شلت المخده فنيتها بيها رجعتها لي و قامت جاريه استغفرت ربي و قمت خشيت الحمام ظبطت اموري و صليت، طلعت و بقيت اكورك الشاي الشاي الشاي ي جماعه مصدعه مصدعه انا😭😭.
شهد قالت لي ده التفكير الكتير بعمل كده😉
قلت ليها شهد ممكن تخرسي؟
جابت لي الشاي و شربتو و طلعت غرفتي طوالي ضربت لي رهام قلت ليها رهام عايزه احكي ليك شي قالت لي والله معانا ضيوف ف شي مهم؟ قلت ليها لا خليك مع الضيوف م مهم الموضوع قالت لي كويس، قفلت منها و بقيت بفكر قلت انا متخلفه ساي و حاولت انسى الموضوع جاتني شهد قالت لي ارح نضفي البيت معاي😂😂😂😂😂 انا م عارفه ده بيتنا و لا بيتهم المهم اتقاسمنا البيت انا و هي و وعد و بعد نضفنا، جهزو الاكل اتغدينا كلنا و ابوي كان معانا المره دي و شهد عايشه دور م حقها قدام ابوي 🤣.
بعد اكلنا ولاء قالت لي عليك الله بعد شوي سوقي ريل و احمد ديل فسحيهم شوي زهجو من قعدت البيت ادتني قروش طبعا ماف شي بقى بدون مقابل يخواني الحياة م بتمشي الا كده😉.
شلت القروش و لبسنا عبايتنا انا و شهد و وعد و سوقنا الشفع بالعربيه، طبعا كانو مبسوطين شديد ليهم زمن م مرقو من البيت امهم الفقر دي طبيعي حابساهم ف البيت مشيت اشتريت ليهم ايسكريم و حلويات و مشينا مول عفراء لعبتهم شوي و جيت، شهد قالت لي وصليني بيتنا قلت ليها طوالي حبيبتي انا عندي كم شهد 🤣🤣
هي عارفاني طبعا عايزه اتخارج منها و من ازعاجها🤣.
وصلتها و رجعت البيت صليت و اترميت ف السرير و قلت اظبط المنبه للجامعه بكره لانو احتمال م اصحى تاني ظبطتو و فجاه رهام ضربت قالت لي اها احكي لي الموضوع شنو قلت ليها مشينا المطعم و كده حكيت ليها عن الود الكان بعاين لي قالت لي كدي رسلي لي صورتو رسلت ليها قالت لي م تشغلي بالك بيو احتمال بتهيأ ليك ساي انك شفتي نومي ي بت من اسي عشان م تفكري كتير قلت ليها طيب باي يلا تصبحي ع خير، عاينت الساعه لقيتها 7 ونص قلت اسي العشا ح ياذن اصلي و انوم بكره الجامعه افف ح امشي اكوي هدومي الماشه بيها مشيت كويتها و الاذان اذن جري مشيت اتوضيت و صليت و رقدت عشان انوم، فتحتا صورة الود عاينت ليها و ختيت التلفون ف الشاحن و نمت، المنبه صحاني 6 ونص كده خشيت استحميت و اتضويت و صليت الصبح ولبست ، نزلت تحت اكلت لي سندويش و شربت عصير و بقيت مارقه و انا سايقه عاينت للساعه لقيتها 7:20 قلت الوقت بدري امشي ع راحتي و افتح لي اغاني هاديه مع الصباح ده، وقفت في الاستوب عاينت شمالي كده
يتبع....
