Ikaw, Ako, at Ako
(Poem Story Part l)Katha ni: Riccs Palacio
Ikaw at ako, at ang mundong binuo
Ikaw Ginoo, ang lalaking minahal
Ang bumihag sa natutulog na puso
Ikaw at ikaw lang Ginoo ang mahalIkaw Binibini, ang babaeng minahal
Ang babaeng matagal ko ng hinintay
Ikaw at ikaw lamang ang mahalAking Ginoo, minamahal kang lubos
Pangngalan mo ang siyang laging sa isip
Presensya'y laging hinahanap-hanap koAking Binibini, aking minamahal
Kay sarap ng sa piling mo'y maglagi
Ang tinig mo sa akin ay nagpapatulogHumiling ako kay Bathala, Ginoo
Ibinulong ko sa hangin ang nais
Pikit mata akong nanalangin, sana!Binibini, ano ang inihiling mo?
Kung ako'y pagbibigyan, tainga ko'y handa
Puso ko'y handa kang mahalin, BinibiniMahal kita, Ginoo, mahal na mahal
Puso ko'y di na alam ang gagawin
Bagama't pag-ibig na ito, kay daming hadlangOh aking Binibini, mahal kitang wagas
Tadhana'y lalabanan makapiling lang
Sandata'y handa na, ilalaban ko naOh aking Ginoo, kay tapang-tapang mo
Ngunit, hindi, sandata'y ibaba mo Ginoo
Huminahon ka't kumalma, halika naSaan Binibini? Saan tayo pupunta?
Mundo ko'y ikaw, di kailangan agawin
Pagka't ikaw lang ang nais makapilingNakaraa'y babalikan natin, ibabalik
Alaala'y sasariwain natin,
Ikaw at ako, at ang mundong binuoNapakasaya Binibini, ako't ikaw
Masaya, puno ng kulay, kay tamis
Mundong binuo, pag-iibigan natinPag-iibigan natin Ginoo, basal
May hihilingin sana ako sa iyo
Awitan mo ako't isayaw ng mabagalWalang problema aking Binibini
Lahat susundin, mapasaya ka lamang
Mamahalin ka ng Ginoong itoAsahan mo ring mamahalin kita
Ginoong, minahal ako ng tapat at wagas
Ngunit, akala ko, akala ko....Bakit aking Binibini? Anong problema?
Binibini? Binibini? Nasaan ka na?
Binibini? Binibini? Nasaan ka?Sinag na dumadampi sa aking mga mata
Iminulat ang mga matang nakapikit
Nagising sa reyalidad, wala ka naBinibini, mundo natin na binuo
Ngayo'y naglaho, mundo ko'y gumuho
Dulot ng tadhana, di Bathala naghadlangSinubukan kong buohin, subalit...
Sinubukang ipilit, pero wala na
Puso nating nagmamahalan, nahati naAlaala nalang pala ang namayani
Nakaraa'y binalikan sa panaginip
Nandoon ka, sa panaginip nalang palaAng iyong ngiti, ang mga mata mo
Ang iyong tinig, ang iyong halakhak
Aking Binibini, bakit ka lumisan?Buhay mo'y binawi, walang pasabi
Ibubulong nalang sa sarili ito
Mahal kita hanggang sa huli, Binibini.
BINABASA MO ANG
Hinabing Palaisipan
PoetryHinabing Palaisipan Poems Spoken Poetry Unspoken Poetry Songs Verses ADVISES/ADVICES Free Verse/Formal etc. All words in this book are works of the author's imagination. Any resemblance to any piece or masterpiece are purely coincidental. ❗Plagia...