عاينت شمالي كده لقيت عربيه جمبي و فيها ولد كان بعاين علي لمن عاينت ليو قبل وشو ع الجهه التانيه و مشا لقدام شوي م اشتغلت بيو كتير و مشيت طوالي الاستوب فتح وصلت الجامعه كنت اول واحده جيت في شلتي استنيتهم جمب ست الشاي، بقيت ماسكه تلفوني و بقلب فيو جات رهام بعديني ب خمس دقايق سلمت علي و قعدت بقينا ساكتين ساي قالت لي مالك ي بت الليله م ع طبيعتك قلت ليها ماف شي، جات زينب بعديها طوالي و سلمت علينا و قعدت لقتنا ساكتين ساي قالت لينا مالكم الليله ساكتين كده م سمعت ليكم حس من جيت قعدتا ان شاء الله خير! رهام قالت ليها وئام الليله م طبيعيه م عارفاها مالا، شهد جات من بعيد بنسمع صوتها و بتكورك انا جييييت 💃🏻
زينب قالت ليها روقي روقي وئام م طبيعيه خلينا نعرفا مالا، شهد قالت لينا زحو لي منها اسي بعرف ليها كويس قالت لي مالك ف شنو اتشاكلتي مع ولاء ولا وعد؟ قلت ليهم م اتشاكلت مع زول وانا اصلا م عارفه روحي مالي🤦🏻♀💔،
قالو لي خلاص م تفكري في شي كتير و امشي اشتري ليك قهوه او شاي عشان تصحصحي شوي قلت ليهم خشو المحاضره انتو قبل م تبدأ انا بمشي اشتري شاي و اجي وراكم مشو خشو وانا مشيت اشتري الشاي و مشيت ب هناك اشتريت مويه و حبة بندول لاني كنت مصدعه ماشه ع القاعه كده لقيت الدكتور عايز يخش قلت سجمي الليله ماف لي طريقة اخش😢،
جا شاب كده لفتني قال لي احسبي دي المره التانيه ح اكون انقذتك😏.
و مشا للدكتور سلم عليو و انا انسحبت و خشيت و بقيت اتذكر ف ملامح الولد لونو اصفر شوي و حواجبو غزيره و عندو وجنه فتحت تلفوني فتحت الصوره لقيتو نفس الولد قلت معقولة!!!! ؟؟؟
لا مستحيل استغربت شديد كيف يربي حصل صدفه و لا حصل شنو بقيت المحاضره كلها بفكر فيو 🤦🏻♀💔.
خلصت المحاضره جاتني شهد قالت لي والله م ممكن معاك الليله مالك ياخ م بحب اشوفك كده وريني احكي لي حصل شنو، قلت ليها الولد الفي المطعم الكان بعاين لي هو نفس الولد السلم على الدكتور و خلاني انسحب و اخش المحاضره للمره التانيه قالت لي بالجد؟؟ انا م شفتو كويس والله ،
قالت لي اها و يعني انتي بتفكري فيو كتير كده لي عادي صدفه ممكن، قلت ليها طيب ليه يعمل كده مرتين و يخليني اخش؟
قالت لي انتي غبيه ساي ياخ م تفكري في شي و ارح نمشي ناكل انا جعانه، قلت ليها همك ف بطنك ي وسخه🤣.
مشينا اكلنا و اتونسنا و اي وحده حكت تفاصيل يومها، طبعا رهام بس بتحكي لينا المسلسلات و فلان مات و فلان حياا والله بتاعت دراما البت دي😂😂😂
اما زينب بتقول لينا انا خصلت قراية ده و فضل لي ده، الله يحفظك لينا ي زنوبه😂😂😂
و انا شهد حكينا ليهم انو طلعنا و اكلنا و عملنا و رهام متغايظه شديد مننا😂😂😂.
غايتو ضحكنا و خلوني م افكر في اي شي و خشينا المحاضره كانت مع الدكتور البرتاح ليو انا فهمت المحاضره كلها لانو كانت ساهله و الاستاذ شاطر و بعرف يوصل المعلومه صح ❤.
طلعنا و انتظرنا اول شي قصي عشان يجي يسوق زينب 🙈❤جا سلم علينا وساقها، و رهام ترحيلها جا و ساقها، و شيماء جات تسوق شهد سلمت عليها و مشو، مشيت انا ع عربيتي لقيت ف عربية واقفه قصاد عربيتي و قافلة لي الشارع🙂💔
بقيت اسب في سري ل بتاع العربيه و مشيت ع العربيه اشوف فيها زول ولا لا عاينت لقيت في صوت اغاني قلت معناها في زول عاينت ف القزاز كان في ولد منزل راسو تحت و بفتش في شي دقيت ف القزاز و انا خلاص كان نفسي اخنقو لانو مستفز بطريقه، فتح القزاز و قال لي نعم؟ ف شنو؟
قلت ليو نعامه التاكلك ف زول.. قاطعني ف الكلام قال لي اول شي ماف نعامه بتاكل بشر تاني شيي.. قاطعتو قلت ليو انا بقول العايزه اقولو و بعدين انت منو عشان تقاطعني كده، قال انتي اول شي مفروض تعامليني ب اسلوب سمح لانو لو م انا كان تكوني محاضرتين م حضرتيها و حصلت ليك مشاكل كتيره مع الدكتور ده. عاينت في وشو كويس لقيتو نفس الولد الدخلني🤦🏻♀💔..
قال لي اها مالك سكتي اردحي لسه. قلت ليو عاين يلا انا عندي زمن زح لي عربيتك دي من هنا قال لي الاخت م عندها زمن شغالة دكتوره ولا شنو؟
قلت ليو م شغلتك 😏
قال لي ع العموم اتشرفنا ي نعامه انا عمار قلت ليو م تقول لي نعامه و مشي العربيه دي من قدامي،
مشيت ركبت عربيتي و انا بضحك ع نعامه دي 😂😂😂😂هو مستفز شديد ياخ نور لي بعربيتو كده و مشا
يتبع.....
