شديد طبعا لانو دي اخر سنه ليهم 💔
قالت لي عاملين معسكر هي و صحباتها و اصحابها ف بيت جمب الجامعه هنا و م مقصرين معاها. قلت ليها ربنا يوفقكم كلكم قالت لي امين و يوفقكم قالت لي لو احتجتي اي شي م فهمتي يعني وريني ادتني رقمها و مشت ف اللحظه ديك رهام جات و بعدها زينب ، جو سلمو علي و قالو لي احكي لي عن ود عمك😂😂😂.قلت ليهم انتظرو شهد تجي بحكي ليكم كلكم مع بعض و الشمار حارقهم شديد😂
جاات شهد جاريه جري😂 قالت لي احكي لينا حصل شنو حكيت ليهم اي شي بالتفصيل، و وريتهم انو وصلني اسي، و بعدين ح يجي يسوقني قالو لي حظك ي رمه🤣.
زينب قالت لينا بطلو اموركم دي الامتحانات بعد بكره،قلت ليهم اي صحي بكره ح نجيك ي زينب تشرحي لينا قالت لي طيب.
خشينا المحاضره و فهمنا الحمدلله و خلصت و طلعنا ناكل و انحنا قاعدين بناكل كانو قاعدين قصادنا عمار و شلة ناس مناسك عمار الوقت كلو كان بعاين لي م عرفتو مالو م اشتغلت بيو مناسك جات علينا و قعدت شوي و جات قالت لي
يتبع.....
