قال لي اسكتي م تتكلمي بس، و بقيت ببكي و وقف العربيه كده في مكان مضلم، فيو بيت كده طلع منو راجل قال ليو هاك المفتاح و الحبل ده و البيت بيتك يلا مع السلامه و الراجل مشا عمار ربط لي يدي بالحبل و ختا يدو ف خشمي و دخلني البيت و بقيت ببكي بدون صوت وخلاص فقدت الامل ف كل شي 💔، دخلني البيت جوه ف غرفة و طلع من فوق لي و بحاول يطلع ملابسي بس انا كنت بلزو ب رجليني و بحاول اقاوم فيو😭💔، لحدي م شفت عمار ب وراهو و خبطو ف راسو ب خشبه و بقيت ابكي😭، اديتو تلفوني قلت ليو اضرب لي اهلي اسي دي خليهم يجو، ضرب ليهم خمس دقايق جو داخلين كلهم ب اهلو هو زاتو، و شافو منظري انا ببكي و علاء ف الارض عمار حكا ليهم كل شي، وانا كنت ببكي بس امي حضتني قالت لي م تخافي و رجعنا البيت، عمو ياسر اليوم البعديهو جا اعتذر لينا، و علاء برضو جا اعتذر قلت ليهم م مشكله حصل خير ❤، م قدرت ازعل من عمي لانو زول محترم و زي ابوي❤، اليوم البعديهو جا عمار و اهلو و جا اتقدم لي🙈❤، ابوي م فكر يرفض نهايي لانو عرفو راجل كويس من الموقف بتاع علاء داك، قبل طوالي و عقدو طوالي ❤، و شهد و امي و ولاء زغردو، زغاريط🤣🤣❤ و عمار جا همس لي في اضاني قال لي بقيتي من اهلي ❤،
مرت تلاته شهور و كان عرس شهد❤، لبسنا انا و زينب فساتين زي بعض لونها كبدي، كنا حلوين شديد،. اما شهد العروسه م اتعرفنا عليها كانت حلوه شديد😭❤❤، و العرس كان ظابط و رقصنا رقيص،
بعد شهر كان عرسي انا🙈❤، كنت في الكوفير معاي شهد و زينب و ولاء و وعد، كنت حلوه شديد ملكه بس🙈❤،
عاينت وراي لقيت عمار حضني و همس لي في اضاني قال لي بقيتي من اهلي ❤.
و طلعنا مشينا الصاله و كان العرس حلو شديد ❤ و صحباتي و اخواتي كانو لابسين زي بعض و رقصو رقيص انا كنت شوي هاديه عشان اعيش دور العروسه 🤣❤، اما عمار عيونو م نزلها مني🙈❤، لحدي م العرس خلص هو بعاين لي، غايتو اليوم ده مستحيل انساهو ❤،
مرت سنه انا و شهد جبنا بت و هي ولدت قبليني ب اسبوعين سبحان الله سميناها بناتنا رهام❤،
انا كنت في الإمارات و هي في السعوديه،
اما زينب اتزوجت ود عمها و م قدرنا نجي عرسها😔💔،
طلعنا انا و عمار و بتنا رهام❤، مشينا مكان حلو شديد و اتصورنا فيو و رسلناها لي اهلي ❤، و قال لي ي وئام حلمي في انك تكوني من اهلي اتحقق و بقيتي كل حاجه حلوه في حياتي وربنا يخليك لي ي رب❤.
......................................
انتهت ان شاء الله تكون عجبتكم❤و رايكم يهمني لانو دي اول روايه اكتبها❤.
