لمن وصلنا لقينا البيت كلو مزين و الانوار و ف ناس كتيره كانو و استقبلتنا نسرين بت عمي و امها❤ خشينا قعدنا و جا عمي سلم علينا و قال لينا دقايق انادي ليكم علاء، علاء جا قال ليو اها متذكر ديل منو قال ليهم معقولة! طبعا كان لبسه بدلة سودا و قميص أبيض و عامل شعرو كيف كيف حركات الناس المغتربين ديل 🙄، لكن الصراحه كان نضيف شديد و سمح🤣،
قال ليو ده عمي فيصل ياخ و زوجتو ناديه الاكلها سمح😂❤
و دي ولاء الشكاله، لكن وحلاتي ديل اولادها؟ ولاء قالت ليو اي دي ريل و ده احمد شال ريل و بقا يلعب معاها 😂، تاني جا قال لي وعد م عرفتك انتي اسمك منو 🤔 قالت ليو وعد قال ليها اها وعوده كيفك تمام، تاني جاني انا بقا يعاين لي مسافة، قال لي وئام صح اسمك! قلت ليو اي 🌚❤.
قال لي اها عرفتك شفت ي ابوي انا متذكر كيف قال ليو اسي اقعد اتونس معاهم، جات مرت عمي إبتهال ضيفتنا و قعدنا نتونس و كده، بعدها الحفلة بدت كنت محترمه نفسي شديد و قاعده بعاين بس 😂😂.
طبعا علاء بس من بدت الحلفه قعد يرقص م قعد كلو كلو،. عشان محروم من حفلات السودانين دي🤣🤣،
حاولت اصورو لي صحباتي بس م قدرت اختو نسرين قاعده جمبي كانت 😂😂😂.
طبعا ي جماعه نسرين دي كاسره يدها كانت.
المهم الحفلة انتهت و الناس مشو و عمي قال لينا الا تقعدو تتونسو ابوي قال ليو حاضر و قعدنا كلنا اتونسنا و علاء بقا يتصور مع اخوانو و نادى وعد قال ليها تعالي اتصوري معانا مشت اتصورت، مرت عمي قالت لي قومي اتصوري معاهم قلت ليها لا لا م بحب قالت لي هو ود عمك و ممكن اسافر ف اي وقت عشان كده اتصوري معاهم عشان يتذكركم، نسرين قالت لي وئام تعالي اتصوري مشيت اتحشرت ف النص اتصورت😂😂.
قال لي وعد اديني رقمك ارسل ليك الصور بعدين، ادتو الرقم،. قلت ف سري الحمدلله براو اتصور و كده ح اقدر ارسل الصور ل صحباتي 😉.
قعدنا شوي امي قالت لي مرت عمي واي يحليلك ح تنضفي البيت براك كيف قالت لي م مشكله نادين بتساعدني ( طبعا نسرين م ح تقدر تعمل شي يدها مكسوره)
ابوي قال لي خلاص ي وئام اقعدي معاهم الليله خلصي الشغل معاهم بالليل ده و بكره الصباح امشي الجامعه اصلا قريبة من هنا،
طبعا م بقدر ارفض طلب ل ابوي😢،
قلت ليو حاضر، مرت عمي قالت ليو لا لا خليها لو بكره عندها جامعه ح تتعب نفسها، قلت ليها ماف تعب ي خالتو، قالت تسلمي❤،
ابوي قال بعد ده نمشي مشو كلهم و خلوني😢،نسرين قالت لي تعالي اديك ملابس تغيري، مشيت غرفتها ادتني بجامه لبستها، مشيت لي نادين اغسل معاها العده كانت كتيره شديد😢،
بقينا نغسل فيها، نادين عاينت للساعه لقتها 9 قالت واي مواعيد حبوب ابوي شالت ليها مويه و مشت ل ابوها و انا بقيت اغسل ف العده، سمعت صوت زول خشا المطبخ عاينت وراي
يتبع.....
