رغماً عني

12 part

#رغماً عني 

حفصه الهاشمي ...

ويطول الفراق ويردي بفؤادي

 قتيلاً في قاع الذكريات 

بقلمي ...

ــــــــــــــــــــ

// والله اني احبه ما اريد قتيببه

هيه كالت هيج ما حسينه الا الباب انفتحت قوي لدرجة انضرب بالحايط

فاتت امي علينه وشرار الدنيا طالع من بين عيونها 

اتقدمت على سحر وضربتها راشدي بلا احم ولا دستور ..

// سحر والسماج سحر بعد اذا جبتي طاري بهاء على لسانج اكصلجيا فاااهمه شتحبين منه انتي كل عقلج راح يزوجج ويعارض امه وابو لو يتزوجج علمود عمج الطمعان يفرهدكم تفرهد انتي واختج الغبيه الراكضتلي ورا المحامي  ويذبكم كشر بالشارع  قتيبه الج وتنسين بهاء لا انسيج حليب امج فااهمه 

جاوبتها سحر وهيه تبجي بنحيب  ::/ يماا بس اني ما احبه ليش شبي بهاء اني ما راح اتزوج اهله اني راح اتزوجه هوه يحبني ما يذبني كشر والله يم

ضربتها امي راشدي ثاني وكفت وسحبت سحر ورايه وهيه ميته من البجي باوعت على امي بعصبيه 

/// يمااا هيه خوما اجبار شبيجج ؟؟ داتكولجج ما اريد قتيبه كوتره خوما كوتره  

عاطت علينه بعصبيه ::/ انتي تنجبين وما تدخلين بهالموضوع فاهممه سالفتج لهسه ما ناسيتها وتحز بكلبيي 

وانتي سحرر اياني واياج اشوف ضلج كدام بهاء والله يا سحر تشوفين شي ما شايفته مني طول عمرج ...منتوفات الصفحه هوه انتن ثنين ما اكدرلكم يعني هينه هينننه منا وهيجج اني اعرف شلون اتصرف وياكمم 

طلعت وركعت الباب وراها  

حضنتني سحر وهيه تبجي بحركه 

// نوره والله ما اريده لقتيبه لو شفتي البارحه بهاء .... ما اريده كولي لامج احجي وياها الله عليج 

حضنتها ومسحت على شعرها احاول اهدئها /// حبيبتي اسكتي اكيد ما تجبرج بس هيه تحجي هيج لان معصبه وشافت هذا الغبي بهاء بهالحاله فعصبت عليكم ولا هيه تحبه لبهاء وانتي تعرفيها بعد ....بعدين تعالي انتي من شوكت تحبي خاتون 

ضحكت بخجل ومسحت دموعها /// والله اني احبه من زمان هوه كل يوم يجي للمدرسه بحجة يوصلني بس اني اعرفه يجي علمود قتيبه ما يرجعني ويا ههههه .. البارحه اجه عليه كالي عمي جراح يريد يخطبج لقتيبه وبقه يرزل ويصيح بنص الشارع مثل المخبل بس هوه كالي انتي ما تزوجي لو على كص ركبتي 

سكتت شويه ورجعت حجت من بين دموعها // نوره والله اني احبه لبهاء ما اريد قتيبه هوه يعرف بيه ما اريده ليش هيج يسوي ...