رغماً عني
حفصه الهاشمي ..
@HafsaHafsa710 عسلايات تابعو حسابي علمود اي اشعار عن القصه يوصللكم
ــــــــــــــــــ
عسلاياتي الاحداث مال ياسه و نور ترا الزمن ما مرتبط ببعض يعني من تحجيلي ياسه الاحداث مالها مو نفس الزمن ويه نور
ــــــــــــــــــــ
تائهون في طرق الغدر نبحث عن من يقينا من سهام الخيبات
// ويه منو جنتي تحجين ؟؟
باوعت بعيونه بخوف مكتوم رمشت عدة رمشات قبل ما اجاوبه سحبني من ايدي وطلع من الغرفه .وهوه يسحبني ورا بقوه
وصلنه بالاستقبال هوه كعد على القنفه وتيلفوني بأيده ويوجهلي نظرات حارقه اشرلي بأيده اتقدم علي اتقدم بخطوات بطيئه احاول
ما ابين اله توتري علمود لا يزيد شكوكه تجاهي
اشرلي اكعد بصفه واني من الخوف مالتي كعدت بصفه مثل الشطوره التفت نصف التفاته عليه وانطاني التيلفون
امرني افتحه بحده بس بصوت هادئ اخذت منه التيلفون كمت احس نفسي حته الرمز نسيته اصابيعي ترجف
اني متأكده مسحت المكالمه بس من الخوف الي حاوطني كمت اسوي سيناريوهات بعقلي والمكالمه راح ترجع لو اني متوهمه
وهيه اصلا ما ممسوحه
فتحت التيلفون وهوه نظراته مفارقتني جان يباوع بنص عيني وكأنو ديسوي مسح لعقلي ويقرأ افكاري
اول ما فتحت التيلفون قبل ما يسحبه مني لمحت ماكو اثر للمكالمه بالسجل اتنفست براحه حسيت نفسي غركانه وجلبه بقشه
وكدرت هاي القشه تنقضني بالاخير
بقه يكلب بالتيلفون واني كمت وكعدت على القنفه المقابيله مهما يكون خايفه منه بس ما اريد اتقرب اله او حته نبقه
وحدنه بمكان واحد وجنت حريصه على هذا الشي بس هالمره اضطريت ما اسوي اي ردة فعل تخلي يشك بيه واني هستوني ساده
المكالمه من رجال غريب
هوه باوعلي بنظرات انزعاج من كمت من يمه الضاهر ما عاجبه الوضع طبه طوب ميهمني بعد اذا يعجبه او لا
سألني وعيونه مخنزرهن عليه / ويه منو جنتي تحجين عيني ام طنكوره ؟
باوعت علي بلا مبلاة وجاوبته واني اغير مسار نظراتي
// مجنت احجي ويا احد جنت اريد اخابر على امي لان اتأخرت ببيت عمو جراح
باوعلي وهوه يطلع جكاره من الباكيت وفوني بعده بأيده هز راسه بعدم تصديق وهوه يهمهم // همم كلتيلييي ..
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
