يا من تسكن بين القبور
أخارج انت ام اللقاء بعيد!!
أمجيئك أليَ سهلُ أم مجيئي أليك اصبح قريب !
أراغبُ انتَ عن رؤيتي أم تصدكَ عني تلك الصخور!!
أهو طبيعي انتظاري لطيفكَ ليلاً أم انهُ اصبح امراً غريب!!
أهزك الحنين لايامكَ معي أم انتَ ترقد في النعيم !!
طال الفراق بين العالمين ,......
كأزدياد شوقي الذي يسكن فؤادي,..
فلا والله لأنتظرنك ولو بعد حين...
بقلمي ـــــ
..........
الصراخ انترس بالبيت لدرجة كمت ما اميز هذا الصوت تابع المن هل هوه لأختي سحر او لامي
حسيت الدنيه اتوقفت اريد اجذب الي سمعته بس دائماً الواقع يغلب الخيال
سألته ماما من بين شهقاته وهي تلزم ايده صوتها يكسر القلب قبل الروح،// شلون يمه شلون راح الغالي يمهاب ولك عمك ابو طول الحلو شلون مااات .؟
جاوبها وهوه يحاول يهديها بكلمات ما الها اي نفع ولا ترجع الراح / عمتي يا عيني اهدي هاي انتي الذاكره ربج هيج تسوين ....سكت لثواني وما اتلقه اي اجابه لا من امي و لا من عدنه رجع كمل كلامه بأسى
//عمتي صار حادث على الطريق وجان من الراحلين بي ..دفنا اني وابوي وعمي لأن الطريق طويل وهوه دائما جان يكولج المكان الي اموت بي ادفنوني بي ؟؟ مو صح !!
جاوبته وهي تضرب على رجليها وتنعي // صح صح يا يمه صح ..راح الغالي راح يا يمه ..راح ابو بيتي ابو الطول الحلو ..اخخخ يا يمه وين رحت يبسام ويننن رحت وعفت العهد على النص وينن هذا وعدك الي يا عينيييي
ــــــــــــ
نزلت دموعي مثل انهمار المطر بيوم شتوي باارد واني اتذكر الموقف..دموعي تشكو الحزن الي اعتلى مشاعري مثل المطر من يشكو برودة الغيوم فتنزل منهمره على الارض وكـأنها تتصور بسقوطها هذا راح تتلقى الدفو..
بالرغم من انكسارها و الحزن الي غلف قلبها وروحها لرفيق دربها العافها بنص الطريق بالرغم من وجعها و المها بس بعدها تكابر بالحزن
كعدت مقابلي ونظراتها الي تتوسل بيه علمود اصير قويه واصبر على هالفاجعه .
لفتني لحضنها وهي تكتم عبراتها بمحاولات فاشله ,..ايدها بدت تمسح على ظهري بحنيه مفرطه وصادقه ..تمتمت بكلمات مكسوره تحاول تتمكن من دور القوه
ــ،//كافي بنيتي بجي ...كلنه على هذا الدرب يا يمه ..ارحمي امانة ربج ما يصير هيج تعذبيها ..
بعدتني من حضنها هي تمسح دموعي مره وتبعد شعري الاسود الطويل مره ثانيه اردفت وهي تبتسم مجامله الي
،// يلا كومي بنيتي ابن عمج ينتظرج جوه يكول ما شفت نويره من ايام الفاتحه يلا كومي الولد خايف عليج سلمي علي شويه واصعدي اذا تريدين...
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
