قلت ليو لو لقيت ف شي و احتجتك بجيك قال لي طيب، قلت ليو يلا مع السلامه ❤.. و ركبت عربيتي و مشيت وصلت البيت و استحميت و غيرت ملابسي و مشيت اكلت، امي قالت لي اها كيف بكره الامتحانات قاريه كويس قلت ليها ايي الحمدلله، ابوي قال لي عارفك ح تتوفقي ي بتي ربنا يوفقك ان شاء الله، تسلم ي ابوي❤، خلصت اكل مشيت لي وعد ف غرفتها لي زمن م شفتها، قعدتا معاها شوي قلت ليها اها ماشه كيف ف القرايه قالت لي والله الحمد لله و بكره نادين و نادر ح يجوني عشان الأستاذ ح يشرح لينا قلت ليها اها كويس، و مشيت غرفتي لقيت مكالمه من عمار ضربت ليهو قال لي كيف وصلتي قلت ليو تمام والله وانت؟ قال لي كويس بعد سمعت صوتك🙈❤ قلت ليو بطل امور المراهقين دي😂😂
قال لي اها حاسه نفسك محتاجه لي ف شي؟ قلت ليو انا م فتحت الشيتات اصلا، قال لي طيب امشي اقري و لو احتجتي لي انا قاعد، قلت ليو كويس، مع السلامه، قفلت منو و بديت اقرا قريت حاجات كتيره و فهمتها براي، عاينت للساعة لقيتو المغرب جا م حسيت بالوقت
بس ف جزء م عرفتو ضربت ل عمار قال تقدري تجي اسي ؟ قلت ليو طيب بجي اسي، مشيت صليت المغرب و كلمت اهلي و لبست عبايتي و طلعت ضرب لي قال لي اها جايه؟ قلت ليو اي قال ممكن م تجي ب عربيتك عشان عايز اجي اسوقك انا، قلت ليو ليه؟ قال لي بس ممكن ولا لا؟ قلت ليو طيب قال لي اها وين انتي وصفت ليو و خمسه دقايق جاني، ركبت معاو، قلت ليو ليه يعني فرقت شنو لو جيت بعريبتي؟ قال مالك زعلانه انتي، فيها شنو لو جيتي معاي مش المره الفاتت جيتي مع الولد داك عادي؟عرفتو قاصد علاء، قلت ليو ده ود عمي و كنت بايته معاهم و عربيتي قاعده ف البيت كانت قال ليها اها كويس، وصلنا البيت و لقيت مناسك وصحباتها سلمت عليهم و قلت ليها امتحنتي كيف؟ قالت لي والله الحمدلله ساهل، قال لي خلي الكلام الكتير و خشي نقرا، خشينا جوه وريتو الحاجات المافاهما و شرح لي كلها و فهمتا❤ قال لي تاني ف شي قلت ليو لا خلاص تسلم ❤،
قريب التلاته ساعات كنا بنقرا، فجاه ختا راسو ف كتفي و كانو عايز ينوم، م عرفت اعمل شنو، قلت ليو نعسان؟ قال لي اي مسك يدي شديد و ختاها ف قلبو، قلت ليو ح تنوم كده، انا ماشه قال استني اوصلك قلت ليو انت نعسان م بتقدر تسوق قال لي لا م نعسان شديد بمشي اغسل وشي و اصحصح اسي مشا غسل و شو و قال لي ارح اوصلك ، ركبنا العربيه و وصلت البيت عايزه انزل مسكني من يدي و قال لي بحبك، نزلت و قلت ليو سوق كويس و انتبه لانك نعسان!، قال لي بتخافي علي؟ قلت ليو مع السلامه، و مشيت🤦🏻♀.
خشيت البيت غيرت هدومي و قعدت مع ناس البيت اتعشينا و اتونسنا و اي زول خشا غرفتو نام، مشيت غرفتي فتحت تلفوني لقيت علاء مرسل لي كيفك و كيف القرايه معاك؟ قلت ليو تمام والله طوالي رده قال لي م نمتي ليه للان قلت ليو كنت عند صحبتي بنقرا و وصلت قبل شوي و جيت قعدت ف التلفون قال لي كويس لكن م تساهري قلت ليو حاضر، لقيت عمار مرسل لي تصبح على خير عايز انوم يلا لبكره❤، قلت ليو وانت من اهلو❤ قفلت تلفوني و نمتا😪،
وصحيت و كان ده اول يوم الامتحان مشيت صليت و دعيت ربي انو يوفقنا كلنا😢❤، و لبست وطلعت مشيت ودعت امي و قالت لي ربنا يوفقك ❤.
وصلت الجامعه و لقيت زينب قاعده بتقرا سلمت عليها من بعيد قلت م اشغلها بالقرايه قعدت براجع ف الحاجات الشرحها لي عمار امبارح، جاني عمار قال لي كيفك قلت ليو. كويسه والله ماشي الحال وانت؟ قال لي كويس بعد شوفتك، قلت ليو عمار خلي الأمور دي قلت ليك 😂😂،
رهام جات قلت ليها تعالي نراجع مع بعض و بعديها شهد جات قعدنا كلنا و عمار راجع لينا، و الامتحان قرب يبدا شربنا شاي مسافة م يبدا و خشينا، عمار مسكني من يدي و قال لي ربنا يوفقك حبيبتي و ركزي كويس❤، يلا انا منتظرك، خشيت الامتحان و الحمد لله كان ساهل شديد و واضح ❤.
و طلعنا من الامتحان مبسوطين شديد و الضحكه لي ضرس🤣.
جاني عمار قال اشي ع الضحكه😂. قلت ليو الامتحان حلو شديد ياخ، قال لي حلو زيك كده يعني؟ 🌚. قلت ليو اي😏.
قلت ليو ماشه انا يلا مع السلامه قال لي لمن تصلي اعملي لي مسكول قلت ليو حاضر يلا،
ركبت العربيه و مشيت بسرعه و وصلت البيت جيت جاريه جري بكورك ي اميييي ي ناااديه ي اميييي بصوت عالي امي جات مخلوعه ف شنو ي بت جيت جاريه عليها حضنتها🤣🤣❤ قالت لي بسم الله ف شنو، قلت ليها الامتحان ساهل شديد،
سمعت صوت علاء ب وراي قال
يتبع.....
