عاينت ليو قال لي ي هلا نورتي الصالة، و شنو وجع الوش ده في اي مكان لاحقاني، قلت ليو والله انت اللاحقني م انا تمام 🙄و مسكت زينب من يدها و مشينا ل رهام و شهد حكيت ليهم بقو يشغلوها لي اشي اشي ع الصدفات😂😂😉
قليلات ادب خلاص اليوم كان حلو شديد و اتصورنا و ريان اخت رهام كانت ماشاءالله حلوه شديد ربنا يحفظها.❤
زينب قصي اخوها جا ساقها من الصالة
وب علي لابس جلابية سودا 🙈❤
عريس بس🙈❤ قصي قال ليها انتي اختي؟ 🤔 مالك سمحه كده الليله ضربتو قالت ليو احسن ليك، ارح نتصور ادتني التلفون اصورهم صورتهم، زينب قالت لي مناسك صورينا كلنا اللي هم انا و هي و قصي و شهد و رهام🙈❤. صورتنا كلنا و مشو، ودعت رهام و اهلها و طلعنا انا و شهد قالت واي واي من قصي قلتا ليها خلاص بطلي 😂😂😂.
قالت استني بس زينب ترسل لينا الصور كان م ختيتا خلفيه ف تلفوني😂😂😂 قلت ليها خلاص قلنا 😂😂.
وصلتها بيتهم و مشيت بيتنا غيرت ملابسي و مشيت حكيت ل ناس امي العرس و اي شي، قالت لي عقبالك كده ي رب قلت ليها هيهيي هاا و طوالي خليتهم، لاني م بحب السيره دي🙄.
طلعت فوق مسكت تلفوني لقيت زينب رسلت الصور ف القروب و بقيت اتفرج فيها🤤❤.
تخيلو لقيت شنو!!
لقيت ب ف صورة ب ورا ظاهر فيها عمار و بعاين لينا كمان!!
انا م عارفه الود ده مالو 🤔.
م اشتغلت بالموضوع كتير و صليت العشا و جيت رقدت
قلت الحمدلله بكره الجمعه ح اصحى ع راحتي😪❤.
نمت و صحوني من 11 🙄
وعد صحتني قالت لي امي قالت ليك قومي لانو بعد شوي ناس عمو ياسر جاين يفطرو معاها فنيتها ب المخده كالعاده و قلت ليها قايمه ياخ.
قمت استحميت و شربت الشاي و شايله هم للنضافه و شغل المطبخ😭💔.
بعد شربت الشاي ، اتقاسمنا البيت انا و وعد، و امي و ولاء كانو شغالين ف المطبخ، خشيت غرفة ولاء انضفها لقيت الشفع قاعدين قلت ليهم امشو بره ابو يطلعو كلو كلو، اتذكرت حلويات عمار الاداني ليها 🤣🤣، جريت جري ع الشنطه مشيت جبتها قلت ليهم لو طلعتو بديكم حلاوه اديتهم الحلويات و طلعو الحمدلله استفدت منها😂😂😂.
نضفنا البيت كلو 😪 و مشيت جهزت الاكل مع امي ولاء مشت تحمي اولادها، خلصنا الشغل و مشيت استحميت و لبست لبسه محترمه وقعدت ف تلفوني اتونست مع صحباتي لحدي م ناس عمي جو
يتبع....
